“Психолог – болашақтың мамандығы!!!”

Жамбыл облысы,Т.Рысқұлав ауданы,

Ақыртөбе орта мектебі педагог-психолог

Аксакалова Назира Сайлауовна

“Психолог – болашақтың мамандығы!!!”

Мамандықты дұрыс таңдай білу тек ұнатқан, қызығып оқып біліміңді толықтырған пәндеріңнен бөлек, қабілеттілікті, ізденімпаздықты, ынта-ықылас пен зейін қоя білуді, жаңаша ойлауды, икемділік пен шеберлікті үнемі қажет етеді.

Психологтың барлық міндеттерін, этикалық және эстетикалық талғамдарын сақтай отырып, оқушылардың шығармашылық қабілеттерін, зияткерлігін арттырып, мен өз мамандығымды қызығушылықпен орындап, түсінбеген, білмеген сауалдарыма жауап іздеп, білгенімді басқаларға үйретуге талпынамын. Алдыма келген оқушыға немесе мұғалімге қайткен күнде де қол ұшын беріп, жақсылық жасауға тырысамын.

Мектеп психологы үшін баланың қызығушылығы, бейімі, қабілеті, зейіні, түйсігі, ойлау қабілеті, сөйлеу мәнері секілді ерекшеліктері басты орында болуы тиіс.

Өмірдегі көп мамандықтың ішінде жан-жақты бейімділікті, өмірге икемділікті, шеберлікті, ерекше шәкіртжандылықты, мейірімділікті қажет ететін мамандық – психолог мамандығы.

Психолог бала жанын ұғатын, жанашыр, үлгі өнеге болатын тұлға, баланың болашағына сеніп, мүмкіндігін арттыру жолын білетін тұлға. Баланың өзіне деген сенімін күшейтіп, алға ұмтылатын жаттықтырушы, балаға ақыл айтып қана емес, мәселені бірлесіп шешуге көмектесетін, сыр бөлісуге дайын дос, жолдас болатын сенімді адам.

Мен өзімнің адамның жан-дүниесін зерттейтін ғажайып мамандығым арқылы жабырқаған көңілге қуаныш сыйлайтын, мазасызданып қорғаншылыққа тап болса, болашағына сеніммен көмектесемін.

Педагог психологтың еңбегінің күрделі және жауапты екенін айта келе, өзі білім саласы қызметкерлері шішінен балаларға ең жақын адам, олардың қызығушылықтары қорғаушы ретінде қалыптасады.

Психолог болу - қызықты да қиындығы мол тамаша мамандық. Қызметінің тәтті де ащы дәмін татып, әрқашанда өз ісімнің шебері болуға ұмтыламын.