Іс-әрекет

бөлімдері

Тәрбиешінің іс-әрекеті

Балалардың

іс-әрекеті

Ұйымдастыру

Шаттық шеңберіне тұрғызып, бір-біріне тілектер айтқызу.

Балалар бір-біріне күлімдеп қарап, жақсы тілектер білдіреді.

Негізгі бөлім

Алдымен балалармен күз мезгілінің ерекшелігі, күзгі еңбек жайында әңгімелесу.Тұқым жинау туралы сурет бойынша әңгіме құрастыру. Дидактикалық материалдардағы тұқым түрлерінің суретін қарастыру. Бүгінгі сабақта қағаздан тұқым салатын қағаз қапшық жасайтындарын айту. Дайындалған үлгіге талдау жасалады. Әліппе-дәптердегі үлгіні қарау. Қағаз қапшықты жасау жолдарын көрсетіп түсіндіру.

• тік төртбұрышты қағаздың бұрыштарын, қабырғаларын теңестіріп бүктеу, бүктеу сызығын тегістеу;

• тік төртбұрышты қайта жазып ашып, екі шетін мөлшермен қарындашпен белгілеп алып (2 см), қарама-қарсы бағытта бүктеу, бүктеу сызықтарын тегістеу;

• қарсы бүктелген бөлігінің бір жағына желім жағып, оң жағын желімдеп алады;

• екінші бөлігіне желім жағып, оны да желімдейді, қапшық дайын болады;

• қапшықтың сыртын қарындашпен немесе фломастермен әшекейлеу ұсынылады.

Балаларды қағазбен жұмыс жасау барысында ұқыптылыққа, бастаған ісін аяғына дейін жеткізе білуге бағыттап, кейбір балаларға көмектесіп, жұмыс барысында басшылық жасалады.

Қапшықты жасау барысында орындалу ретіне мән беріп, қағазды бүктеу, желімдеуде әр баланың іс-әрекеті қадағаланады. Балалардың іс-әрекеті мадақталып, еңбек нәтижелерін бір-біріне көрсетіп, кімнің тұқым салатын қағаз қапшығы әдемі болғанын айтып, өз жолдастарының еңбегін бағалайды. Бүгінгі сабақта жақсы жұмыс жасағандарын айта келіп, еңбек туралы қандай мақал-мәтел білетіндерін сұрау.

Еңбек түбі –зейнет.

Еңбек етсең ерінбей,

Тояды қарның тіленбей.

Жұмыстың орындалу барысын тәрбиешінің көрсеткен нұсқауы бойынша орындайды.

Барлық бөліктерін қиып алып, үлгі бойынша желімдеп жапсырады.

Дайын болған соң,оған балалар өз қалаулары бойынша қосымша бөліктерді өздері ойлап табады.

Қорытынды.

Балалардың бүгінгі еңбек жетістіктеріне талдау жасау. Мадақтау .

Балалар еңбек туралы мақалдар айтып, сабақты қорытындылайды.