Қара шаңырақ
ҚазҰУ
Студенттік кезең әр адам үшін тәжірибеге толы
ең керемет уақыт.Біліміңді университет қабырғасында жалғастыру жас
түлектердің арманы.Біз мектепте жүргенде,мектепті бітіргенше
алдымызда үлкен уайым тұрады.Білімді ары қарай жалғастыру үшін
Ұлттық біріңғай тестті тапсырып,білім гранттары үшін конкурсқа
қатысуға асығамыз.Барлығы өзі армандайтын мамандығына,оқу орынына
түскісі келеді.Ата-ананың үмітін ақтауымыз керек.Алдымызда үлкен
жауапкершілікте тұратыны рас.Бірақ студент болу керек деп
кез-келген мамандыққа оқуға түсе салуға немесе өзіңе ұнамайтын
мекемеге баруға
болмайды.
Ұлттық біріңғай тестілеуден кейін алдымызда
тұратын үлкен жұмыс ол дұрыс таңдау жасау.Мен де,де сондай
жауапкершілік тұрды.Бірақ менің өзімнің кішкентай кезімнен қалаған
мамандығым мен университетім болды.Маған таңдау жасау қиындық
туғызбады.Себебі мен әл-Фараби атындағы Қазақ Ұлттық университетіне
оқуға түсуді 6 сыныптан бастап армандадым. Алматының қиындығы мен
қызығын қара шаңырақ ҚазҰУда өткізу әр студент үшін мақтаныш екені
рас.Өйткені ҚазҰУ студенттік шақ үшін ең керемет
орын.
Мен қазір 1 курс студенті болсамда түрлі
іс-шараларға қатысып,өз мамандығым бойынша тәжірибе
алмасып,көптеген белгілі тұлғалармен таныстым.ҚазҰУ ол мүмкіндіктер
мекені.Қысқа уақыт аралығында Алматы әкімімен және министермен
таныстым.Ол кісілердің жабық өткізілетін марапаттау рәсіміне
қатысып,Асқар Кеменгелұлының қолын алып онымен сұхбаттасу
мүмкіндігіне ие болдым.Одан бөлек түрлі іс-шараларға қатысып
филология факультетінде поэзия оқып, профессорлардың көзіне
түстім.Сонымен қатар “Заман” театрына мүше болып,
актер,актрисалармен таныстым.ҚазҰУдың активистикасының арқасында
“Qazaqsha терапия” театрының директоры Мұрат Есжанмен
студенттерге кездесу ұйымдастырып,ол кісінің өзімен жеке жұмыс
істеу мүмкіндігіне қол жеткіздім.Одан бөлек танымал блогерлер мен
әнші,актер актрисалармен кездесуге қатысып түрлі кейстар
алдым..Менің таңдауымның дұрыс болғандығына еш күмәнім
жоқ.Журналистика факультетіне оқуға түскелі ЮНЕСКО-ның журналистика
және коммуникация кафедрасының ұстаздарының арқасында және
студентерге мүмкіндік беріп қойған қара шаңырағыма айтар алғысым
шексіз.
Жас түлектер үшін дұрыс шешім қабылдау
маңызды болмақ.Студенттік кезең қайтып келмейтін шақ.Барынша
тәжірибе алып,өз мүмкіндіктерімізді аша білуіміз керек.Қазақстанның
дамуы жастардың қолында.Жастар осындай талапшыл,білім құмар болса
біздің еліміз дамиды.Болашақ біздің
қолымызда.
Орындаған:Алпысбай
Айгерім
Жетекші:Жетпісбаева М.С., аға
оқытушы