Қарттарым-асыл қазынам

Қарттарым –асыл қазынам

Сабақтың мақсаты: қарттардың қоғамдағы орнын, тәлім-тарбие, өнеге көзі екенін тусіндіру.Оқушыларды әдептілікке,ата-ана борышын ақтауға,адал болуға үлкендерді құрметтеуге,адамгершілікке,имандылыққа тәрбиелеу.
Көрнекілігі: нақыл сөздер,шарлар,суреттер,слайд.
Барысы:
Жүргізуші:Қайырлы күн,қадірлі әжелер мен аталар,ұстаздар мен оқушылар! «Қарттарым асыл-қазынам» атты ашық тәрбие сағатына қош келдіңіздер.

Салем ата,әже-алтын күн,
Сәлем,қарты халқымның!
Бақытты болғын балалар,
Ашық болсын күніңіз!
Жайнай берсін жүзіңіз!
Дүниеге келер бір рет
Дария кеуде тау мүсін
Құрыштан құйған құдірет
Қарттарым аман-саумысың?!
Өздерің болсаң жанында
Ел іші жомарт,еңселі
Дән иісі жүрген қанында,
Даламның бір-бір бөлшегі,-дей келе «Қарттарым- асыл қазынам» атты тәрбие сағатымызды өздеріңізге тарту етеміз.
2-ЖҮРГІЗУШІ:Ия,балалар бізге қызықты ертегі айтып беретін,жыр-дастандарды аңыздарды көп білетін,бата-тілегін әркез аямайтын ақсақалды адамды кім дейміз?
1-оқушы:Айтады ертек жан атам,
Ақ сақалын салалап.
Құмарымды тарқатам
Жер мен көкті аралап
Ертегілер еліне,
Бір шегетін сапары
Ардақтаймын өмірде
Асқар таудай атамды
2-оқушы:Атамды жақсы көремін,
Жаттап алам өлеңін
Ертегі айтса қызықтап
Ұғуға көңіл бөлемін
3-оқушы:Мән беріп ден қойғанда,
Терең ойға батасың.
Шілдехана,тойларда,
Береді атам батасын.
4-оқушы:Әр сөзінің ақырын,
Жақсылыққа тірейді.
Қадап айтып ақылын,,
Көпке бақыт тілейді.
Мұғалім:Аталарың сендерге не дейді?
5-оқушы:Атам маған әрқашан
Кішіпейіл бол деген.
Ата сөзі санамда,
Жасы үлкенге жол берем.
6-оқушы:Атам маған әрқашан,
Әділеттті бол деген.
Ата сөзі санамда,
Жүрем тура жолменен.
Жұмбақ:Ал,балалар,бізге түрлі тәттілерді көп беретін,маңдайымыздан сипап еркелететін,маңдайымымыздан сипап еркелететін,мейірімді жанды кім дейміз? «Әже» Ендеше әжелерінің балаларына кезек берейік.
7-оқушы:Маған ақыл беретін,
Әжем менің асыл жан.
Сипап жақсы көретін,
«Құлыным» деп басымнан.
8-оқушы:Әжем-ақыл бесігі,
Мейіріммен тербеткен.
Мен де ақылды боламын,
Аман-есен ержетсем.
Жақсылыққа үйретіп,
Жамандықтан шектейді.
Ертегі айтып беретін,
Әжеге ешкім жетпейді.
9-оқушы:Шуағыңды сеуіп,
Жайна,анамыз,әже,
Жұлдыздарың болып,
Айналамыз,әже!
«Қошақаным» әні орындалады.
Атадан бізге не қалған?
10-оқушы:Бұл сөзімді отырған қауым қоштар,
Осындағы достарым,сыныптастар.
Аталар мен әжелер ұрпағына,
Қалдырған аманаты мынау ,достар:
1.Ерлік; 2.Бірлік; 3.Еңбек; 4.Шалқыған көңіл; 5.Бақытты өмір.
1-жүргізуші:Біз өнерсіз боламыз ба?
Көрсін ата-әжелер
Көрсін әке-аналар
Риза болсын көрермендер,-дей келе «Қазақ биін» тамашалайық.
2-жүргізуші:Көп жасаған қария,
Ақылы теңіз дария
Көп өнеге сөзі бар
Сөзі соқпақ,өзі нар
Ата салты ардақты
Әрбір сөзі салмақты
Сол сөздерді ұқпасаң
Тістерсің бір күн бармақты-дегендей тәлім-тәрбиенің көзі болған нақыл сөздереге кезек берейік:
1.Ата көрген оқ жонар
Ана көрген тон пішер
2.Қарты бар үйдің қазынасы бар.
3.Үлкенге құрмет,кішіге ізет.
1-жүргізуші:Балалар,біз осы мейрамға қарсы ауылымыздың ардагер ата-апаларына барып қарттар күнімен құттықтап,батасын алып қайттық.
2-жүргізуші:Ия,Қарлығаш міне сол кездегі түсірілімге,суреттерге назар аударайық.
Слайд:Қарттарым- асыл қазынам.
1-жүргізуші: Келесі кезекте Нұржақыш Аяулымның орындауында әсем ән. Мұқағали Мақатаеватың «Қариялар азайып бара жатыр» өлеңін Сатан Балнұр.
2-жүргізуші: Хор «Атамекен»
Арсен:Кім үлкенді тыңдаса,
Кім үлкенді сыйласа,
Үлкен болған кезінде
Сыйлы болар өзіде,
Ұрпақтардың бағы болсын,
Арайланған таңы болсын,
Тілегенің бәрі болсын!-дегендей,бүгінгі ашық тәрбие сағатымызды аяқтай келе бізге ақ баталарыңызды беріңіздер.