«Қарттарым-қазынам, ұстазым - ұлағатым»

30 қыркүйек күні сағат 11⁰⁰-де 1 қазан - Қарттар күні мен ұстаздар мерекесіне арналған «Қарттарым-қазынам, ұстазым - ұлағатым» атты тақырыпта әдеби-сазды бағдарлама өтті. Мерекелік шараға ардагер ұстаздар мен ата-аналар, ұстаздар, оқушылар, ауыл қарттары арнайы шақырумен қатысты. Мектеп директоры Серікбай Дастан Алтынбекұлы мерекелік құттықтау сөз сөйлеп, қарттар мен ұстаздарды мерекемен құттықтады. Мерекелік шара мектеп оқушылары мен ұстаздардың қатысуымен дайындалған концерттік бағдарламамен жалғасты. Мектеп ұстаздары Тұрғанбек Ерғанат Сәулетұлы мен Абенов Жанат Бектұрсынұлының орындаған ұлттық нақыштағы өлеңдері халық көңілінен шығып, келген қонақтар ризашылықтарын білдірді. Бастауыш сынып оқушылары балдай тәтті тілдерімен ата, әже туралы жырлар оқып, қарттарды мәз-мейрам етті. Мерекелік шара қарттар мен ұстаздар күні тұспа-тұс келгендіктен біріккен түрде өтті. 8-9-сынып оқушылары Серікбай Ақбота мен Зекебай Мейірнұр, Уахит Ажар, 5-сынып оқушысы Солтанбай Ершуақтардың орындаған әндері де көпшілік қауымның көңілінен шықты. Концерттік бағдарлама мектептің биші қыздарының әсем билерімен жалғасты. Шара соңында көп балалы батыр ана қарттар атынан Жакенова Гүлнар әже ұстаздар мен оқушыларға алғыс білдіріп, еңбектеріне табыс тіледі. Мерекелік шарадан соң қарттар естелікке суретке түсті. Мерекеге арнайы презентация жасалды.

Ж.Б.Абдыкаримова

Егіндібұлақ ЖОББМ Биология пәнінің мұғалімі