Қашықтықтан білім алу-заман талабы

ҚАШЫҚТАН БІЛІМ АЛУ — ЗАМАН ТАЛАБЫ
«Өрлеу» БАҰО АҚ филиалы Түркістан облысы және Шымкент қаласы
бойынша ПҚБА институтында «Қазақстан Республикасында орта білім
мазмұнын жаңарту шеңберінде қазақ тілінде оқытатын мектептердегі
бастауыш сынып пәндері бойынша педагогика кадрларының біліктілігін
арттыру» тақырыбында өз білімімді жетілдіру мақсатында курста оқыдым.
Курс тренері интституттың «Мектепке дейінгі тәрбиелеу және бастауыш
оқыту» кафедрасының аға оқытушысы Н.К.Садирмекова.
Жаңартылған білім беру бағдарламасы аясында үйренгенімді
қашықтықтан оқытуға тиімді етіп енгізу бүгінгі күннің басты талабы.
Жаңартылған білім беру курсында, оқушы тұлғасының үйлесімді қолайлы
білім беру ортасын құра отырып сын тұрғысынан ойлау, зерттеу жұмыстарын
жүргізу, тәжірибе жасау, АКТны қолдану, коммуникативті қарым-қатынас
дағдыларын қалыптастыру, функционалды сауаттылықты, шығармашылықты
қолдана білуді және оны тиімді жүзеге асыру үшін оқыту әдіс- тәсілдерді курс
барысында үйрендім. Яғни оқушы жеңіл тапсырмадан бастап орындағанда
күрделі тапсырмалардың өзін еш қиындықсыз орындай алады. Оқушы өз
мүмкіндігін сезінген сайын оның оқуға деген қызығушылығы арта түседі.
Оқулықтағы әр - түрлі тапсырмалар оқушылардың жан-жақты ізденуіне
ынталандырады және ғаламтордан өздеріне қажетті мәліметтерді ала алады.
Курстан үйренгенімізді жұмыс барысында тиімді пайдаланып
жатырмын. Қашықтықтан білім беруде сол курстан алған білімімізді
қолданудамыз. Қашықтықтан білім беру мен үшін еш қиындық туындатқан
жоқ. Курста біз АКТның түрлі мүмкіндіктерін тиімді қолданудыда үйрендік.
«ХХІ ғасыр – ақпараттандыру ғасыры» деп аталды. Қазақстан
Республикасы да ғылыми-техникалық прогрестің негізгі белгісі – қоғамды

ақпараттандыру болатын жаңа кезеңіне енді. Бүгінгі күнде әлемнің қай
түкпірінде болса да, ауқымды желі болған жағдайда өз бетінше білім алуға
мүмкіндік беретін, ізденуді қажет ететін ерекше жүйе «Қашықтан білім алу
жүйесі», мүмкін болып отыр. «Қашықтан білім алу» әр адамның өзіндік
қажеттілігін ұғынуына, өзіне қажетті білімді іздене отырып үйренуіне
мүмкіндік беретіні белгілі. VI тоқсан алғаш рет қашықтықтан оқыту
форматына ауыстырылды. Оқушылардың қашықтан білім алуы үшін атааналардың атқарар рөлі өте жоғары. Дәстүрлі мұғалім, оқушы, ата-ана үштігі
тығыз байланыста болып, әр ата-ананың материалдық жағдайын ескере
отырып қолдан келгенше сапалы білім алуды көздей отырып, тиімді интернет
желілері таңдап алынды. Атап айтсақ, оқушылар daryn.online, ok.edus.kz
сайттарынан да тапсырмалар орындап, кері байланыс жасау үшін ең тиімді деп
алынған. Whatssap желілері күнделікті сабақ барысында қолданылады.
Бастапқыда қалыпқа түсіп кеткенше сәтсіздіктер орын алғанымен, бүгінгі күні
түгел дерлік оқушы уақытты тиімді пайдаланып, күнделікті сабағын қалыс
қалдырмайды. Қуантарлығы мектеп ата-аналары заман талабына сай
техниканы үйде отырып балалары арқылы меңгеру үстінде. Бұл да
мектебіміздің төтенше жағдай кезіндегі қашықтықтан оқыту барысындағы
өзіндік жетістігі деп білеміз.
Қашықтықтан оқыту барысында «Өрлеу» БАҰО АҚ филиалы Түркістан
облысы және Шымкент қаласы бойынша ПҚБАИның аға оқытушыларының
онлайн желісі бойынша ұйымдастырған түрлі іс-шараларына қатыса отырып
өзімізге қажетті акпараттарды ала отырдық, атап айтар болсам тренерімнің
ұйымдастыруымен «Google форматында бастауыш сынып оқушыларына
арналған пәндік тесттерді құрастыру» тақырыбында ZOOM платформасы
бойынша әдістемелік кеңес ұйымдастырды. Мақсаты Google форматында
оқушылардың жас ерекшеліктеріне сай тесттерді құрастырудың тиімді
жолдарын қарастыру, мұғалімдердің кәсіби құзыреттіліктерін арттыру
болатын. Мен бұл кеңестен өзіме көптеген құнды мәліметтерді ала алдым.
Қатысушылар қашықтықтан оқыту жағдайында әр бір оқушының бөлім,
тоқсан бойынша жоспарланған оқу мақсаттарына қол жеткізу деңгейін
анықтау үшін Google форматында бастауыш сынып оқушыларына пәндік
тесттерді құрастырудың тиімді екендігіне көз жеткізіп кері байланыс берді.
Алдағы уақытта қашықтықтан оқыту жағдайында филиалдың ПО,
тренерлеріне осындай іс-шараларды ұйымдастырудың мұғалімдер үшін өте
маңызды екенін айттып, ұсыныс жасады. Қашықтықтан оқыту барысында
мұғалімдерге көптеген іс-шараларды онлайн түрінде ұйымдастырып қолдау
көрсеткендері үшін «Өрлеу» ұжымына алғыс айтамын. Жұмыстарыңызға
шығармашылық табыс тілеймін!

Түркістан облысы
Ордабасы ауданы
Шұбарсу елді мекені

«Достық» жалпы орта мектебі
Бастауыш сынып мұғалімі
Турсунова Амангуль Айтмурадовна