2021-2022 оқу жылы қазан айында өткен «Интернет және әлем» презентация қорғау іс-шарасына қорытынды ақпарат

28 қазан  күні «Қауіпсіз интернет» республикалық ақпараттық науқанының аясында информатика пәні мұғалімдері Б.Калкеева мен М.Каирбекова бірлескен түрде «Интернет және әлем» тақырыбында 6-8 сынып оқушыларымен презентация қорғау өткізілді. Негізгі мақсаты: Оқушылардың интернет жайында түсінігін анықтай отырып, тіл байлығын, ой ұшқырлығын дамыту.  Бүкіләлемдік өрмек – интернетке байланысты оқушылардың білімдерін нығайту, тиянақтау.  Іс-шара барысында оқушылар қауіпсіз интернет тақырыбына байланысты презентацияларын қорғады. Сыныппен интернеттің пайдасы мен зияны туралы ой қозғады. Оқушылар өз өмірлерін мысалға ала отырып, интернеттің пайдасыз жақтарын ашық айта алды. Онымен күресу жолында бірнеше ұсыныстар білдірген оқушылар да болды. Оқушылар өз ойларын еркін жеткізе алды. Оқушылар интернет тәуелділіктің деген дерттің өз өмірлеріне  сөзсіз әсер ететініне көздері жетіп, саналарына пайдалы ой түйді деген ойдамыз.