«Қазақ» газеті туралы

«Қазақ» газеті — ХХ ғасыр басындағы ұлттық баспасөздің ең маңызды басылымдарының бірі. Ол 1913 жылы 2 ақпанда Орынбор қаласында жарық көрді. Газеттің негізін қалаушылар — ұлт көсемдері Әлихан Бөкейхан, Ахмет Байтұрсынұлы және Міржақып Дулатұлы болды. «Қазақ» газеті халықты бірлікке, білімге және мәдени өрлеуге үндеді. Онда елдің саяси, әлеуметтік, рухани мәселелері көтерілді.

Газет бетінде ағартушылық, экономика, шаруашылық және оқу-ағарту тақырыптарындағы мақалалар жиі жарияланды. Ол кезеңде қазақ халқының ұлттық санасын оятуда «Қазақтың» рөлі зор болды. Газет патша өкіметінің отарлық саясатына қарсы пікірлер білдіріп, қазақ жерін сақтау мен ұлттық мүддені қорғауға үндеді.

1918 жылы кеңестік билік орнаған соң газет жабылды. Дегенмен, «Қазақ» газеті — қазақ журналистикасының алтын қазығы, ұлт рухының шырағы болып қалды.

Автор: Темірбек Мади