Қазақ тілі-ұлт тілі

Қазақ тілі-ұлт жаны

«Ғасырлар бойы қазақтыңтың ұлт ретіндегі

мәдени тұтастығына ең негізгі ұйытқы

болған-оның ғажап тілі»

Н.Ә. Назарбаев

«Ана тілі-халықтың өткен ұрпағын,қазіргі және келешек ұрпағын тарихи бір түтастық,мызғымас бірлік,ажырамас туыстық,жағдайда мәңгілік біріктіретін сенімді құрал» Ана тіліміз арқылы ғана біз халқымызды,Отанымызды танып білеміз, халық рухының сарқылмас бастауыда сонда жатыр. Ел-жұртымызды,туған жерімізді оның өзен-көлдерін,оның бораны мен нажағайын ана тіліміз арқылы ғана қабылдап, соларға деген перзенттік махаббатымызды ана тіліміз арқылы жеткіземіз» - деп педагог К7Д7 Ушинский айтқандай тіліміз еліміздің тірегі мен жүрегі.Қазақ халқы ұлт болып қалыптасқалы бері, қазақ тілі өмір сүріп келеді.Тілдің иесі-кешегі қазақ, бүгінгі қазақ және болащақтағы қазақ болып мәнгілік болуы тиіс!Тіл-өткеннің ұрпаққа қалдырған аманаты, бүгінгі күннің абыройы,ертеңгі күннің кепілі.

ХХ ғасырдың басында ғұлама-ғалым Ахмет Байтұрсынұлы «Ұлттыңжоғалуына себеп болатын нәрсенің ең қуаттысы-тіл,сөзі жоғалған ұлттың өзі жоғалады» деп еді. Еліміз тәуелсіздік жолының жиырма жетінші жылына қадам басқан тарихи шақта, басқа елдермен иығын тең тіресер кезеңде тіліміздің қазіргі жайы кімді болмасын толғандырмай қоймайды. «Қазақстанның болашағы қазақ тілінде. Тілсіз ұлт болмайды. Өз тілімізді сақтау, өз тілімізді құрметтеу отаншылдық рухты оятуға қызмет етеді. Әрі ол-ата-баба алдыңдағы ұлы парызымыз да» деп Елбасы Нұрсұлтан Назарбаев айтқандай,мемлекеттік тілдің мәртебесін асқақтатып, оның қолданылу аясын кеңейтуге, дамытуға ат салысу,сонымен қатар білім ордаларынан бастау алуы тиіс.Адам баласы тек қана білім арқылы дүниенің құпия сырын ашады.Білімнен тағылым алып,болашағын болжап, келешегіне бағып белгілейді. Білім алдымен тіл арқылы игеріледі. «Тіл бесікте бекиді,үйде қалыптасады, бойға ұялайды,шаңырақта шыңдалады,мектепте дамиды, сөйлегенде жетіледі,жазғанда қалыптасады» деген Асылы Османованыңсөзімен толық келісемін.

Мемлекеттік тіл, яғни, қазақ тілі-әлемдегі алты мыңға жуық тілдердің ішіндегі қолдану өрісі жағынан жетпісінші, ал тіл байлығы мен көркемдігі, оралымдығы жағынан алғашқы ондықтар қатарындағы тіл.Сондай-ақ,ол дүние жүзіндегі ауызша және жазбаша тіл мәдениеті қалыптасқан алты жүз тілдің және мемлекеттік мәртебеге ие екі жүз тілдің қатарында тұр. Қазақстанда тұратын жүзден аса ұлт өкілдері Қазақстанның халқын, соның ішінде қазақ халқының тұрмыс-әдебиетін, әдет- деген ғұрпын,мәдениетін, әдебиетін, тілін білуі міндетті. Тілге деген құрмет-халыққа деген құрмет. Тілсіз халықтың, елдің өмір сүруі мүмкін емес. Әлем таныған ел болу үшін тіліміздің жұлдызын биіктетіп, жарқыратуымыз керек. Қазақстан Республикасының Конституциясы (1995). «Т3л саясаты туралы» Тұжырымдамасы (1996ж) және осыларға негізделген. «Тіл туралы» Заң (1997ж) республикадағы тілдердің ұлтаралық жарастық пен рухани ынтымақтастықтың құралы ретінде қызмет етуін және тіл алуындығын көздейді. Республикада мемлекеттік тіл ретінде бір ғана тіл -қазақ тіліне конституциялық мәртебе беріліп отыр. Қазақстан Республикасында қазақ тілінің мемлекеттік тіл ретінде қызмет етуінің бірнеше алғы шарты бар. Атап айтқанда, сол тілді қолданушылардың санының жеткілікті болуы, табиғи және табиғи емес тілдік ортаның болуы ,республиканың барлық аймақтарына таралуы қоғамдық өмірдің әр алуан саласында қызмет етуі және ауызша әрі жазбаша түрде қызмет етуі сияқты сыртқы факторларлың болуы, сондай ақ қазақ тілінің құрылым-жүйесі жетілген, лексика-фразеологиялық қоры аса бай, ежелден келе жатқан жазба және ауызша дәстүрі бар ұлттық тілдердің бірі ретіндегі ішкі тілдік факторлардың болуы -қазақ тілінің мемлекеттік тіл ретінде қызмет етуіне мүмкіндік береді.Оған қоса мемлекеттік тіл-татулық пен бірліктің тірегі. Сол себептен де, Қазақстан-әлемдегі ең мықты, бәсекеге қабілетті елдердің қатарына ену үшін қазақ тілін жоғары мәртебеде ұстауы керек. Иә,тіл мәселесі -аса күрделі, аса жауапты мәселе. Қазақ елі барда, қазақ тілі де болады.Өседі.Өркендейді.Тіл пайдаланылып жүрген кезде өшпек емес,қоғамдық қатынастарды толымды түрде және белсене пайдаланатын тіл болып тұрған кезде ұлт өмір сүре бермек.Еліміз бен тіліміз мәңгілік жасай берсін.Ұлт болашағы жастардың қолында,ал тіл-ұлттың жаны.Сол себепті ұлтымызды сақтап қалғымыз келсе, ең алдымен,тілімізді түзетейік,шұбарлануына жол бермейік. Өзге тілдің бәрін біл,өз тіліңді құрметте.Қазір қай басылым бетіне қарасаңыз да,тіл мәселесі.Мемлекеттік тіліміз қашан өзіндік ең биік тұғырға мінгенше,бұл тақырыпты тіл жанашырлары жалғастыра жаза да, айта да берері даусыз.Елімізде «Өзге тілдің бәрін біліп», өз тілінде еркін сөйлей алмайтын қандастарымыз қаншама? Біз бұл топты Мұхтар Шахановтың тілімен айтсақ, «Шала қазақтар, жаңа қазақтар» деп «әспеттеп» жүрміз.Осы топтағы адамдардың көбісі,мемлекеттік мекемелер мен халық көп топталатын орындарында отырғаны да рас. «Соқыр тауыққа бәрі бидай» демекші,өз тілінде сөйлей алмайтын адамға ұлттық рухтың да, ұлттық сана,салт-дәстүрдің де, ұлттық тәрбиенің де керегі шамалы. Ана тілдің қамы үшін, жарғақ құлақтары жастыққа тимей жанталасып жүрген ағаларымыздың «Айғайлай-айғайлай қасқырдан да ұят болдының» кебін киіп, тамағы қарлықты, жағы қарысты. Ата-бабаларымыздың сан ғасыр ұлы арманы болған, ұл-қыздарымыздың киелі қаны мен беймезгіл қиылған жанының нәтижесінде келген Тәуелсіздігімізді баянды етер қаруымыз да-тіл. Осыған орай, қазір, Елбасымыз Н.Ә. Назарбаев үш тілді білуді міндеттеп отыр. Елбасымыздың осы Жолдауындағы қазақ тілінің мемлекеттік зөлі мен мызғымас орыны туралы айтқан сөзін толық қолдаймын.

Кезінде ақын Қадыр Мырза Әли:

Ана тілің арың бұл-

Ұятың болып тұр бетте!

Өзге тілдің бәрін біл,

Өз тіліңді құрметте!-деген еді. Сол секілді, үш тілділіктен бұрын біз мемлекеттік тілдің мәртебесін көтеру туралы ойды қолдап, болашақта қазақ тілінің қолданыс аясын кеңейту керек. Халық қалаулысының пікірінше, мемлекеттік тіліміздің мәселесі қашан да болсын өзекті бола бермек. Оның тағдыры мен болашағы-Отанымыздың әрбір азаматының қолында.Қазақ тілі-тұғырлы тіл болып,халық арасында өзінің айрықша бағасын алуы керек. Тіл-ұлттың жаны,жүрегі болғандықтан, тіліміз тұғырлы,ғұмырлы болуы керек емес пе? Сондықтан,әрбір Қазақстан азаматының бір-бірімен қазақ тілінде сөйлеп, ана тіліміздің мәртебесін өркендетуі керек. Бұл -азаматтың ел алдындағы борышы, міндеті! Ал, үш тілде білім беру жүйесіне келсек, Қазақстанның әрбір болашақ жас өскіні -болашақта әлеуетті, прогресті, жан-жақты дамыған интеллектуал,эрудит болып, кез келген елдің азаматымен білім-ғылым, заманауи прогресс жолында бәсекеге қабілетті болып, тартысқа түсуі үшін үш тілді білім беру жүйесінен тәлім алуының маңызы өте зор. Президентіміз Жолдауында көрсеткендей, қазіргі кезде әлемдік ғылыми ақпараттың 90 пайыздан астамы ағылшын тілін қолдануда.Елімізді өркениет жолына шығарамыз десек, осы көштен кейін қалмауымыз қажет.Оны түсінбейтін қазақ жоқ. Бірақ Елбасымыз көрсеткендей, бұл кезең-кезеңмен, салмақтап жүзеге асатын дүние. Қазақ: «Сабыр түбі-сары алтын» дейді, бұл жүйеге тек сабырмен, төзіммен қарап, болашақтың жарқын сәтінен үміт күтейік. Сол уақытта жаңа технологиялардың тетігін ұстайтын қазақ балалары үш тілді білім беру жүйесінен білім алғандықтан, өз ойларын бүкіл әлемге емін-еркін айтары аңық. Сондықтан мен өз замандастарымды «Өзге тілдің бәрін біл, өз тіліңді құрметте» деп ақын Қадір Мырзалиев айтқандай, басқа тілді біле отырып, ең алдымен өз ана тілімізді құрметтеуге шақырамын.