Тақырыбы: “Қазақ тілім-өз тілім,ана тілім” қазақ тілінен интеллектуалдық ойын

Мақсаты: 1. Қазақ тілі пәнінен алған білімдерін кеңейту, тереңдету, жетілдіру, қалыптастыру.

2. Алған білімдерін практика жүзінде қолдана білулерін дамыту. Білімге деген құштарлығын, қызығушылығын арттыру.

3. Топпен жұмыс істей отырып, өзгенің пікірін құрметтеуге, ұйымшылдыққа, ауызбіршілікке баулу.

Көрнекілік: плакаттар, ребустар,жұмбақтар.

Қазақ тілім-өз тілім,ана тілім

Абай,Мұхтар сөйлеген дана тілім.

Қастерлейді ұл-қызың мәңгі сені

Болашағым,бақытым,дара тілім.

1. Қазақ тілі туралы мұғалімнің кіріспе сөзі.

Егеменді мемлекеттің басты белгілерінің бірі- тіл. Еліміздің Ата заңы- Конституцияның 7- бабында “Қазақстан Республикасындағы мемлекеттік тіл- қазақ тілі” деп көрсетілген.

Біздің еліміз- Қазақ елі немесе Қазақстан деп аталуы да содан. Олай болса Қазақстан Республикасының мемлекеттік тілі- қазақ тілі болуы тарихи заңдылық.

2. Топ басшылары өз тобын таныстыруы.

“ Қазақ тілім-өз тілім,ана тілім ” атты интеллектуалдық ойынымызды бастайық.

Топ басы өз тобыман таныстыруын бастасын.

1-топ: ЗАТ ЕСІМ Біз заттың атын білдіреміз.

Зат есім заттың атын білдіреді.Адамдарға кім? кімдер? Жануар мен заттарға не? нелер? деген сұраққа жауап береміз.

2-топ ЕТІСТІК: Біз заттың қимыл-іс әрекетін білдіреміз.

Етістік заттың қимыл-іс әрекетін . Етістікке не істеді?неғылды? қайтті? деген сұраққа жауап береміз.

1-бөлім. «Қайталау-сөз анасы» (9 сөз табы)

2-бөлім. «Жүйрік болсаң,озып көр» (сұрақ-жауап)

3-бөлім. «Тапқыр болсаң,тауып көр» (жазба жұмыстар)

Сергіту сәті: Өлең «Қазақ тілі»

4-бөлім. «Жеті жұрттың тілін біл» (Жұмбақ.Қазақ,орыс,ағылшын)

5-бөлім. «Қара тұлпар»Ребус шешу

6-бөлім. «Мақал сөз атасы» (мақалдар жарысы)

7-бөлім. «Өнер алды қызыл тіл»( тіл туралы тақпақтар)

1-бөлім. «Қайталау-сөз анасы»

-Қазақ тілінде неше сөз табы бар?

еліктеуіш

одағай Зат есім

етістік

есімдік

сын есім

шылау

үстеу сан есім

9 сөз табын кім зерттеп берді? Ахмет Байтұрсынов

2.бөлім . «Жүйрік болсаң,озып көр»

(Мұғалім әр топқа қазақ тілі пәнінен сұрақ қояды, қай топ сұрақтардың көбіне жауап береді, сол жеңіске жетеді.

Сұрақтар:

1. Түбір дегеніміз не?

2. Сөйлем дегеніміз не?

3. Қазақ тілінде дыбыстар нешеге бөлінеді?

4. Мәтін дегеніміз не?

5. Жалқы есімдер қалай жазылады?

6.Ұяң дауыссыз дыбыстарды ата?

3-бөлім. «Тапқыр болсаң,тауып көр»

Дәптерімізді ашайық

Салақтықтан қашайық

Қолға қалам алайық

Әдемі етіп жазайық.

-Балалар қазақ тілінен қандай талдауларды білеміз?

1.Дыбыстық талдау

2.Сөйлем мүшесіне талдау

3.Сөз құрамына талдау

а)Екі топтан екі оқушы шығады,тақтаға сөзге дыбыстық талдау жасайды.

Қазақ-бес әріп,бес дыбыс,екі буын.

Қ-дауыссыз,қатаң

А-дауысты,жуан

З-дауыссыз,ұяң

А- дауысты,жуан

Қ-дауыссыз,қатаң

Тілі-төрт әріп,төрт дыбыс,екі буын.

Т-дауыссыз,қатаң

І-дауысты,жіңішке

Л-дауыссыз,үнді

І-дауысты,жіңішке

ә)Екі топтан екі оқушы шығады,тақтаға сөйлем мүшесіне талдау жасайды.

Қайрат әжесімен Астанаға барды.

Марат екінші сыныпта оқиды.

б) Екі топтан екі оқушы шығады,тақтаға сөз құрамына талдау жасайды.

Қойшы,балалар,кітапхана,бишілер,балапан,жылқылар.

Сергіту сәті

Өлең «Қазақ тілі»

Қазақ тілі

Қазақ тілі-ол менің ана тілім,

Қазақ тілі-байсалды баба тілім.

Қ-сы

Сол байлықтан,

Аз емес алатыным.

Сен тілсің,

Адамзат Абайының.

Сен тілісің ұрпақтың талайысың

Қазақ тілі-ана тілі,өз тілім,дана тілім

4-бөлім. «Жеті жұрттың тілін біл»

Әр топ қатысушылары сандықтан қағазға жазылған жұмбақ алады

Шешуін айтады.

1. Қолы менен қаламы жоқ,

Бірақ сурет салады көп. (Аяз-мороз-frost )

2. Суда қалқиды,

Жылыда балқиды. (Мұз-лед-ice)

3. Сағат сайын қағылады,

Тек мектептен табылады (Қоңырау-званок-call)

4. Жұқа тақтай бөлшегі,

Ұзындықтың өлшемі (Сызғыш-ленейка-ruler)

5-бөлім. «Қара тұлпар»Ребус шешу

Жауабы:қызық, қазақ, қалақ, қырық

6-бөлім. «Мақал сөз атасы» (мақалдар жарысы)

7-бөлім. «Өнер алды қызыл тіл»( тіл туралы тақпақтар)

Сабақты қорыту

Сабақты бекіту.

-Балалар елбасымыз Н.Ә.Назарбаев «Егеменді еліміздің болашағы білімді ұрпақ» деп айтқанындай.Тілімізді құрметтейтін,білімді бала болып өсетін болсаңдар еліміз алдыңғы қатарлы елдердің алдына шығатынына сенімдіміз.Сондықтан білімді, тілімізді құрметтейтін,тәрбиелі, саналы бала болып өсейік

Топты бағалау

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

№ 152 мектеп-гимназия

Ашық сабақ

Тақырыбы: “Қазақ тілім-өз тілім,ана тілім”

қазақ тілінен интеллектуалдық ойын

Мұғалім: И.Р. Құрақбаева

Сыныбы: 3 «Е»

Алматы

2017