Қазақстан Республикасы аймақтарының геоэкономикалық жағдайы мен әлеуеті, даму стратегиялары

ЖШС «Каспий өңірі «Болашақ» колледжі

(білім беру ұйымының атауы)

АШЫҚ САБАҚ

Тақырыбы: «Қазақстан Республикасы аймақтарының геоэкономикалық жағдайы мен әлеуеті, даму стратегиялары»

Оқытушы: Ибадуллаева Е.К.

Тобы: БҚ-24-3 тобы

Ақтау 2024 жыл

ЖШС Каспий өңірі «Болашақ» колледжі

(білім беру ұйымының атауы)

Оқу сабағының жоспары (теориялық немесе өндірістік оқыту)

Қазақстан Республикасы аймақтарының геоэкономикалық жағдайы мен әлеуеті, даму стратегиялары.

(сабақ тақырыбы)

Модуль/пән атауы: География

Педагог: Ибадуллаева Е.К. дайындады

20____ жылғы «____» ________

1. Жалпы мәліметтер

Курс, топ:

Сабақтың түрі: Теориялық

2. Мақсаты:

• Қазақстан өңірлерінің экономикалық даму әлеуетін айқындайды (өз өңірі мысалында).

• Өз өңірінің экономикалық даму стратегияларының жобасын жасайды.

Міндеттері:

• Студенттер Қазақстанның жекелеген аймақтарының шаруашылық салаларының даму ерекшеліктері, құрылымы мен экономикалық даму көрсеткіштері бойынша салыстырмалы талдау жасайды, аймақтардың экономикалық даму әлеуетін анықтап, теңестіру жөнінде идеяларды ұсынады, даму әлеуетін анықтайды, экономикалық даму кедергілерін жою жөнінде ұсыныстар әзірлейді.

3. Оқу-жаттығу процесінде білім алушылар меңгеретін күтілетін нәтижелер және (немесе) кәсіби дағдылар тізбесі:

• Экономикалық даму әлеуетін анықтайды.

• Экономикалық даму жоспарына талдау жасайды.

4. Қажетті ресурстар: Кітаптар, интербелсенді тақта, презентация, тапсырмалар, платформалар.

5. 5. Сабақтың барысы:

5.1 Ұйымдастыру кезеңі:

1.Сәлемдесу.

2.Cтуденттер арасында жағымды психологиялық ахуал орнату.

3.Топты түгендеу.

4. «Фонарик» әдісі арқылы топқа бөлу.

5.Топ аттарын бекіту:

1-топ: «Батыс» тобы
2-топ: «Шығыс» тобы

3-топ: «Оңтүстік» тобы
4-топ: «Солтүстік» тобы

5-топ: «Орталық» тобы

6.Бағалау парағын тарату, топ басшыларын анықтау. Әр тапсырмаға жауап берген студенттер «өте жақсы», «жақсы», «қанағаттанарлық» бағалау шкалалары бойынша бғаланады.

5.2 Үй тапсырмасын тексеру:

https://create.kahoot.it/details/fd6dbc93-aae4-4930-9966-6d0f689fa2b2 kahoot платформасы арқылы.

1. Қазақстан Республикасы стратегиялық дамуының негізгі құжаты қалай аталады?

• а) «Жасыл экономика тұжырымдамасы»

• б) «Қазақстан-2050» Стратегиясы

• в) «Жаңа Қазақстан» бағдарламасы

• г) «Ұлттық экономика жоспары»

2. Қазақстан экономикасының негізгі басым саласына не жатады?

• а) Туризм

• б) Мұнай-газ өнеркәсібі

• в) Ауыл шаруашылығы

• г) Қаржы секторы

3. «100 нақты қадам» ұлттық жоспарының мақсаты қандай?

• а) Экономикалық тұрақтылықты қолдау

• б) Халықаралық сауда байланыстарын дамыту

• в) Дүниежүзілік үздік 30 елдің қатарына кіру

• г) Экологиялық тұрақтылыққа жету

4. Қазақстанда экономикалық көрсеткіштерді өлшеу үшін жиі қолданылатын индикатор қандай?

• а) ЖІӨ (Жалпы ішкі өнім)

• б) Тұрғын үй бағалары

• в) Жұмыссыздық деңгейі

• г) Экспорт көлемі

Дұрыс/Бұрыс

1. Қазақстанның негізгі экономикалық мақсаты — мұнай мен газ экспортына толық тәуелді болу.
   Жауабы: Бұрыс

2. Инфляцияның жоғары деңгейі халықтың сатып алу қабілетіне оң әсер етеді.
   Жауабы: Бұрыс

3. «100 нақты қадам» ұлттық жоспары мемлекеттің тұрақты дамуына бағытталған.
   Жауабы: Дұрыс

4. ЖІӨ – бұл тек экспорт пен импорт арасындағы айырмашылықты көрсететін көрсеткіш.
   Жауабы: Бұрыс

5.3 Жаңа материалды түсіндіру: Жоспар:

Әрбір елдің экономикасы функционалдық секторларға бөліп қарастырылады. Еліміздің экономика салаларын төрт деңгейге бөліп қарастырамыз. Ең бірінші деңгейге табиғатты пайдаланатын бастапқы салалар жатады. Оған өсімдік, мал (балық шаруашылығы қоса), орман, тау-кен салалары жатады. Бұл салада еліміздің ауыл шаруашылығынан түсетін табыс 3 трлн теңгеге жақын болғанымен, ЖІӨ-дегі үлесі 4,5%. Еліміздің ауыл шаруашылығы мен тау-кен саласы әлі күнге дейін экстенсивті (сандық) даму жолынан толығымен шыға алмай отыр.

Экономикада географиялық еңбек бөлінісінен мамандану келіп шығады. Ауыл шаруашылығындағы мамандану ең алдымен тікелей климаттық көрсеткіштерге, су көздерімен қамтамасыз етілуіне байланысты. Климаттық жағдайларға байланысты Солтүстік Қазақстан бидай, арпа, картоп өсіруге маманданса, Шығыс Қазақстан облысы қарақұмық, картоп, арпа мен күнбағыс өсіруге маманданған. Ал Алматы облысы жүгері мен жеміс өсірсе, Қызылорда негізінен күріш өсіруге маманданған.

Экономикалық аудандар ретінде бөліп қарастырсақ:

• Шығыс Қазақстан – жылқы, биязы жүнді қой, марал, омарта;

• Батыс Қазақстан – түйе, қой, құрғақшылыққа төзімді өсімдіктер;

• Орталық Қазақстан – солтүстік қолайлы бөліктерінде дәнді, техникалық дақылдар, оңтүстігінде тек қой шаруашылығы;

• Оңтүстік Қазақстан – бау-бақша, талшықты дақылдар, көкөніс;

• Солтүстік Қазақстан – дәнді дақылдар, қарақұмық, күнбағыс, етті-сүтті ірі қара.

Пайдалы тау-кен қазбаларының таралуы. Орталық Қазақстанда пайдалы қазбаларды игерудегі ең басты қиындық – су ресурстарының жетіспеушілігі. Сонда да мыс пен марганец кендерін өндіру бойынша орталық алдыңғы орында. Ал шығыста су ресурстары толық жеткілікті. Еліміздегі ең көне (ескі) металлургиялық база осы шығыста орналасқан. Одан кейін солтүстік пен орталық аудандарда тау-кен өнеркәсібі дамыған.

Еліміздің облыстарында мал түрлері мен санының әркелкі болуына әсер етуші басты факторларға халықтың ұлттық құрамы мен діни түсінігі, климаттық көрсеткіштерінің қолайлылығы мен азықтық дақылдардың болуы жатады.

Жерінің аумағына жалпы орманның ауданын есептегенде ормандылық көрсеткіші ең жоғары аймаққа Оңтүстік Қазақстан, ал ең төмен аймаққа Орталық Қазақстан жатады.

Елімізде балық шаруашылығы Каспий, Балқаш, Зайсан, Алакөл көлдерінде жақсы дамыған. Ал бұғы мен омарта шаруашылығы Алтай тауында болса, жібек құртын Түркістан облысында өсіріледі. Алматы облысы құс, Маңғыстау облысы түйе шаруашылығына маманданған. Ал шошқа шаруашылығы негізінен солтүстік ауданда, ірі қара мен қой Түркістан облысында ең тығыз орналасқан.

Қостанай, Ақмола және СҚО-да астық шаруашылығы жоғары дамыған. Ал бақша өсіру Түркістан, егіншілікпен жалпы шұғылдану Алматы облыстарында кең таралған.

Елімізде ауылшаруашылық өнімдерінің өндірілуінде Түркістан, Алматы облыстары көш бастап тұр, ал Маңғыстау мен Атырау облыстары ең төменгі көрсеткіштерге ие.

5.4 Берілетін тапсырмалар: Лекция жазу

1-Тапсырма: Жеке жұмыс

2-Тапсырма: Топтық жұмыс

5.5 Бекіту сұрақтары: Plickers желісі арқылы жаңа сабақты қорытындылау.

6. Рефлексия Падлет тақтасы әдісі

7. Үйге тапсырма : Лекция жазу, түсінік айту