"Қазақстандағы отбасы күні"

Күні

Мұғалімнің аты-жөні: Кенжебаева Мая Қыпшаққызы

Пәні

Қазақ тілі

Сынып 9

Қатысқан оқушы саны 17

Қатыспаған оқушы саны 0

Сабақ 7

Отбасы және демографиялық өзгеріс Синтаксис

Сабақтың тақырыбы

Қазақстандағы отбасы күні. Кезектес салалас құрмалас сөйлем

Осы сабақ арқылы жүзеге асатын оқу мақсаттары

9.1.4.1. Тыңдалым және айтылым. Болжау: Мәтінің мақсаты арқылы негізгі ойды аяқтау.

9.3.2.1. Жазылым. Әртүрлі жанрда мәтіндер құрастыру: Мақсатты аудиторияның қызығушылығын ынталандыру үшін әр түрлі жанрда мәтіндер құрастыру.

Сабақ мақсаты

Тыңдалған мәтіннің мақсатын айқындайды.

Мәтіннің мақсаты арқылы болжап, негізгі ойды аяқтайды.

Мақсатты аудиторияның қызығушылығын ынталандыру үшін кезектес салалас құрмалас сөйлемнің мағыналық түрлерін қатыстырып мақала құрастырады.

Бағалау критерийлері

-Мәтіннің мақсатын айқындайды, негізгі ойды аяқтап болжаммен жауап береді.

-Кезектес салалас құрмалас сөйлемнің мағыналық түрлерін қолданып, мақсатты аудиторияға арнап мақала құрастырады.

- Бір-бірінің жұмысын түзетеді, редакциялайды.

Тілдік мақсат

Тірек сөздер: отбасы, әдептілік, мемлекет, ата-ана құрмет, тілім-тәрбие, алғыс айту, лебіз айту, мереке.

Сыныптағы диалог үшін пайдалы тілдік бірліктер: ма, ме ба, бе, иә, жарайды, мүмкін.

Сыныптағы жазылым үшін пайдалы тілдік бірліктер: мақала жазу, белгілі бір мақсатта, жұмылдыру мәселелері бойынша,белгіленген уақыт.

Бағалау үшін қолданылатын тілдік бірліктер: бұл тапсырманы орындауда маған қиындықтар тудырған....өйткені... айтар ойым.... түйген ойым.

Құндылыққа баулу

Қазақстандық патриотизм және азаматтық жауапкершілік:

ынтымақтастық, ашықтық, азаматтық жауапкершілік

Пәнаралық байланыс

Тарих

Алдыңғы оқу

Қазақстандағы отбасы күні тақырыбы туралы не білетіндері сұралады

Жоспар

Уақыт

Жоспарланған жаттығулар

Қалыптастырушы бағалау

Ресурстар

Сабақтың басы

3 мин

ҰЖ: Ынтымақтастық ортасын құру. «Поэзия уақыты» әдісі арқылы, ынтымақтастық атмосферасын орнату үшін оқушылар отбасы туралы бір-екі шумақ өлең оқиды.

4 мин

ҰЖ: «Сөйлем құрастыру» әдісі бойынша «Қазақстандағы отбасы күні» оқушылар осы сөзді қаншалықты түсінетінін білдіру үшін 2 сөйлем құрастырады. Төмендегі ширату сұрақтарына жауап беру арқылы сабақ мақсатын айқындайды.

-Отанға деген махаббат отбасынан басталады деген пікірге келісесіңдер ме?

-«Отбасы күні» мерекесін тойлау қаншалықты маңызды деп ойлайсыңдар?

Бесбармақ әдіс арқылы оқушылар түсінген түсінбеген тұстарын саусақ арқылы көрсетеді.

Сабақ ортасы

3 мин

Тыңдалым алды тапсырмасы

«Болжау» әдісі арқылы Қазақстандағы отбасы күні заңды тойланады ма?» деген тұжырымға көзқарасын жеткізу үшін екі-үш сөйлеммен болжаммен жауап береді.

10 мин

Тыңдалым кезі тапсырмасы

Бағалау критерийі: Мәтін мақсатын айқындайды, негізгі ойды анықтап, жауап береді.

Жұптық жұмыс: «Жұптық әңгіме» әдісі бойынша отбасы тәрбиесіне байланысты mр3-тен мәтінді тыңдап, мәтіннің не туралы екенін айтады.. Қайта тыңдап тірек сөздер арқылы мәтіннің мақсатын айқындайды. Мәтіннің негізгі ойын өмірлік мәселелермен байланыстырып болжаммен аяқтайды. Болжамдарын жұптарында талқылайды.

Саралау тапсырмасы: «Қолдау» әдісі бойынша жекелеген балаларға оның ішінде кейбір ақпаратты баяу қабылдайтын балаларға төмендегі сұрақтар қойылады:

1.Өмірде бала тәрбиесі басты байлығың дегенді қалай түсінесің?

2.Тәрбие тал бесіктен басталады деген тұжырымды кеңінен таратып айт?

3. Отбасы әдет-ғұрыптарын қалыптастыруға бола ма?

Дескриптор:

- тыңдап мәтіннің мақсатын тірек сөздер негізінде анықтайды.

- Мәтіннің негізгі ойын өмірлік мәселелермен байланыстырып болжаммен аяқтайды.

АудиожазбаМР3

Қазақ тілі

Арман-ПВ, 2019.

https://www.google.kz/url?sa=t&rct=j&q=&esrc=s

13 мин

Тыңдалымнан кейінгі тапсырма

Бағалау критерийлері: Кезектес салалас құрмалас сөйлемнің мағыналық түрлерін қолданып, мақсатты аудиторияға арнап мақала құрастырады.

Бір-бірінің жұмысын түзетеді.

Жеке жұмыс: «Сыя ысыраптаушы» әдісі бойынша қазақстандықтарға арнап «Қазақстанда отбасы күні тойланады ма?» тақырыбында кезектес салалас құрмалас сөйлемнің мағыналық түрлерін қолданып мақсатты аудиториясының сұрағына жауап беру үшін үшін мақала жазады.

Мақаланы жаздыру үшін ой тастау сұрағы:

Мақаланы кімге жазасыңдар? Қандай мақсатта жазасыңдар? (түсіндіру, сендіру, мәлімдеу) Не жазасыңдар?

Төмендегі құрылымды қолданады.

Саралау тапсырмасы:

«Нәтиже» әдісі бойынша тапсырма бір болғанмен жауап әртүрлі болады. Жазған мақала жұмыстарындағы әлсіз тұстарын дамыту көзделді. Соған орай мына сұрақтар қойылады:

1. Мақаланың мақсаты мен көзделген аудиториясы кім?

2. Мақала жұмысыңда құрмалас сөйлемнің қандай түрлері кездескенін ажырату?

3. Мақаланың негізгі оқиғасы не жайлы?

4. Көзделген аудитория толық жауап ала алды ма?

Дескриптор:

- мақсатты аудиторияға арнап мақала құрастырады.

-кезектес салалас құрмалас сөйлемдерді қатыстырып мақала құрастырады.

«Лайк» әдісі бойынша жұптар бір-бірінің жұмыстарына ұнады/ұнамады себебін түсіндіріп баға береді.
Мәтінді түзету, редакциялау

Жүрекшелер арқылы бағалау

Сабақтың соңы

5 мин

Ұжымдық жұмыс: «Пайыз» әдісі арқылы кері байланыс орнату. Балалар үш немесе төрт бұрышқа бөлініп, өздерінің сабақ мақсатын, қазақстандық отбасы күніне байланысты жазған мақалаларын, пайыздық көрсеткіш арқылы сабақта қаншалықты түсінді, жазған мақалаларын мақсатты аудиторияға арнай алды ма,әлде әлі де түсінетіні, білетіні көп пе деген мақсатпен бұрыштарға бөлініп өзінің деңгейлерін пайызбен анықтайды. 30% 50% 70% 100%

Бағалау парағы