Күні: .......

Мектебі: №8 ЖББ орта мектеп

Сыныбы: 2Ә

Сынып жетекшісі: .......

Әдіскер: ...........

Машықкер: ...........

Сабақтың түрі: Тәрбие сағаты

Тәрбие сағатының тақырыбы: «Қазақстанның мәңгілік елі-Ұлы дала елі!»

Тәрбие сағатының мақсаты: Оқушыларды өз елі мен жерін мақтаныш етуге, өткен тарихын біле отырып, Отанын сүюге, ел тарихын білуге, еліміздің мемлекеттік құндылықтарын  қастерлеуге тәрбиелеу. Оқушының сөйлеу тілін дамыту арқылы сөздік қорларын молайту, ой-өрісін кеңейту, жас ұрпақтың патриоттық сезімін жандандыра түсіп, елін, жерін сүйіп, құрметтеуге жетелеу.

Тәрбие сағатының көрнекілігі: Еліміздің туы, Елтаңбасы мен Әнұраны, Отан, туған жер туралы нақыл сөздер, тақырып бойынша суреттер.

І. Кіріспе бөлім:

1. Ұйымдастыру кезеңі

2. Психологиялық дайындық

ІІ. Негізгі бөлім:

1. Тақырыппен таныстыру

2. Сурет бойынша сөйлем құрату

3. Топтық жұмыс (сөзжұмбақ, ребус, адасқан әріп)

4. «Кім жылдам!» ойыны

ІІІ. Қорытынды бөлім:

1. «Әрқашан күн сөнбесін» күн сәулелеріне сабақ жайлы ойын жазу

2. Сабақты бағалау

3. Балармен қоштасу

Сабақтың барысы:

Сабақтың басы:

1.Ұйымдастыру кезеңі:

Сәлеметсіңдер ме, оқушылар. Көңіл күйлеріңіз қалай? Бүгінгі сабағымыз жоғары деңгейде өтеді деген сеніммен келіп отырмын. Бүгінгі сабаққа белсене қатысуларыңызды сұраймын. Бүгін сендердің белсенділіктеріңді жинаған жұлдызшаларыңа қарап бағалайтын боламын.

2.Психологиялық дайындық:

Орнымыздан тұрайық,

Қане қолды соғайық.

Аяқпенен топ,топ,топ,

Алдыға қарай иіліп,

Артқа қарай иіліп,

Орнымызға отырайық!

II. Сабақтың ортасы:

1.Тақырыппен таныстыру:

Балалар, біздің бүгінгі тәрбие сағатымыздың тақырыбы «Қазақстанның мәңгілік елі-Ұлы дала елі!». Яғни, бүгін біз туған еліміз, туған жеріміз жайында тереңірек біледі екенбіз. Тәуелсіздікке жету – оңай жолмен келген жоқ, ол бәрімізге мәлім. Бұл қазақ халқының ғасырлар бойы көздеген арман-мұраттарының орындалуы. Бүгінде тәуелсіздік алғанымызға 27 жыл толып отыр. Тәуелсіз мемлекетке айналу, бізге үлкен сый болы. Біздің өз еркімізбен алға ұмтылуға, мемлекет болып өркендеуге жол ашылды. Тәуелсіз мемлекет бола салысымен, еліміз көптеген қиындықтан арылған екен. Неше түрлі ауыртпашылық әкелген Семей полигоны жабылды, Арал теңізі мәселесі шешілді, тарихи мұра, мәдениетіміз, қазақ тілі қайта жаңғыртылды, табиғи байлығымызды өз иелігімізге қайтара алдық.

Қазір біз болашағымызға сеніммен қарай алатын, қарқынмен дамып келе жатқан мемлекетпіз.

2.Сурет бойынша сойлем құрату:

Балалар, ал енді мына суреттерге назар аударайықшы. Иә, бұл жерде мемлекеттік туымыз, елтаңбамыз және әсем қаламыз Астанадағы бәйтерек бейнеленген. Кім осы суреттерге қарап жақсы сөйлем құрастырар екен? Жарайсыңдар, өте жақсы сөйлем құрадыңдар, солай емес пе балалар?

3. Топтық жұмыс (сөзжұмбақ, ребус, адасқан әріп)

Отан, әнұран, Қазақстан

1.

1.Отан - ... басталады (отбасы(нан))

2.Күн астында қыраны,

Көгімізде желбіреп ол тұрады. (Ту)

3.Біздің еліміз ... (Қазақстан)

4.Тәуелсіздікті еліміз қай айда алды? (Желтоқсан)

2. Ә` Н`

3. ЗҚТСАҚАНА

Сергіту сәті:

Балалар, бір демалып алайықшы! Қазір мен сендерге белгілі бір заттарды айтамын ал сендер ол ұшса қолдарыңды жоғары көтеріп тұрасыңдар, ұшпаса отыра қаласыңдар. Кім шатасса сол орнына отырады.

4.«Кім жылдам!» ойыны.

Бұл ойында мен сұрақтар қоямын, ал сендер қол көтеріп жауап бересіңдер. Кім көп сұраққа жауап береді соның жұлдызшасы көбейеді.

1. Біз қай мемлекеттің азаматымыз ? (Қазақстан)

2. Республикамыз басқа елдерден несімен ерекшеленеді ? (Табиғатымен, тілімен, көп ұлтты, қонақжайлығымен)

3. Елбасымыз кім? (Н.Ә. Назарбаев)

4. Еліміз тәуелсіздігін қашан алды? (1991жылы 16желтоқсанда)

5.Мемлекеттік рәміздерді ата. (Ту, елтаңба, әнұран)

6. 2018жылы тәуелсіздігімізге қанша жыл толып отыр? (27жыл)

7. Туымызда не бейнеленген? (Күн, қыран, ою)

8. Елтаңбамызда не бейнеленген? (Қанатты пырақтар, шаңырақ, жұлдыз, ҚАЗАҚСТАН деген жазу)

9. Мемлекеттік тіліміз қандай ? (Қазақ тілі)

10. Ұлтымыз кім? (Қазақ)

III. Сабақтың соңы:

1.«Әрқашан күн сөнбесін» күн сәулелеріне сабақ жайлы ойын жазу:
Жеткен арман — жаса Тәуелсіздігім
Өз қолыма берген ерлік, тізгінін.
Ие болған әлем ілтипатына,
Дербес, бейбіт мемлекетпіз біз бүгін, -дей келе әр бір таңымыз арайлы, күніміз шуақты, тәуелсіздігіміз тұғырлы болсын деген оймен тақтада тұрған күнге сәулесін шашып шуақ берердей тілегімізді жазып әсемдейік.

2.Сабақты бағалау:

Балалар, ал енді тақтаға назар аударайық. Егер сендерге сабақ ұнаса, мына күлегештер секілді бас бармағымызды жоғары көтереміз, ұнамаған болса, төмен қаратамыз.

3.Балалармен қоштасу:

Балалар, бүгінгі сабаққа белсене қатысқандарың үшін көп рахмет. Сау болыңдар!