"Қазіргі жастардың дерті — смартфон"

Бүгінгі таңда жастардың көпшілігі күнделікті өмірін смартфонсыз елестете алмайды. Бұл құрылғы бұрын байланыс құралы болса, қазір бүкіл әлемге ашылған терезе іспеттес. Алайда, технология дамуының оң жағы ғана емес, теріс салдары да байқалуда. Жастар бос уақытын әлеуметтік желілерде, ойындар мен видеолар көруге арнап, шынайы өмірмен байланысын үзіп барады.

Смартфонға тәуелділік ұйқының бұзылуына, денсаулықтың нашарлауына, көз көруінің әлсіреуіне және психологиялық күйзелістерге әкелуі мүмкін. Сонымен қатар, тікелей қарым-қатынас азайып, жастардың коммуникативтік қабілеті төмендеуде. Кітап оқуға, спортпен айналысуға деген қызығушылық та бәсеңдеп барады.

Бұл мәселеден шығу үшін ата-ана, мұғалім және қоғам болып бірігіп, жастарға уақытты тиімді пайдалануды үйретуіміз қажет. Технологияны шектеу емес, оны пайдалы бағытта қолдануға тәрбиелеу — басты міндет. Смартфон өмірді жеңілдетуі керек, шектемеуі тиіс.

Авторы:Зинедден Н.Н.