ҚазҰУ - арман болған университет

Әл-Фараби атындағы Қазақ Ұлттық Университеті - еліміздегі 90 жылдық тарихы бар, беделі орасан зор университет. Орта Азия бойынша бүкіл ЖОО-ның арасындағы ең үздік болып атанған оқу орны.

Бұл университет көп жылдар бойы 180-ге жуық түрлі сала бойынша мыңдаған мықты кадрларды даярлаған. Қазіргі таңда 25 000-нан астам студент бакалавриат, магистратура мен докторантура бойынша білім алуда. Сонымен қатар, еліміздегі үздіктер қатарынан шыққан 259 оқытушы университетте сабақ береді.

Мен де биыл осы ЖОО-на оқуға түсіп, арманымды орындадым. Әйгілі журналистер табалдырығын аттаған Журналистика факультетінің студентімін.

Журналистика факультеті 1934 жылдың мамыр айында алғаш рет есігін ашып ғасырға жуық уақыт ішінде Х. Бекхожин, Т.Амандосов, Т. Қожакеев, М.Барманқұлов сияқты мықты маман иелерін даярлап шықты. Бүгінде де оқытушылар өз білімі мен тәжірибесімен бөлісіп медиа салаларының сауатты кадрларын шығарды. Олар еліміздің зиялы қауымының қатарында жүрген адамдар.

Шындықты жазғанда, бұндай тарихи жерге оқуға түсу көп талпыныс пен еңбекті талап етеді. Алайда, үйқысыз оқып, дайындалумен өткізген әр түнім үшін еш өкінбеймін. Себебі, бұл жердің жоғары деңгейдегі білім сапасымен қатар университеттің студенттік өмірі мен активистикасы басқалармен салытырғанда да әрқашан алға шығады. Нағыз студенттік өмірді сезіндіретін және ол өмір түрлі қызықтарға толы болатын жер - осы.

Автор: А.Р. Темиржанова - Әл-Фараби атындағы Қазақ Ұлттық Университетінің Журналистика факультетінің “Кино&Медиа” мамандығының 1-курс студенті

Жетекші: С.И. Игиликова - ҚазҰУ Филология факультетінің оқытушысы.