Сабақтың тақырыбы: Қол қимылдары

Сабақтың мақсаты: көріп есте сақтауын, қолдың ұсақ моторикасын дамыту.

Сабақтың көрнекілігі: сабаққа қажет суреттер, геометриялық пішіндердің суреті салынған парақтар

Сабақтың барысы

Психологиялық жайлы жағдай орнату.

Психолог: Амандасып, баланың көңіл-күйін жайлап сабаққа аудару. Біз қазір екеуміз суреттер көреміз

Суреттер бойынша сұрақтар қойып, жауабын тыңдау жөн. Қойылатын сұрақтар төмендегідей болуы мүмкін.

• Сен бұл суреттерден не көріп отырсың?

• Заттарды ұстауға дененің ең икемді мүшесі қайсысы?

Берілген суреттер бойынша баланың жауаптарын тыңдап болған соң, жаңа сабақтың тақырыбын айтып, ойын терапиясын қолдана отырып, оның ұстауға қатысты қол қимылдарын дамыту. Қол қимылдарын, нәзік моториканы дамыту баланың ойлау, есте сақтау, жазу қабілеттерін күшейтеді. Баланың жауаптарын тыңдап болған соң «Саусақтарым менің» ойыны ойналады.

«Пішіннің суретін сал» ойыны

Мақсаты: көріп есте сақтауын, қолдың ұсақ моторикасын дамыту.

Барысы: Психолог балаға 1-2 минут аралығында геометриялық пішіндерді көрсетеді, сосын есінде қалғандарын қағазға түсіруді сұрайды. Бұл тапсырманың күрделі нұсқасы - пішіндердің көлемін және түстерін есепке ала отырып, қайта жаңғырту.