Қолданбалы курс "Химия жəне адам ағзасы"

«Егінсу орта мектеп – бақша» КММ

2017 – 2018 оқу жылы

«Бекітемін» «Келісемін»

Мектеп директоры: Оқу ісінің меңгерушісі:

А.Ш.Толықбаев А.А.Қуанышева

______________ ______________

Химия пәнін оқытуға 7 сыныпқа арналған қолданбалы курс бойынша оқу бағдарламасының жоспары

Тақырыбы:

Химия және адам ағзасы

Пән мұғалімі: Шатырбаева Б.Б.

Түсінік хат

«Химия және адам ағзасы» бағдарлы курс бағдарламасы Қазақстан Республикасы жалпы орта білім берудің мемлекеттік жалпыға міндетті стандарт негізінде жасалынған.

Курстың құрылымы оқушылардың өздігінен іскерлігін дамытуға арналған. Аптасына 1 сағат. Барлығы 34 сағат.

Арнайы курста Д.И.Менделеев кестесіндегі химиялық элементтердің адам ағзасындағы биологиялық рөлі, ада ағзасындағы осы эллементтердің тепе-теңдігінің бұзылуынан туындайтын аурулар, химиялық қосылыстардан жасалатын дәрілік препараттар, химия және салауатты өмір салты туралы мәселелер қарастырылады. Тақырыптарға сәйкес сарамандық жұмыстар мен таным жорықтарға жеке сағаттар бөлінген.

Курстың мақсаты:

оқушылардың химия ғылымына деген құштарлығын арттыру, танымдық белсенділігін тереңдету. Химия пәні бойынша алғырлыққа, ізденуге, терең білімділікке баулу.

Курстың міндеттері:

• Курста алған білімдерін медициналық оқу орындарында одан әрі тереңдетуге мүмкіндік тудыру;

• Оқушыларды өздігінен жұмыс істеуге ынталандыру;

• Оқушыларды өз бетінше зертханалық, сарамандық жұмыстар жүргізуге үйрету;

• Химиядан алған білімдерін пайдаланып, оқушыларға кәсіптік бағдар беру, сұраныс тудыратын мамандыққа баулу;

• Тақырыптарға сәйкес есептер шығаруға үйрету;

• Жаңа ақпараттық технология әдістерін (электронды оқулық, интерактивті тақта) қолдану арқылы терең білім беру, пәнге қызығушылықтарын арттыру.

Күтілетін нәтижені тексеру әдісі: а) тестік бақылау; ә) бақылау жұмысы; б) зартханалық жұмыс; в) сарамандық жұмыс.

Күнтізбелік – тақырыптық жоспар

Оқушылардың дайындық деңгейіне қойылатын талаптар

Білу:

• Адам ағзасында кездесетін химиялық элементтері;

• Адамның күнделікті іс-әрекетіне пайдаланатын қажетті химиялық заттарды;

• Тұрмыста, өндірісте қолданылатын химия ғылымының маңызды заңдылықтарын;

• Тамақ, құрылыс материалдары, тұрмыстық химия және басқа химиялық өнімдерді дұрыс және қауіпсіз қолдануды.

Сипаттау:

• Ағзадағы химиялық заттар мен қосылыстардың биологиялық рөлін;

• Адам ағзасының және қоршаған ортаның өзара байланысын;

• Еліміздегі радиациялық ахуалдың адам денсаулығына әсерін;

• Жағымсыз әдет-қылықтардың қоғамға, адамға зиянды әсерін.

Түсіндіру:

• Химиялық элементтердің мөлшері мен адам денсаулығының өзара байланысын;

• Күнделікті тіршілікте және техниканың әртүрлі салаларында қолданылатын қажетті химиялық заттарды және олардың қасиеттерін;

• Адам ағзасына қолайсыз экологияның әсерін.

Қолдана білу:

• Химиядан алған білім мен білікті адамның іс-әрекетінде пайдаланылатын химиялық заттармен жұмыс істегенде .

Жасай алу:

• Белгілі концентрацияға сай ерітінді әзірлеу;

• Дұрыс тамақтану нормасын;

• Қауіпсіздік техникасы ережелерін сақтай отырып зертханалық тәжірибелерді.

Пайдаланылған әдебиеттер:

1. Аханбаев К. Химия. – Алматы. «Ана тілі», 1993

2. «Химия мектепте» журналы

3. Мырзабаев А. Элементтер – химия негізі. – Алматы. «Рауан», 1990

4. «Денсаулық» журналы