Қолданбалы курс жоспары

«Курчатов қаласының №1 жалпы білім беретін орта мектебі» КММ педагог-психологы Калиева Динара Сагындыковна

Түсінік хат

Қазақстан Республикасының «Білім туралы» заңында «Білім алушылар мен тәрбиеленушілердің жеке және шығармашылық қабілеттерін ашып, оны дамытуына жәрдемдесу және психологиялық жеке ерекшеліктеріне қарай әсер ету» сияқты өзекті мәселелеріне қарай әрбір мектепте баланың жеке психологиялық жас ерекшеліктерін ескере отырып, оның әлеуметтік ортаға қалыпты дамуына психологиялық ыңғайлы жағдай тудыра алатын, психологиялық білімі жан-жақты педагог-психологтар жұмыс жасап жатқаны белгілі.

Қазіргі заманғы жаңа білім беру технологияларын енгізуде психологиялық қолдау бағдарламасы өте қажет.

Психолог оқушы жөнінде көп мәліметтер білуі қажет, әсіресе оқушының іс-әрекеттерінен хабардар болып отыруы керек. Балалар психологиясында әрбір жас кезеңдерінде психикалық дамуы ерекше орын алады. Міне, осы орайда мектеп психологының оқушыларымен кездесіп тұруы үшін және жұмысының жүйелі болуы үшін психология сияқты факультативтік сабақтар болуы қажет деп ойлаймын.

Ұсынылып отырған «Психология» факультативтік сабағының бағдарламасы

8-сыныптарға арналған. Себебі 8-сыныпта, яғни 13-15 жас аралығындағы балалардың психологиялық жас ерекшеліктерінде көп дағдарыстар кездеседі. Жеткіншектік кезеңнің баланың дамуындағы ерекше орны оның "өтпелі", "бетбұрыс", "қиын", "сыналатын" кезең деген атауларында бейнеленген. Бұл - ең тынымсыз, ең қиын, ең қызба жас. Жеткіншектік шақ - болашақ туралы балалық армандардың орнына өзінің мүмкіндіктері мен өмір жағдайларын ескере отырып, ол туралы ойлану басталатын, өз ниеті, іс-әрекетін жүзеге асыруға ұмтылатын кезең екендігін үнемі қаперде ұстауымыз қажет.

Сабақта өткізілетін тренингттік жатттығулар балалар арасындағы қарым-қатынас психологиясын меңгеруіне, іскерлік сапаларын шындауға, ұжым мүшелерінің арасында бірін-бірі түсіну арқылы жағымды психологиялық ахуалды құруға көмектеседі.

Бағдарламада 34 сағаттық нұсқада тақырыптар кеңінен қамтылады, 2 сағат коррекциялық-талдау жұмыстарына арналады. Қолданылған әдебиеттер нұсқасы берілген.

Бағдарламаға түсініктеме

Мақсаты:

• Психология ғылымын таныстыру;

• Адам бойындағы психикалық құбылыстар жайлы, олардың ғылыми анықтамаларын ұғындыру;

• Өзін тану арқылы өзгені тануға бағыттау.

• Өз көңіл-күйін басқара білуге, өзіңді сыни тұрғыдан бағалай алуға, өз сөзі мен ісіңе жауапкершілікпен қарай білуге үйрету.

Міндеті:

• Адам бойындағы психикалық құбылыстардың арасындағы себеп-салдар байланыстарын анықтау;

• Ұлтымыздың этнопсихологиясын ескере отырып, адамның психикалық қасиеттеріне, іс-әрекеттеріне қарай бағыттала айтылған нақыл сөздерге көңіл аударту;

• Әлеуметтік ортада кездесетін әр түрлі жағдайларға байланысты өзін бірқалыпты ұстауына дағдыландыру;

• Өз бойындағы еріксіз мінез-құлық ерекшеліктеріне өз бетімен баға бере алуына, өз ойын тұжырымдауға үйрету.

Күтілетін нәтиже:

Психологиялық тақырыптар бойынша оқушылар:

• анкета, тест жұмыстарына жауап бере алуға үйренеді;

• дебат, пікір-талас өткізеді;

• кері байланыс (обратный связь) жасай біледі;

• өзекті психологиялық тақырыптарда ғылыми-ізденіс жұмыстарын жазады;

• өзін де, өзгені де танып біледі және өзін өзгенің орнына қоя біледі;

• адамдармен жағымды қарым-қатынас жасау мәдениетін яғни қарым-қатынас психологиясын толық меңгереді.

• Өзінің эмоциялық және психикалық жай-күйін басқара алады, жағымсыз эмоция мен әрекеттерді тежей алады.

Психология факультативін оқыту бағдарламасы

34 сағат (аптасына 1 рет)

Ескерту: Сабақтарда тақырыптарға байланысты адам сезімін оятатын әндер қолданады, бейнетаспалар пайдалынады. Әр сабақта көрнекі құралдар оқушылардың өзінің қолымен жасалады.

Пайдаланған әдебиеттер:

Практикалық психология

«Личность и общение» Бодалев А.А. М.1983г№

Практическая психология в действии. Алматы 2000 г

«Дарын» Республикалық журнал басылымдарының 2002-2005 жылғы жинақтары

Психология и педагогика. М. 1999г.

Сборник психол. тестов. М.2005г.

Методические тренингы. М.2003-2004 г.

Мектептегі психология журналы 2010,2011,2012, 2013,2014,2015ж

Әдептану Алматы «Мектеп» 2003ж.