«Қолөнер-халық қазынасы» атты шеберлік сағаты

Таяуова Салтанат Жубаткановна

Ақтөбе облысы

Ақтөбе қаласы

«№39 қазақ орта жалпы білім беру мектеп-лицейі»КММ

директордың тәрбие ісі жөніндегі орынбасары

Өнер – әсемдіктің ең жоғарғы түрі, өйткені ол табиғаттың әсемдігін де, адам еңбегімен жасалған заттардың әсемдігін де, сол адамның ұлылығы мен сұлулығын да, оның ой-арманын да өз бойына жинақтап, жан-жақты бейнелей алады. Қолөнер – өресі биік, өрісі кең өнер.Осыны паш ету мақсатында мектебімізде «Даналық мектебінің» ұйымдастыруымен 2024 жылдың 18 желтоқсаны күні «Қолөнер-халық қазынасы» атты шеберлік сағаты болып өтті. Аталған шараға 5-8 кластың әжелері,аналары мен қыздары қатыстырылды.

Шара мақсаты: Ұрпақтан-ұрпаққа жалғасып келе жатқан ұлттық қолөнерімізге деген қызғушылығын, ойлау қабілетін, сөйлеу шеберлігін арттыру. Қолөнердің бірі түрлі ою-өрнек туралы мағлұмат беру, шығу тарихын, мағынасын, қолданылу туралы әңгімелесу, шеберлікке, әдемілікке, өнерге, ою-өрнектерімізді құрметтеуге баулу.

Ұйымдастырылған шараға алдын - ала әр класқа белгілі бір жұмыс түрі ұсынылды. Атап айтар болсақ, 5 «Б» класына -екі қарлығаш пен екі көгершінді бейнелеу, 6 «А» класына -домбыра мен қобызды бейнелеу, 8 «А» класына қазақша тостақ алты кесесімен бейнелеу тапсырылғын болатын. Ата-аналар қыздарымен бұл жұмысты белсене атқарды деп айтуға болады,себебі әр топ өз жұмыстарының соншалықты әдемі шығуы үшін бар күшін салды деуге болады. 7 «Д» класының әжесі Балмұратаова Сабира мен келіні Балмұратова Гүлжанның және немересі Айдарқызы Шакираның ынтымақтаса орындаған «Бәйтерек» туындысы өте әдемі де әсерлі шықты десек те болады.

8 «Б» класының Әділбаевтар отбасы орындаған оюлар жиынтығы да жоғарғы бағаға ие болды.

Жасалынған жұмыстар толығымен мектеп қорына табысталды . Барлық қатысушылар Алғыс хатпен марапатталды.