Қош келдің, әз Наурыз!

Р. Рымбаеваның «Наурыз» әні қосылады.

Мұғалім: Армысыздар, балалар! Бәріміздің асыға күткен Наурыз тойымыз келіп жетті. Тойларыңыз құтты болсын!

Наурыз – «жаңа күн» деген сөз. Бұл күн – біздің ата-бабаларымыз мыңдаған жылдардан бері тойлап келе жатқан жыл басы мерекесі. Наурыз тоймыз құтты болсын! Ұлыстың ұлы күні деп аталған Наурызда денсаулықтарыңыз мықты болсын, тілектеріңіз қабыл болсын!

оқушы: Наурыз – көктем мерекесі,

Наурыз – жыл басы,

Наурыз – жаңа серпін, жаңа леп.

оқушы: Наурыз – қуаныш мерекесі,

Бақыт пен шаттық мерекесі.

оқушы: Наурыз-шаруаның мерекесі,

Наурыз – еңбек мерекесі.

оқушы: Армысыздар, халайық,

Бармысыздар, халайық.

Наурыз тойын жұп жазбай

Жылда қарсы алайық.

оқушы: Ал халайық тұрмайық,

Әндетейік, шырқайық!

Дөңгеленсін бишілер,

Ортамызды ашайық.

«Қамажай» ( әр сыныптан 5 қыз бала)

Мұғалім: Балалар, Наурыз күні кеш батуға айналған кезде ақындар айтысы басталған. Олар жақсылық пен жамандықты, суық пен жылыны, қыс пен жаздың күресін жырлаған.

оқушы: Наурыз жырын жырлаймыз,

Онымен де тұрмаймыз.

Шыңдалып жеткен бұл күнде

Ел дәстүрін сыйлаймыз.

Мұғалім: Мереке қарсаңында бәріміз бірге «Қаражорға» билейік!

«Қара жорға» биі

Балалар, ат үстінде қыз бен жігіт бірін бірі қуып ойнайтын, қазақтың ұлттық ойындарының бір түрі қалай аталады? – Қыз қуу.

Бәрекелді, ендеше ортаға осы ойынды ойнауға әр сыныптан қыз, ұлды шақырамыз.

«Қыз қуу» ойыны

Мұғалім:  -Жарайсыңдар, жеңімпаздарды қошеметтеп отырайық!

 Ендігі кезекті әсем әнге берейік. Ән

Қазақтың тойы, мереке-мейрамы балуандар күресінсіз, күш сынаусыз өтпеген. Қазір балуандар күресін өткізбесек те, күшімізді сынап көру үшін

«Арқан тартыс» ойынына ұл-қыздарымызды тағайындайық.

Мерекелерің құтты болсын,ағайын.Сәбидің жүрегінен шыққан сөз орындалады.Қазақта сәби айтты ьітті,ол орындалуы керек деп есептелген.Ендеше осы кішкентай сәбилеріміздің осы өсіп келе жатқан мемлекетімізге және мына жаңа жыл мерекесіне қандай бата-тілек айтар екен.

А қ мол болсын!

Ұлыс оң болсын!

Қайда барсаң жол болсын!

Наурыз ақты болсын!

Балдырған балалар бақытты болсын!

Ел іргесі тыныш болсын!

Кетпейтін бақ-ырыс болсын!

Келген жыл молшылық әкелсін!

Елімізде тоқшылық болсын!

Бақытты,бейбітшілік заман болсын!

Аспанымыз ашық боллсын!

Ата-анамыз аман болсын!

Ел іргесі тыныш болсын!

Мұнайымыз көп болсын!

Қора толы мал болсын!

Береке ,бірлік болсын!

Әр отбасында татулық болсын!

Еліміздің болашағы жарқын болсын!

Жігіттерн мықты болсын!

Уайым-қайғы жоқ болсын!

Сөздерің серттей берік болсын!

Жасқа құрмет,кәріге күтім болсын!

Өнер-білім серік болсын!

Ісің ілгері ,ақылың серік болсын!

Достығымыз берік болсын!

Хор. Әумин!

Мұғалім: Шашу!Шашу!

Көп шашайық шашуды,

Жауғандай кеп аспаннан нөсер жаңбыр.

Уа,жамағат,теріп ал несібеңді,

Ризығың болсын көл-көсір! (шашу шашылады)

Осымен «Армысың, әз Наурыз!» атты ашық тәрбие сағатымыз аяқталды. Барлық отбасыға көктемдей жылылықты, Наурыз қарындай тазалық пен шынайылықты тілейміз. Ел іргесі аман, бейбітшілік заман болсын. Мереке мерекеге ұлассын, елімізде әрқашан той, қызық думан болсын.

«Әулиекөл ауданы әкімдігінің білім бөлімінің

№2 Аманқарағай орта мектебі» ММ

Қош келдің, әз Наурыз!

(сынып сағаты)

Дайындаған: Мулимова А.Ж.