Мақсаты: Балалардың жаңа жыл мерекесі туралы түсініктерін қалыптастыру. Мерекелік көңіл-күй ортасын ұйымдастыру. Образдық бейнелерді сомдай білуге

үйрету, хормен және жеке ән айту шеберліктерін арттыру. Би қимылдарын қызығушылықпен, ырғақты сақтай орындауға төселдіру.

1-жүргізуші:
-Армысыздар ардақты ағайын, Ұлағатты ұстаздар мен ата-аналар !
2- жүргізуші:Мерей
Бармысыздар, замандас, бауырлар, менің кішкентай достарым. 
1-жүргізуші:
Бүгін сізге жырдан алқа тағайын,
Шат күлкіге толы болсын маңайың.
Көргендер де көрмегенде арманда.
Жаңа жылың құтты болсын ағайын.
2-жүргізуші:
Зеңгір көкте жұлдыз болып жанайын,
Ай жүзіндей айшықтанып, арайың.
Жанға шуақ, бойға қуат әкелген.
Жаңа жылың құтты болсын ағайын.
1-жүргізуші:
Бәрекелді, бәрекелді! Құрметі халайық! Бүгінгі жаңа жыл кешін барлығымыз көтеріңкі көңіл күймен, әсем ән, сәнді бимен өткізуге ат салысамыз деген үмітіміз бар.
2- жүргізуші:
Олай болса, көңіліміздің керегесін кеңейтіп, баршамызға береке сыйлар мерекелі кешіміздің шымылдығын ашуға рұқсат етіңіздер! 

1-жүргізуші: Балалар қараңдаршы ортада әсем шырша тұр. Бірақ шыршаның шамы жанбаған.Ой, тоқтаңдар мынау не? (Шыршаның белінде құлып тұр. Көңілді әуен ойнап тұр. Сықырлаған есік және қатты дыбыс естіледі. )

Періште-Жансая, Несіпзейне: О қандай ғажап, не деген тамаша балалар! Шырша қандай әсем, бірақ шамдары неге жанбаған? Ой балалар қараңдаршы, мында үлкен құлып тұр ғой? Енді не істесек болады? Балалар мен құлыптың кілтін іздеп келейін. (Тәрбиеші, бала)

Осы дыбыспен қоса Буратино кіреді. Балалармен қол алысып амандасады. Шыршаны жүгіре жүріп балалармен амандасып шығады.

Буратино:Қуанышкүл-Ясмин

Сәлем достар, сендер мені білесіңдер ғой.
Бұл мен, Буратино!

(Ертегі әуені ойнап тұрады,микрофон арқылы Микки маус: дауысы естіледі

Микки маус: С.Гулмира - Ә.Нұрасыл,

— Эй, Буратино,сен неге қуаныштысың, бүгінгі мереке болмайды, сондықтан жаңа жылды қарсы алмайтын болдық. Мереке болмайды.

Буратино:
— Неге мереке болмайды? Жоқ, жоқ мен келіспеймін,қарашы, қаншама балалар келгенін. Біз бүгін жақсы көңіл көтереміз.

Микки маус:
— Буратино, Құлыпты көріп тұрсың ба? Сен осы құлыпты алтын кілтпен ашпасаң, бүгінгі шыршаның шамы жанбайды. Сондықтан мерекеде болмайды.

Буратино:
— Ол алтын кілтті қайдан, кімнен аламын?

Микки маус:
—Сұм   Карабаса-Барабаса шалдан.

(Шырылдауықтың дауысы осымен кетеді).

Буратино:
— Айтуға  оңай, оны қайдан табамын.

(Залға  Мальвина кіреді, артынан әдемі, ұзын көйлек қыздарда кіреді. Мальвина оларға би үйрете бастайды. Мальвина осы қыздармен би билейді.)
Мальвина: —Қымбатты  қыздармен  ұлдар, мен сендерге жаңа жыл мерекесіне әдейі арнап әнмен би әкелдім. Келіңдер бірге билейік.

Буратино:
— Ия, билеңде, ән шырқандар, бүгін бізде  мереке болмайды, шыршаның шамдары жанбайды. Жаңа жыл келмейді. Осы ескі жылда  қала береміз, өйткені бізде алтын кілті жоқ.

Мальвина: Арай-Назерке, Қ.Айша, Мөлдир, Жансұлу,
— Ах,ол қалай, неге, неге?

Артемон (Мальвинаны уата бастайды ит-досы): Асем
— Гав, мен   білемін, алтын құлыпты қайдан  іздеуге   болатынын. Ол   Карабас – Барабас шалдан іздеуге  болады. Жүріндер   мен сендерді сонда апарамын.

(Барабан дыбысы естіледі. Карабас келеді, мойнында  алтын кілт  бар)
Карабас: Ақсәуле
— О-го-го, о-го-го, не болды,  неге қорқып  тұрсыңдар, дұрыс сендер менен қорқуларың керек. Мен қашан жаңа жыл болғанын қаласам, сонда жаңа жыл болады. Ха-ха-ха!
(Түлкі мен мысық оның айтқанын қайталайды, оған қызмет жасайды.)

Түлкі-Гаухар, Мысық-Жанар апай

Буратино:

Олай болса би билиік. Кім жеңеді сол кілтті иесі атанады.

Карабас: Мен жеңілдім, міне сендерге алтын кілттеріңді табыстаймын.

(Буратино шырша шамын жағады)
Ән: «Көрікті шыршамыз»

2-жүргізуші:
Қуаныңдар, ағайын, тамсаныңдар.
Сүйіншімен маңайға жар салыңдар.
Аяз ата келеді Қарша қызбен,
Қол соғып қошеметпен қарсы алыңдар!

Бәрі. Қоңырау үні сыңғырла
Аяз ата, Қарша қыз
Тез келіңдер ортаға
Аяз ата, Қарша қыз 3 – рет
(әуенмен бірге Ат шанаға мініп Аяз ата, Қарша қыз келеді)

1 - жүргізуші:
Амансыз ба, Аяз ата Қарша қыз
Ортамызға хош келдіңіз төрлеңіз
Балалардың өнерін тамашалап
Бізбен бірге ән салып, би билеңіз.

Аяз Ата:

Амансың ба, ұлдарым,

Амансың ба, қыздарым

Құтты болсын, балалар
Келген Жаңа жылдарың
Алаңдамай өсіңдер
Еркелеп қыз, ұлдарым
Өткен жылы келіп ем
Бәріңді де көріп ем
Жыл өткізіп келем деп
Уәдемді беріп ем
Ойларың мен бойларың да
Бірдей өсіп қалды ма?
Ал, мен кіммін

Айтыңдаршы балалар!

Қарша қыз.

Сәлеметсіңдер ме, балалар.

Жаңа жылдарың құтты болсын!
Сүйсіңдірер маңайды
Ақшақармын арайлы
Жалт - жұлт еткен жүзімнен
Күміс сәуле тарайды.
Ақшақармын аппақпын
Қалай тыныш жатпақпын
Менсіз қыстың сәні жоқ
Әнмін, жырмын, тақпақпын.

Ескі жылмен қоштасу: Мешін-Айару

Мен бір жыл бой сендермен бірге болдым.

Жаңа жылда жол болсын!

Әрбір үйде той болсын!

Берекелі жыл болсын!

Ақ дастарқан мол болсын!

Сау болыңдар!

Тауық -Қымбат
Сәлеметсіздер ме, балалар
Мен тұрмын қуанып,
Шаттыққа бөленіп
Бір жыл бойы сіздермен
Дос болайық шаттанып.

Келіңдер би билейік. «Балапан» биі (Бибінұр, Альбина,Асылай, О.Айша)

2-жүргізуші.

Ей, ей, халайық,
Шаттанып қол соғайық
Жаңа жылды қарсы алып,
Ән мен жырға салайық
Шаттық сеуіп көңілге,
Ырыс сыйлар төрінде
Жаңа бақыт, жаңа жыл
Енгелі тұр еліме.

Ендігі кезекті достарыма берейін.

Ән: аппақ-аппақ

(Бүлдіршіндер тақпақтарымен)

Жасыл желек жамылған, 
Асыл моншақ тағылған, 
Miнe, сұлу шыршамыз. 
Көптен күтіп, сағынған, 
Кел, балалар, келіндер, 
Тамашаны көріңдер. Ерасыл

Мұздан моншақ тағынып,
Күміс қырау жамылып.
Ортада тұр Ақшақар,
Көптен күтіп сағынып. Н.Нұрасыл

Жаңа жылым мол болсын

Басқан қадам оң болсын

Төрле, төрле жаңа жыл

Бізге құтты жол болсын! Айзере

Аспан жерге төгеді

Ақ күмісін уыстап

Жаңа жылда келеді

Бізге қарай жылыстап Үміт

Жаңа жыл, жаңа жыл

Жаңа жылда, жаңа жыр

Жасыл шырша жанында

Жадырап барлық бала жүр. Ақжүрек

Келді  тағы  жаңа жыл 

Қуантумен біздерді

Аяз ата келеді  

Құттықтауға біздерді Томирис

Тілеймін мен бар әлемге

Дос көп болсын жаңа-жыл

Ата-әже, әке - шеше

Құтты болсын Жаңа жыл Нұрай

Шыршамыз да керемет
Ойыншықтар тағылған
Алыс жақтан келіп тұр
Аяз ата сағынған. Рамазан

Тамаша, тамаша
Шыршамыз тұр жараса
Басында әсем жұлдызы
Көз тоймайды қараса Аруна

Оралдың өлкеме,
Жаңа жыл армысың.
Оранды ақ көрпеге,
Асқар тау, қарлы шың. Айым

Қыс қызығы тамаша

Ойнаймыз біз таласа

Думанымыз жалғассын

Жаңа жылға тамаша! Бейбарыс

1- жүргізуші:

Осындай әсем тақпақтардан кейін бир биге кезек берейік «Ақшақарлар биі»

Сахна төрінде ару қыздарымыз, қошеметтеп қол соғып отырамыз құрметті жиналған қауым.
2-жүргізуші: Қош келдіңіздер, баршаңызда, алыс жолдан келдіңіздер.
Әсем әні де, биі де бар
Отыр ата, сәл дем ал.

Ән: «Аяз Ата»

Ән: «Шырша жыры» Сахына төріне : Нұрлан Айша, Кәдірбек Аруна, Ахан Ерасыл, шақырамыз.

1- жүргізуші:

Мерей менің саған қояр бір сұрағым бар,біздің достарымыз өзге тілде тақпақ айтып бере ала ма екен?

2- жүргізуші:Әрине айтып береді Айнұр Бейсенбайқызы, солай емеспе достар!

Бүлдіршіндер тақпақтарымен:

Сегодня славный праздник,

Сегодня — Новый год!

У елочки нарядной

Заводим хоровод! Ә.Нұрасыл

С новым годом, с Новым годом!
С песней, елкой, хороводом,
С бусами, хлопушками,
С новыми игрушками! Н.Айша

До свиданья, Дед Мороз,
До свиданья, елка,
Мы веселый Новый год
Не забудем долго. Диар

С Новым годом, мама!

С Новым годом, папа!

С праздником поздравить

Мы вас очень рады. Анэль

К нам  на  елку  ой-ой-ой

Дед  мороз  идет живой       

–Ну  и дедушка  мороз,      

Что  за  щеки  Что  за  нос    

Бородото,  борадато,  

А на  шапке  то звезда

На носу  то крапины 

 А  глаза  то  папины. Зара

Жаңадан тақпақ                            

Аламыз жаттап

Жаңа жыл келді

Жаңа жыл аппақ Шаһкерім

Аппақ тонға оранып

Базарлықты мол алып.

Келді алыс сапардан

Аяз ата оралып.

Қалып едік сағынып

Күтіп алдық жабылып.

Жолын қойдық жарық қып, 
Шыршаларға шам іліп  Қ.Айша

Болсын қызық салтанат.                     

Болсын қызық мереке

Жаңа жылмен жадырап

Келсін бақыт,береке Еділ

Қуантып елді                            

Жаңа жыл келді

Өсетін болдым

Бір жасқа енді Ғ.Нұрдәулет

Міне,  тағы  келіп  тұр.

Жаңа  бір  жыл  балалар

Жадыратып жер  үстін

Төрімізге  ол шыққан.  Назерке

Той ,мереке ,салтанат                  

Думандады шартарап

 Келіп қалды Жаңа жыл

 Тартуларын арқалап. Жасұлан

Жүзімізге күлкі ойнап
Қанаттанды жанымыз.
Жаңа жылды біз тойлап
Шаттанамыз бәріміз. Несіпзейне

Аяз Ата: Бәрекелді, құлындарым өздерің өнерлі екенсіңдер, енді осындай тамаша Жана жылдық кешке Қарша қыздың әкелген ән шашуы бар соны тамашалайық.

Ән: «Көңілді күн» Жұмабек Жансая Гафурқызы

Би: «Санта клаус» Қуыршақ тобының жигіттерін сахна төріне шақырайық.

1- жүргізуші:
Армысың, аманбысың Жаңа жылым,
Жаңа жылым! О, менің Жаңа жырым!
Тауық жылы келгенде, сый ғып тартып,
Ақтарайық әнменен көңіл сырын.

Ән: «Жана жыл» Орындайтындар: Исмағұл Зара, Асқарбек Айзере, Жақсылық Рамазан, Нұраш Нұрасыл, Нұрлан Айша

2-Жүргізуші: Қане, енді балалар бәріміз көзімізді жұмайық, көзімізді мен айтқанша ашпаймыз. Келістік пе балалар?!

1-Жүргізуші: Біздің достарымыз Аяз атаға хат жазған еді, сол хаттары бойынша аяз ата тілектерін орындап, бізге сыйлық тастап кетіпті. Қане таратып берейік. (Музыка ойналады, Шырша астындағы сыйлықтар таратылады).
Аяз ата: Ой, бәрекелді, балақайлар. Мені бүгін бір қуантып, алыс жерден келгенде көңілімді көтердіңдер. Біздің сыйлығымызға риза болыңдар. Ал енді біз жолға шығайық. Қош сау болыңдар!
Балалар: Сау болыңдар!

 Жүргізуші: Құрметті жамағат жүрекке жылылық ұялатар алғашқы Жаңа жылдық құттықтау сөзді ақыл ойы жетілген саналы ұрпақты сезімі сергек, арманшыл дана ұрпақты тәрбиелеп жатқан білім ұясының білікті басшысы Гүлнар Марқабайқызына береміз.

Ж: Ата-аналарға сөз береміз.

1-Жүргізуші:

Ерлерім, ел намысын түйіп белге,

Келеді қолым жетіп биіктерге.

Тілегі қабыл болып Елбасының,

Жаңа жыл құт боп келсін сүйікті елге! – дей келе, бүгінгі балабақшамызда ұйымдастырылған жаңа жылдық кешіміз аяқталды. Құрметті көрермендер келгендеріңізге көп - көп рахмет. Біз сіздермен қоштаспаймыз, тек келесі кездескенше дейміз. Сау болыңыздар!

Жангелдин аудан әкімдігі білім бөлімінің «Балдырған» бөбекжай балабақшасы МКҚК

Тақырыбы: «Келді міне ,Жаңа жыл!»

Өткізген: Абдиева Жанар Акімбекқызы

Өтегенова Айнұр Бейсенбайқызы

28-желтоқсан,2016 жыл