Тақырыбы: «Қоянның сылдырмағы»

Міндеті: Балалардың дене қимылдарын дамыту.Қоянның қозғалысымен таныстырып,балаларға қоян секілді секіру,жүгіру дағдыларын үйрету.Сылдырмақты тыңдай отырып,балалардың есту сезімдерін дамыту.

Кіріспе

Балалар залға массажды жолмен бір-біріне кедергі жасамай кіреді.

Қонақтармен амандасады.

Берілген бағытта шеңбер бойымен жүру.Қолдарын көтеріп жүру.Аяқтың ұшымен жүру,қол белде.Кедергілер арасымен белгі бойынша жүгіру.Доғаның астынан еңбектеп өту.Еденде жатқан арқаннан аттап өту.

Әуенмен залға қоян кіреді.(қолында себет болады)

Тәрбиеші:Балалар қоян бізге қонаққа келіпті барлығымыз амандасайық!

Қоян балалармен сәлемдеседі.

-Балалар, мен себетімді шатастырып алыппын.Сәбіздердің орнына менің қолымдағы себетте сылдырмақтар бар.Сылдырмақтарды мен сендерге беремін,сендер сылдырмақтармен түрлі жаттығулар жасап, маған сәбіздерімді табуға көмектесесіңдерме?

-Иә

Қоян сылдырмақтарды балаларға таратып береді.

Негізгі бөлім.

Б.қ: Аяқ иық деңгейінде,сылдырмақты көтереміз,түсіреміз.

Б.қ:Аяқ иық деңгейінде,қолды кеуде тұсында айқастыру және екі жаққа сылдырмақты көрсетіп қолды жазу.

Б.қ:Аяқты еркін қалыпта ұстап, еденде отыру,сылдырмақ қолда. 1 сылдырмақпен қолды жоғары көтеру,оны сылдырлату,қолды төмен түсіру.

Б.қ:Аяқты еркін қалыпта,сылдырмақты қолда ұстап,еденде отыру.Қолымызды алға созып сылдырмақты көрсету.Сылдырмақты сылдырлату.Сылдырмақты артымызға тығамыз «сылдырмақ жоқ деу».Қолымызды алға созамыз сылдырмақты сылдырлатып көрсетеміз.

Қоян:Балалар мен сендермен ойын ойнағым келіп тұр, менімен ойнағыларың келеме?

-Иә

Ойын: «Қоян мен сылдырмақ»

Қоянның белгісі бойынша әрекет етіп,қимылдарын бірге орындайды.

-Жарайсыңдар! Түрлі жаттығулар жасап маған сәбіздерімді табуға көмектестіңдер.Балалар,енді осы шашылып жатырған сәбіздерімді маған жинауға көмектесесіңдерме?

Ойын: «Сәбіз жинау»

Балалар шашылып жатырған сәбіздерді қоянның себетіне жинап береді.

Қорытынды.

Балалар енді сылдырмаққа үрлейк.Алдымен мұрынмен дем аламыз,аузымызбен дем шығарып сылдырмаққа үрлейміз.