«Құрақ құрау»

Сабақтың тақырыбы: «Құрақ құрау»

Сабақтың мақсаты: құрақ құрап үйрену

Міндеттер: мата қиындыларынан құрақ құрауды үйрету; «құрақтарды» түстері бойынша таңдауға, қимаүлгіні пайдаланып бөлшектерді пішуге, сондай – ақ құрақ бұйымдарын жасағанда пішімдерді бір блокқа біріктіре білуге үйрету.

Дамытушылық: құрақ құрау тарихынан мәлімет беру; сызба бойынша құрақ бұйымдарының пішім бөлшектерін дұрыс және дәл біріктіру.

Тәрбиелік: эстетикалық талғамға, ұқыптылыққа, нақтылыққа тәрбиелеу, жасалып жатқан жұмысқа шығармашылықпен қарауға үйрету.

Сабақтың түрі: аралас

Сабақтың әдісі:

• Суретті түсіндірмелі (әңгімелесу,сурақ-жауап,дидактикалық материалдармен жұмыс, үлгілерді көрсету);

• Интерактивті тақтамен жұмыс;

• Іздестіру, зерттеу әдісі;

Сабақтың жабдығы:

• Тігін машиналары;

• Құрал – саймандар (инелер, жіптер, қайшы, сызғыштар, борлар);

• Материалдар (түрлі түстегі және әртүрлі өлшемдегі мата қиындылары, түрлі түсті сызба);

• Пішім қима үлгілері;

• Алты секторлы түстер шеңберлі кестесі;

• Нұсқаулық карталар;

• Дайын бұйымдардың үлгілері (майлықтар, ұстағыш, панно, жамылғыш);

• «Құрақтық пластика» үйірмеге қатысатын оқушылар жасаған суреттер көрмесі.

Сабақтың барысы:

І. Ұйымдастыру кезеңі

ІІ. Жаңа материалды түсіндіру

ІІІ. Бағалау

Пысықтауға арналған сұрақтар:

1. Сендер түстердің қандай негізгі қасиеттерін білесіңдер?

2. Түстермен жұмыс жасауда түстік шеңбердің рөлі қандай?

3. «Түстерді араластыру кеңестігі» дегенде нені түсінесіңдер?

Техника қауіпсіздігі ережелерін қайталаймыз:

• Оқушылардың жұмыс орындарын қарап шығу;

• Жұмыс орындарын ұйымдастыру;

• Техника қауіпсіздігі ережесін сақтау;

• Жұмыс сапасы, өздік жұмыс;

• Технологиялық құжаттарды қолданудың дұрыстығы;

IV. Сабақты қорытындылау.

Бүгін сендер не үйрендіңдер?

Сендердің араларыңда кім мектептегі «Құрақ» техникасы үйірмесіне жазылғысы және «Құрақ тігіншісі» болып жұмыс істеп көргісі келеді?

V. Жұмыс орнын ретке келтіру.

Зертханадық жұмыс

Құрақ құрау

Қажетті құрал – жабдықтар мен материалдар: пішуге арналған кілемше, дөңгелекше кескіш, тігінші сантимерлік таспасы, тігінші тікбұрышы, қайшы, түйрегіш, мақта мата, мақта жіп, көшіргіш дөңгелекше, құрғақ желім.

Құрақты пішу. Мата жиектерін қию. Матаға лекалоны қойып өңдеуге қосымша қалдырып, қажет көлемде қиықтарды пішу.

Тігу техникасы. Бөлшектерді сырып тігу кезінде өңдеуге арналған қосымшаны естен шығармау қажет. Бұл үшін арнайы сызғышты пайдаланады. 1 см-ге 5-6 инешаншымнан келуі керек. Тізбекше етіп тігу уақытты, жіпті үнемдейді. Қиық қабаттарын дәл әкелу үшін түйрегіштерді пайдаланады. Түйрегіштерді тігістерге көлденең түйрейді. Оны тігім жүргізгенде, тігін машинасы табанына жақындағанда алады.

Құрақты құрап болғаннан кейін бұйымды сырудың, қабудың қажеті бар ма, әлде жоқ па, соны анықтап алу керек. Ашық өрнекті немесе ірі ашық гүлді маталарды қарапайым инешаншымдармен сырып тігеді. Бірыңғай түсті маталарға күрделі өрнекті сырып тігу болады.

Жұмыс барысы

1. Бұйымды түзу сызық бойымен немесе көлденеңінен инешаншымдар жасап тігу. Сызықты алдын ала белгілеп алуға болады.

2. Құрақтардың шеттерін қию (мысалы, 0,5 см)

3. Тігімдерді кез келген бағытта жүргізіп, өзіндік инешаншымдар жасау.

4. Суға тас лақтырғанда пайда болатын дөңгелектер сияқты доға тәрізді эхом – мотив инешаншымдарын қайталау.

5. Стипплинг – үзбей сырып тігу.

Бұйым шеттерін оның түсіне үйлестіріліп немесе қарсыластық түсте алынған қосарланған жиектемемен тіккен дұрыс. Жиектеменің түсін мұқият таңдау керек.