«Айназ» жекеменшік балабақшасы

«Қыс»

Ашық сабақ

Орындаған: Бекова Құралай

Жетібай ауылы

2017жылы

Білім беру саласы: Коммуникация Мақсаты: Қыс мезгілі туралы түсініктерін кеңейту. Өзіне тән ерекшеліктерін ажырата білуге, өз ойын толық жеткізе білуге үйрету. Қысқы ойындарға қажетті құралдарды атау. Табиғатты аялауға, әсемдікті сезініп, көре білуге тәрбиелеу. Бөлімі:   Көркем әдебиет Тақырыбы:  Н. Аманжолова «Қыс»

ШАТТЫҚ ШЕҢБЕРІ

Мейірімді жүрекпен,
Ақ пейілді тілекпен,
Амандасып алайық.
Бір жадырап қалайық, Сәлеметсіздерме!

Өткен сабақты қайталау

• Балалар өткен сабақта қандай ертегімен таныстық?

• Екі қаз бақаға қандай жақсылық жасады?

• Бақа неге жерге құлайды?

Жаңа тақырып: Н. Аманжолова «Қыс»

• Балалар неше жыл мезгілі бар?

• Қазір жылдың қай мезгілі?

Балалар, мен сендерге өлең жолдарын оқып бергім келіп тұр.

Шанамен зырғып желетін,
Коньки, шаңғы тебетін,
Аққала жасап ойнайтын,
Қай мезгіл деп ойлайсың?

-Бүгін біз сендермен қыс мезгілі туралы әңгімелесеміз.

-Балалар, қәзір қандай жыл мезгілі?

-Қыс мезгілінің айларын атаңдаршы?

  -Қыс мезгілінің басқа жыл мезгілдерінен қандай айырмашылығы бар?

  -Қыс мезгілі несімен қызықты?

Енді балалар біз кесте бойынша өлеңді қайталап,жаттап алайық.

БИЛИНГВАЛЬДІ КОМПОНЕНТ:

ҚЫС – ЗИМА – WINTER, ҚАР – СНЕГ – SNOW

Балаларымыздың қыс туралы тақпақтарына кезек берейік:

Елемес Жанжігер

Жапалақтап аппақ қар

Жауды күнде қайталап,

Қырға шықты балалар,

Шаңғыларын арқалап.

Құлыш Әбунасыр

О, алақай қыс келді,

Бізге қуаныш әкелді.

Дала қарға оранды,

Бала біткен қуанды.

Дидактикалық ойын: «Қыс мезгіліне не керек?  

Ойынның мақсаты: Балаларды қысқа қажетті заттармен таныстыру.  
Ойынның шарты: «Қыс» мезгілі суретінің қасына қатысты суреттерді іріктеп ілу. (М: шана, қолғап т.б)

Тәрбиеші: Балалар, біз тоңбас үшін үстімізге қандай киімдер киеміз?Қане, іс - қимылмен көрсетейікші.
Балалар: Бас киім, үстімізге тон, аяғымызға етік, қолымызға қолғап киеміз!
Тәрбиеші: Қандай ойындар ойнайсыңдар?
Балалар: Қар лақтырып, аққала жасап, шанамен сырғанақ тебеміз.
Тәрбиеші: Балалар, қыста ауа таза болады. Сондықтан да сендер ауырмау үшін, денсаулықтарың мықты болу үшін таза ауада ойнауларың керек. Ойын арқылы денелерің шынығады.
Тәрбиеші: Балалар, біздер қыс мезгілінде қандай мерекелерді тойлаймыз?
Балалар: Жаңа жыл!
Тәрбиеші: Дұрыс, айтасыңдар сонымен қатар 16 желтоқсан - Тәуелсіздік күнін, 1желтоқсан – Елбасы күнін тойлаймыз!

Оқулықпен жұмыс

Сурет бойынша өлеңді толықтырып айт?

зырлап желетін,

тебетін,

жасап ойнайтын

Қай мезгіл деп ойлайсың?

• Жарайсыңдар, балалар, енді келген қонақтарымызбен қоштасайық.

Балдай тәтті баламыз,
Айтқан тілді аламыз.
Ойынменен өседі,
Ойымыз бен санамыз.
Қол ұстасақ бәріміз,
Жарасады сәніміз.
Көріскенше күн жақсы,
Сау болыңыз бәріңіз!