Сабақ тақырыбы

Жүніс Сахиевтің «Айдағы жасырынбақ» әңгімесінің кейіпкерлер әлемі

Осы сабақ арқылы жүзеге асатын оқу мақсаттары

Т/Ж3. Көркем шығармадағы кейіпкерлерді сомдауда тура және жанама мінездеулерді жіктеу.

Сабақтың

мақсаттары

Оқушылардың барлығы орындай алады:

Көркем шығармадағы кейіпкерлерге мінездеме береді.

Оқушылардың көпшілігі орындай алады:

Әңгіме кейіпкерлеріне жазушының тура және жанама мінездеулерін пайдалана отырып, мінездеме бере алады.

Оқушылардың кейбіреуі орындай алады:

Әңгіме кейіпкерлеріне жазушының тура және жанама мінездеулерін пайдалана отырып мінездеме береді, өзіндік пікір білдіреді.

Тілдік

мақсат

Оқушылар орындай алады: кейіпкерлерге мінездеме береді.

Пәнге қатысты сөздік қор мен терминдер:дерек, ой-пікір, сұрақ т.б.

Диалог құруға/шығарма жазуға арналған пайдалы тіркестер:

Талқылауға арналған сұрақтар:

• Әңгіме кейіпкерлері кімдер?

• Жазушының суреттеуінде қалай?

• Кейіпкерлер қарым-қатынасынан оларды қалай тани алдыңдар?

Құндылықтарды

игерту

Мәңгілік Ел стратегиясындағы жалпыға бірдей еңбек қоғамы құндылығын білім берудің еңбек және шығармашылық,ынтымақтастық, өмір бойы білім алу құндылықтарымен ұштастыру

Пәнаралық байланыс

Тарих, қазақ тілі, астрономия

Бағалау критерийі

• Жазушының тура және жанама мінездеулерін ажырата отырып, кейіпкерлерге мінездеме береді.

• Өзіндік көзқарас білдіреді.

Ойлау дағдыларының деңгейі

Қолдану, жоғары ойлау дағдылары

Алдыңғы білім

Жүніс Сахиев туралы және «Айдағы жасырынбақ» әңгімесінің мазмұнын, тақырыбы мен идеясын біледі.

Сабақ барысы

Сабақтың жоспарланған кезеңдері

Уақыты

Сабақтағы жоспарланған жаттығу

Ресурс

Сабақтың басы

1. Ұйымдастыру кезеңі. Сәлемдесу.

2. Психологиялық ахуал. «Жүректі тазарту» Оқушыларға таза парақшалар таратылады. Оған дәл қазіргі кездегі бойындағы кірбіңді, ренішті, қолайсыз көңіл күйді жазу ұсынылады. Жазып болған соң қоқыс жәшігіне тастайды. Осылайша барлық жағымсыз көңіл күйден арылып, тазарған жүрекпен, көтеріңкі көңіл күймен сабақ басталады.

3. «Динамика», «Статистика» ойыны. Оқушылар бір-біріне қарама-қарсы отырады. «Динамикалар» қозғала жүріп, «Статистикаларға» «Айдағы жасырынбақ» әңгімесі бойынша сұрақтар қояды.

- Жаттығу қалай өтті? Не білдік? Не үйрендік?

Сабақтың ортасы

• Айға қанша адам барды? Олар кімдер?

• Мерген қандай бала? Оның әкесі ше? Сартай, сендердің ойларыңша, қандай бала? Олай болса, дәлелдейік.

Оқушыларды санау арқылы 3 топқа бөлу:

1-топ: Сартай.

2-топ: Мерген.

3-топ: Мергеннің әкесі

«Қабырғадағы рөл» тәсілі

1-қадам.Әр топ флипчартқа адамның сұлбасын салады. Адамның ішіне, яғни жүрек тұсына кейіпкердің әрекеттерін, жазушының суреттеулерін жазады, екі аяғы мен екі қолына «қандай адам?» сұрағына жауап, адам сұлбасының сыртына кейіпкерге қойғысы келген сұрақтарды қояды.

2-қадам: Қабырғаға іліп қойып, топтар қорғайды.

Қалыптастырушы бағалау: «Галереяны шарлау» тәсілі

Топтара өзара бағалауды стикерге жазу арқылы жүзеге асырады.

«FILA толтыру» әдісі көркем шығармадағы кейіпкердің образдық тұлғасын ашуға бағытталады. Топ құрамында төрт адам болады. Әрқайсысы «FILA толтыру» әдісі бойынша тапсырма түрлерін бөліп алады, қорытындысында жұмыстарын біріктіріп, кестені толтырады.

F /Дерек/ – шығармаданкейіпкер бейнесін ашатын деректер жинау;

I /Пікір/ – кейіпкер туралы өзінің ой- пікірі;

L /Сұрақ/ – кейіпкердің образдық тұлғасын ашатын сұрақтар;

A /Іс-әрекет/ – автордың кейіпкерді суреттеудегі қолданған тура және жанама мінездеуін табады.

Дескриптор:

- кейіпкер бейнесін ашатын деректер жинайды; - кейіпкер туралы өзінің ой-пікірін білдіреді;

- кейіпкердің образдық тұлғасын ашатын сұрақтар құрастырады;

- тура және жанама мінездеулерді табады.

Қалыптастырушы бағалау: «Екі жұлдыз бір тілек»

Сонымен әңгіме кейіпкерлерін жазушының суреттеуінен, кейіпкерлер қарым-қатынасынан қалай тани алдыңдар?

Сабақтың соңы

3 минут

Кері байланыс

«3-2-1»

Бүгінгі сабақтан алған 3 маңызды ақпарат;

Бүгінгі сабақта қиындық тудырған 2 аспекті;

Бүгінгі сабақта ұнаған 1 іс-әрекет.

Үлестірме кесте