Кітапсыз өмір – белгісіз бағыт

Жалпы адамзат тарихында кітаптың рөлі ешқашан өзектілігін жоғалтқан емес.Кітап–даналықтың, білімнің және адамзаттың, рухани байлықтың қайнар көзі.Бірақ қазіргі таңда ақпарат тасқынының шексіздігі адамдарды терең ойлау мен зерделі білімге уақыт бөлуден алыстатып барады.Бұл – үлкен қауіп, өйткені кітапсыз өмір – айқын бағыты жоқ сапарға ұқсайды.

Кітап адамға білім ғана емес, рухани тәрбие де береді.Ол оқырманды ойлауға, сараптауға, түсінуге және әлемді терең сезінуге үйретеді. Кітап арқылы адам тек жаңа білім алып қана қоймайды, сонымен қатар өмірлік құндылықтарды түсінеді.Әр бетте жасырынған даналық әрбір оқырманның санасына әсер етіп, оның өмірлік ұстанымдарын қалыптастырады.Кітап-жаңа әлем бастамасы.Бүгінгі таңда адамның саналы ойлауын,еркін сөйлеуін қалыптастыра отырып,жаңа бағытқа жол салушы негіз баспалдағы.Қазіргі қоғамда кітап оқудың маңыздылығы бұрынғы заманнанда өзекті.

Бүгінде алтын қазықты кітап қоғамның өмір сүру салтын түбегейлі өзгертті.Әлеуметтік желілер, видеоконтент және қысқа хабарламалар адам санасына үстірт ақпаратты сіңіруге бейімделуге мәжбүрлейді.Нәтижесінде терең оқуға уақыт пен ниет қалмайды.Ал кітап оқу – тек білім емес, ішкі тәртіп пен сабырлықты қалыптастыратын процесс.

Кітап оқудан алыстау қоғамды тек үстірт біліммен шектелуге мәжбүрлейді.Мұндай жағдайда адамдардың логикалық ойлау қабілеті төмендеп, өз өмірін басқаруда қиындықтар туындайды.Кітапсыз өмір сүрген адам өзін танудан қалады, рухани бос кеңістік пайда болады.Бұл бос кеңістікті өмірдің мағынасыз дүниелері толтыруы мүмкін.Білім алу мен ойлауды дамытудың ең оңай жолы.Ал кітап оқымайтын адам тек дайын ақпаратқа үйренеді соған жеңіл жетеді.Ал кітап оқудан алыстаған адам шығармашылық қабілеттерінен,еркін сөйлеу қабілеттерінен айырылады.Кітапсыз өмірдің қауіпі-адамзат мұрасының сақтаушысы,ұлы сөз.

Кітапты өмірдің шамшырағы деуге болады.Ол бізді қиын сәттерде қолдайды, дұрыс шешім қабылдауға көмектеседі және өзін-өзі табуға мүмкіндік береді.Әрбір оқылған кітап – өмірге жаңа көзқарас. Әлемнің кереметтерін тануға, өз қабілеттерімізді ашуға және болашағымызға сенімді қадам жасауға кітап себепкер.Кітап оқу-тұлға ретіндегі қалыптасудың,өз жолыңды оңай табудың ең сенімді жемісі.Кітапты серік етіп,білім мен даналыққа жетелейтін жолдың үстімен жан-жақты жетілуіміздің өзі бір көрсеткіш.Адамзаттың сан ғасырлық тәжірбиесінің арқасында біз өз қоғамымыздың айнасына айналып отырмыз.Болашаққа да,келешекке де жол сілтеуші өзіміз.

Кітапсыз өмір – адамды өз жолынан адастыратын белгісіз бағыт.Кітапсыз өмірді елестету қиын.Сол себепті әрбір адам кітап оқуды әдетке айналдырып, оны рухани азық ретінде қабылдауы керек.Ол бізге өткеннің тәжірбиесін үйретіп қана қоймай,бүгінгі күнге бағыт береді және болашаққа үміт сыйлайды.Кітап адам жүрегін әртүрлі қырларымен таныстырып,оны басқа адамдармен түсіністікке жетелейді.Кітапсыз адам баласы өмірдің біртұтас жүйелі мүшесі болу мүмкіндігінен айырылады.Кітап-болашақтың шамшырағы,бізді белгісіздіктен сақтайтын басты құрал көзі.Білімді, мәдениетті және рухани бай қоғам құру тек кітапқа деген сүйіспеншілік арқылы мүмкін болмақ.Кітап-бағыттаушы жұлдыз.Ендеше, кітапты қадірлеп, оны өміріміздің ажырамас бөлігі етейік.Бұл біздің парызымыз.