Мақсаты: Қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт-дәстүріне байланысты әдептілікке, инабаттылыққа, ізеттілікке тәрбиелеу.
Көрнекілігі: «Қыз-елдің көркі» (ұлттық киімді қыздардың суреттері), «Өнер таусылмас азық»(қолөнер түрлерінің фотосуреттері), мақал-мәтелдер, қанатты сөздер, презентация.
Барысы: 1-жүргізуші. Қайырлы күн, құрметті, ұзтаздар, көрермендер! 2-жүргізуші. Бүгінгі 8 сыныптар арасында өткелі отырған «Бұрымды қыз» атты қыздар сайысына хош келдіңіздер!1-жүргізуші. «Гүл өссе - жердің көркі, қыз өссе - елдің көркі» демекші, Көрінер қыздар сұлу шашбауымен, Бұрымын кейін серпіп тастауымен. Жарасқан шашбауымен теңгелерім Теңгенің кім біліпті дөңгелегін. Қыз емес қыздың аты қызыл алтын, Көрінер толған айдай жүзі жарқын. Үлкеннің алдын орап, сөз сөйлемес, Халқының сақтай білген ізгі салтын. Қос бұрымды сұлулықтың белгісі деп таныған халқымыз қыздардың шашын өсіріп ұшына зергердің қолынан шыққан шашбау, шолпы тағып, сұлулыққа жастайынан баулыған, қыз балаға керек қасиет – талғам, жарасым, ақыл, білім, іскерлік өмір тіршілігінен нәр алып тамырға жайылады. 2-жүргізуші. Мен қазақ қыздарына қайран қалам Жанары жаны жаздай жайраңдаған. «Қыз өссе - елдің көркі» деген сөзді, Қапысыз қалай айтқан қайран бабам.1-жүргізуші. Пір тұтқан махаббатты, адалдықты, Көркімен таң қалдырған талай жұртты. Қыздардың қылығымен өмір қызық, Қыздардың ғұмырымен заман құтты.2-жүргізуші. Өнер-білім тапқырлықтың тарланы, Еңбектегі әріптестер мақтаны. Өнеріңді ортаға сал,сайысқа Өнер көрсет, құрбылармен жарыс та.1-жүргізуші. Мың бұралған арулар билей басып, Келеді міне ортаға толқып тасып. Аруларын сыйлаған халқым менің, Көңілді қошеметпен қарсы алайық!2-жүргізуші. Диана қыз өнерлі Бойға өнер жиған қыз. Дарья қыз білімді Меңгерген бар ілімді.Елена қыз елгезекАлады тез тіліңді. Насиба болса шырайлы Өзіне бәрі ұнайды.Салимат қыз үлбірепҚос жанары мөлдіреп Мария қыз шығады Бұрымдары желбіреп.Саялы қыз жайдарыЖелбіреген айдары. Рената қыз керімдей Бәрін істер ерінбей.Анастасия болса әдеміТаңғалдырар берген сәлемі
Би --------------------- 1-жүргізуші. Шалқытып мерекеде ән салайық, Өнерпаз өрендерге тамсанайық. Әділдік пен шындықты арқа тұтқан Әділқазы алқасымен танысайық.Масловская Галина Валентиновна Ажибаева Ботагөз СарсенбаевнаСарсенбаева Света Асановна Клышева Толкын Акбаевна
2-жүргізуші. Сайысымыздың шарты бойынша қыздар өз нөмірлерін алып, сол бойынша сайысқа түседі. Сайысымыз 5 кезеңнен тұрады.1. Өзін - өзі таныстыру2.Үй жұмысы (ас мәзірін дайындау)3. Өз өнері4. Ою оя білу5. Салт-дәстүрге байланысты сұрақ - жауап 6.Сәнді шаш, киім үлгісін көрсету
Қазақ қызы (видео)
1-жүргізуші. Көңілге түй сен мұны, Әр бүлдіршін – ел гүлі. Бақытты елде туғаның Есіміңнен белгілі.2-жүргізуші. Жөн сұрасып отырады жүрген жерде, Бабамыздың салты ғой ол бұл күнде Арулардан бейхабар болмас үшін, Өздерін таныстырады осы жерде – демекші, қыздар өздерін таныстырады. Әр бөлімде әділқазылар бағалау есебін көрсетіп отырады.
1-жүргізуші. Ата-бабамыздың ежелден келе жатқан салт-дәстүрлерінің бірі-қонақжайлылық. Қандай жағдайда да «құдайы қонақпын» деп келген адамды кеудесінен итермей, жылы шыраймен қарсы алып,қолдағы барымен дегендей, шамасы келгенше сый-құрмет көрсетіп, аттандыру әркімнің парызы сияқты болатын. Ендеше, екінші сайысымыз-ас мәзірін дайындау.
2-жүргізуші. Шаңырақтың жайылады дастарқаны, Дастарқанның бір сәні бар – он тағамы. Тәтті тағам әр адамды сүйсіндірер, Аспаздыққа берейік бір бағаны - дей келе, арулар өз ас дәмдерін ұсынады. Әрбір қыз өздерінің жасаған торт не салат түрлерін түсіндіріп, жасалу жолдарын айтып береді.
Ару қыздар алаулап от кешкендерСыздап тұр - ау әлі күн оқ тиген жер,Қаласыңда мәңгілік ел есіндеАру қыздар алаулап от кешкендер 6 «А» сынып оқушысы Ткачева Екатеринаның орындауында «Әлия» әнін қабыл алыңыздар 1-жүргізуші. Үшінші сайыс-өнерліге өріс кең. Өнерсізден қашып жүр, Өнермен үлгі шашып жүр. Өнерді көп білетін дана болар, Өнерсіздің ісі шала болар. 2-жүргізуші . О, заманда ашқан қазақ өнер сырын Шақырған сайыстарға бірін –бірін. Тыңдайық тамашалап, көрермендер, Көрсетеді арулар өз өнерін. Әншілерді танимыз өлеңінен, Бишілерді әсем ырғақ мәнерінен Он саусағы алтындай шебер қызды Танимыз қазір оны қолөнерінен - демекші ,қыздар өз өнерін ортаға салады.1-жүргізуші. Келесі сайыс кезеңі-ою оя білу. Бұл жерде ою үлгісі көрсетіледі. Берілген қағазға сол оюды салып, әдемілеп қию керек. Бұл кезеңде қыздардың тиянақтылығы мен шапшандығы ескеріледі. (қыздарға берілетін уақыт 5 минут) 2-жүргізуші. Қыздарымыз ою ойғанша 5-сынып оқушысы Құрмаш Төлебидің орындауында «Ерке сылқым» күйін тыңдаңыздар (Домбыра тартылады қыздар ою ойғанда)
2-жүргізуші. Бесінші сайыс. Қыз сұлу көрінеді білімімен. Кең даланың ежелгі, Қазақ дейтін халқымыз. Өзге ұлттай біздің де, Бар дәстүр мен салтымыз.
1-жүргізуші. Әдет-ғұрып, салт –дәстүрі қазақтың, Жарасымды үйлесімді ғажап шын. Ұмыт болған дәстүрлерді сақтайық, Насихаттап, жаңартудан қашпайық.
2-жүргізуші. Қазақтың түрлі –түрлі дәстүрі бар Оның сырын ашқанға жұрт қызығар Арулар біле ме екен дәстүрлерді? Сол себепті қоятын сұрақтар бар. Білімге құштар санаға Ақылы мен дария Біліктілік азықпен Дайын олар қашанда. (Сұрақтарға жауап) Бұл жерде әр қыз тақтада берілген он ұяшықтың біреуін таңдап, сол ұяшықта жасырылған сұраққа жауап береді.
1-жүргізуші. Сымбатына сән киім жарасатын, Аспандағы айменен таласатын. Өнеріне сәні сай келіп тұрған, Аруларға қызығып қарасын деп,- келесі сайысымыз-сәнді шаш, киім үлгісін көрсету кезеңі. Қыздарымыз дайын болғанша ортада биші қыздарыңыз «Қамажай» биімен. Қол соғып қошеметпен қарсы алайық.7 сынып оқушысы Бақыттың орындауында «Туған жерім» әнін қабыл алыңыздар (мода)2-жүргізуші. Әділқазы алқасы аруларымыздың ұпайларын есептегенше өнерпаздардың өнерін тамашалайық. «Шашу» биі. Насиба 1-жүргізуші. Енді әділ қазылар алқасына арулар ішінен ақылына көркі сай, инабатты да ізетті аруларды таңдау үшін сөз береміз. (Ұпайларын қорытқанда, қыздардың ұлттық киімін, сайыс бойы өзін қалай ұстағанын, сөйлеу мәдениетін, жүріп-тұрғанын- бәрін де есептеген жөн) Қорытынды. Әділқазылар сөз алып, әр номинация бойынша жүлде тағайындайды. 2-жүргізуші. Өнеріміз сайыста, Жетелейді алысқа. Бүгінгі күннің жеңісі, Достық болып қалуда.
1-жүргізуші. Осымен бүгінгі «Бұрымды қыз» атты арулар сайысы аяқталды, көріп тамашалағандарыңызға көп-көп рахмет.
12 Ақпан 2019
700
0 рет жүктелген
