"Қызыл кітап" қорғаған аң-құстарды, біз қорғай алмаймыз ба?

Біз адамдар, Табиғат-ананың перзенттері ретінде оған қамқорлық танытып, төсінде ойнақтаған аң-құсы мен кеудесін тесіп шыққан өсімдігін аялауымыз қажет. Алайда, осындай қарапайым әрбір адам ұстануы тиіс қағидаға қарамастан, жан-жануарлар мен өсімдіктер дүниесіне үлкен зиян келіп жатыр, әрине, мұның бәрі антропогендік, яғни, адам әрекетінің әсерінен. Гүлдерді дәрілік қасиеті үшін жұлады, жануарларды терісі мен пайдасы үшін атып, қаза қылады. Осылайша, біз қанша қорғағанмен, тыйым салынғанымен флора мен фаунаға орны толмас зиян келеді.

Елімізде табиғат жауһарларын қорғауға арналған заңды күші бар заңнамалар бар. Оларға мыналар жатады: Жануарлар дүниесiн қорғау, өсiмiн молайту және пайдалану туралы Қазақстан Республикасы заңдарының мiндеттерi, Жануарлардың дүниесiн қорғау, өсiмiн молайту     және пайдалану туралы Қазақстан Республикасы

заңдары, Жануарлар дүниесi ұғымы, т.б.

Осы заңдар аясында елімізде қорғау мен заңмен қудалану жұмыстары жүргізіледі. Соңғы жылдары қоғам назарын аудартқан мына жайт бар. Шымкент тұрғыны Қызыл кітапқа енген 6 тал қызғалдақты жұлғаны үшін, 9млн теңгеге айыпты болды. 2019 жылы киелі киік жануарын брокконьерлерден қорғаймын деген Ерлан Нұрғалиев осы жолда қаза болды. Оған арнайы ескерткіш орнатылып, халықтың ықыласына бөленді. Осындай жағдайлардың бәрі, арамызда әлі де табиғатқа аяусыздықпен қарайтын, десе де, оны қорғауға барын салатын азаматтардың барын көрсетті. Біз жан-жануар үшін жанымызды бермесек те, оларға зиянымызды тигізбей-ақ пайдалы бола аламыз.