«РАХМЕТ САҒАН,ӘЛІППЕ!»

Серікова Айжан Серікқызы

«Ақмола облысы білім басқармасының Аршалы ауданы бойынша білім бөлімі Иманжүсіп Құтпанұлы атындағы Жібек жолы ауылының жалпы орта білім беретін мектебі» КММ бастауыш сынып мұғалімі

1-сынып Тақырыбы: «Рахмет саған,Әліппе!»Мақсаты: Әліппеден алған білімдерін тексеру, оқушылардың сөздік қорын, тіл байлығын дамыту, ана тілі пәніне деген сүйіспеншілігін арттыру, ұйымшылдыққа, достыққа тәрбиелеу. 
Іс-шара жоспары: 
Әнұран
Мұғалімнің құттықтау сөзі:  -Сәлеметсіздер ме, құрметті қонақтар, ата-аналар! Балаларыңыздың білім шыңына басқан алғашқы қадамдары құтты

болсын! «Әліппе бітіру»мерекесіне арналған ертеңгілігімізді бастауға рұқсат етіңіздер! 
Өсті міне бойларың 
Өсті,міне ойларың. 
Қуанышқа ортақпын 
Құтты болсын тойларың! 
Мұстафа: Ассалаумағалейкум, уа халайық! 

Зере: Армысыздар, ардақты әкелер мен аруана аналар. 
Зере: Кешегі сәби балаңыз, 
Жарады міне қараңыз. 
Ғылым, білім жолына 
Енді қайық саламыз. 
Мұстафа: Осы біздер қандаймыз?
Зере: Мың бұралған бишіміз
Мұстафа: Біз қызықпыз, қызықпыз. 
Сәл еркелеу бұзықпыз.
Зере: Біз шеберміз 
Ақылдымыз
Хормен: «Біз өмірдің гүліміз!» 

Мұстафа:
-Біз бүгін шексіз қуаныштымыз, өйткені алғаш хат танытып, сауатымызды ашқан Әліппені бітірдік. 
Зере:
-Мен енді өзім оқып, өзім жаза аламын. Ертегі, әңгімені де өз бетімше оқи аламын. 
Мұстафа
-Балалар, мен сендерге сұрақ қоямын: 
Іші толы әріпке, 
Білімдегі жарық не? 
Оқушылар хормен: 
Болашаққа жол ашар, 
Ол -сүйікті Әліппе, 
Ол-сүйікті Әліппе! 
Мұғалім: 
Олай болса, бәрімізге ең қымбат «Әліппені» ортаға шақырайық! 
Хормен: Әліппе,Әліппе,Әліппе 
Әліппе ортаға шығады: Әмина
-Армысыңдар жас достар! 
Армысыңдар, ата-ана! 
Болашаққа жол бастар, 
Әліппең келді ортаға. 
Білім деген ғажаптың, 
Әліппесін меңгерген. 
Келешегі қазақтың, 
Басталады сендерден. 
Таудай болса талабың, 
Айтары көп әріптің 
Қуанышы баланың 
Қуанышы ананың 
Жақсы білім көрімдік, 
Болсын бізге халайық. 
Не үйретіп, не білдік, 
Қане, ортаға салайық! 

Хор.Әліппе

Мұғалім: 
-Балалар, өнер-білімнің барлығы да мектептен басталады. Біз әліппенің арқасында көп нәрсені оқып-үйрендік. Әріптерден сөз құрауды үйрендік.

О Т А Н: 
Томирис О: Отан - сенің ата-анаң

Отан - досың,бауырың,

Отан – өлкең,астанаң

Отан – аудан,ауылың

Жанарыс Т: Тәуелсіз ел – тұрағым,

Тәуелсіздік – жыр-әнім.

Айзере А: Адамдықтың белгісі – адам болып өскенің,

Дастан Н:Наның - нәрің

Найзаң – қаруың

Намысың - аруың

МЕКТЕП:

М Арсен: Мүсінші болар Мүсілім.

Маралдың жасап мүсінін.

Мұражайға мектептің,

Мұны тарту етпекші.
Е Шапағат: Есенкелді есті екен,

Ерке ерланға ермеді.

Ерте тұрып есікпен

Еден сырлап ерледі.

К Ерсұлтан:

Көктем келіп, құлпырып

Дала гүлге оранды

Кемпірқосақ керіліп,

Әдемі күйге енді

Т Байтерек: Бастайды ол таңды да,

Бастайды ол талды да.

Келіп тұрған қай дыбыс

Тау мен тастың алдында?

Е Жібек: Есейіп кіші балғындар,

Елге қызмет жасады.

Ертең сенің алдыңнан

Есігін мектеп ашады.

П Ақниет: Парта десе бірінші

Әріп десе соңғысы.

Бұл қай әріп екенін

Өзің қарап түсінші.

Айзере: Мектеп деген білім кені , жыр кені, 
Мектеп деген ғылымның ең үлкені. 
Мектеп деген тәрбиеші адамға. 
Мектеп деген даналардың мекені. 

Жанарыс :Армысың сен алтын ұя мектебім, 
Саған айтар жыр алғысым көп менің. 
Жүректерге жаққан білім шырағын, 
Мақтан етем сені мәңгі мектебім. 
Бәрі бірге: 
Жүректерге жаққан білім шырағын , 
Мектебіме арналады бұл әнім! 
ӘН: «Үйретеді мектеп» (хормен) 
Айша Жексембек

Әліппе сөйлейді: 
-Әліппеде тізілген 
42 әріп бар, 
Тізілген соң ізімен, 
Өз кезінде танып қал. 
Айша Ж
Барлық әріп бағалы, 
Айттық әділ бағаны. 
Әріпсіз сөз болмайды, 
Буын онсыз толмайды. 
Адам барлық әріпті, 
Ардақтайды, қолдайды. 
Мұғалім 
-Балалар, сендер 4 ай ішінде көп нәрсені үйрендіңдер 
-Осының бәрін үйреткен кімдер? 
Оқушылар (хормен): 
-МЕКТЕП! 
- ӘЛІППЕ! 
- МҰҒАЛІМ! 
- АТА-АНА! 
Мұғалім: 
-Рахмет, шәкірттерім! 
-Міне, білімнің кілті - Әліппемен қоштасар уақыт та жақындады. 
-Қане, әліппеге Қош айтайық! 
Оқушылар хормен: 
-Бізге білім салып берген, 
Қош бол, құтты Әліппем, 
Қош бол, құтты Әліппем! 
Әліппе сөйлейді: 
Білімінің көп қой саласы, 
Әліппе соған жолбасшы. 
Ғылымның қиын жалғасын, 
Басқа кітаптан табарсың! 
-Қош болыңдар, балалар! 
Балалар хормен: 
-Жақсы кітап - ӘЛІППЕ! 
-Қош бол құтты ӘЛІППЕ! 

Әліппе биі
Мұғалім: 
-Балалар, әрі қарай бізге Әліппенің орнына АНА ТІЛІ келеді. 
-Қарсы алайық, танысайық 
Ана тілі сөйлейді: Інжу
Туған елдің тілімін, 
Ақылы мен танымымын. 
Түсіндірер бәріне, 
Ана тілі пәнімін. 
Ана тілің-арың бұл, 
Ұятың боп тұр бетте. 
Өзге тілдің бәрін біл, 
Өз тіліңді құрметте! 
-Балалар, енді сендер мені оқитын боласыңдар, ынтамен оқысаңдар, көп нәрсені үйренесіңдер. 
-Мен сендерге жұмбақтар айтайын, сендер шешіңдер: 
1. Қабат-қабат қаттама 
Ақылың болса аттама (кітап) 
2. Тақтада жазып, жалықпаған, 
Жаза-жаза арықтаған (бор) 
3. Үйреткен білімді, 
42 білімді (алфавит) 
4. Алты түрлі түсі бар, 
Сурет салар ісі бар (қарындаш) 
-Рахмет, балалар, жарайсыңдар! 
Мұғалім:Ана тілі отырып балалардың өнерін тамашалаңыз. 

Шон: Әріптерді үйретіп 
Жақын болған кім бізге?

Жамандықтан жиреніп 
Ақыл болған кім бізге?  
Хор: Ол мұғалім 
Айша К
Алғашқы ұстазымыз анамызбен тең келеді, 
Бар асылын бізге жиып , мол береді. 
Қанатымен су себелеп асыл жан, 
Әр шәкіртін баласынан кем көрмейді. 
-Әліппені меңгертуге, жазуға, санауға үйреткен ата-аналарымыздың үлесі бар. Ата-анамызға ризашылығымызды білдіреміз: 
Мұғалім: 
-Балалар, сендер үшін түн ұйқысын төрт бөліп, қуансаң-қуанып, ренжісең-жұбататын асыл адам – Ана! 
Р Ясмин: -Ана- біз үшін ең ардақты адам. Ананы сыйлау-біздің парызымыз.

Дүниеге әкелген, ол да сенің анашың, 
Ақ сүт беріп өсірген , ол да сенің анашың. 
Тіл алмасаң кешірген , ол да сенің анашың, 
Мәпелеген баласын, аман болсын анашым! 
Асыл:
Ата-анаға еркелеп, 
Ортасында өстік біз. 
Жақсы оқып, қуантып, 
Бестік күнде алдық біз.... 
Зұмрат:
Әліппені бітірдім, 
Әріптерді танимын. 
Мен атаның баласы, 
Мен оқушы баламын.... 
Зарина:
Ата келші тезірек, 
Ана тілін бастадым. 
Өзіңе айтар тағы да, 
Дайын менің тақпағым..... 
Балалар хормен: 
-Ата-анаға мың рахмет! 
Мұғалім.

Осымен «Рахмет,саған Әліппем» атты ертеңгілігімізді аяқтаймыз. Көңіл аударғандарыңызға рахмет!