Рәміздер ұлтымның мақтанышы

Қазақстан Туымен-тұғырлы, Елтаңбасымен-еңселі, Әнұранымен-айбатты. Бүгінде осы құндылықтармызға 25 жыл толып отыр.Бұл айрықша маңызды оқиға тарихта төрінде қалары шындық. Тәуелсіз мемлекеттің ширек ғасырдағы тағы бір қуанышы жайлы мен де толғап көрейін.

Жас мемлекеттің тарих сахнасына жарқ етіп шығып, еңсесін көтергенен кейінгі міндеттерінің бірі, өзінің рәміздерін қабылдау болатын. Біздің де қастерлі рәміздеріміз халықтың шын жүрегінен туып, барлық өмірінен орын алған аса маңызды құндылықтар.

Бұл туралы Елбасы жақсы пайымдаған, " бұл міндет білім берудің, мәдениет орындарының, қоғамдық ұйымдардың, бұқаралық ақпарат құралдарының барлық жүйесіне, әрбір отбасына қатысты. Ал оны елдің Туын, Елтаңбасын, Әнұранын қастерлеуден заңды өкіметті құрметтеуге тәрбиелеуден бастау керек, Әрбір адам кезінен: Қазақстан-менің Отаным, оның мен үшін жауапты екені сияқты, мен де ол үшін жауаптымын деген қарапайым ойды бойына сіңіріп өсетіндей еткен жөн"-дейді.

Президент Н.Ә.Назарбаев 1 жылы 4 маусым күні "ҚР Мемлекеттік туы туралы, "ҚР Мемлекеттік елтаңбасы туралы", "ҚР Мемлекеттік әнұранының музыкалық редакциясы туралы" тарихи заңдарға қол қойған болатын. Біздің Мемлекетіміздің рәміздері 1 жылы 4маусымда қабылданды. Содан бері 25 жыл ширек ғасыр уақытта рәміздерімізге деген құрмет одан сайын биіктей түсуде.

Қазақ елінің әрбір азаматы осы рәміздерді қастерлеп, оған сеніммен қарап сақтауы қажет деген қағиданы біз жастар да санаға мықтап түйіп келеміз. Тудың, елтаңбаның, әнұранның өзіндік түсі, айрықша символдық бейнелері, қазақы дүниетанымы, халықтың арман мұраттарынан құралған болашақ сарыны жатыр.

Осы рәміздеріміз қашанда асқақтаған сайын, жастардың жүрегіне мақтаныш сезімі туады. Көк ту көтерілгенде көңілің көтеріліп, маңдайшадағы әнұранды көргенде масайрап, әнұран шырқағанда қалай іліесіп айтқаныңды өзің білмей қаласың. Бұл да Отанға елге, жерге деген мақтаныш сезімі деп білемін.

Елбасының " Болашаққа бағдар: Рухани жаңғыру" мақаласының өзегі де салт-сана мен ұлтқа қатысты аса маңызды құндылықтарды сақтап, саралап оларды дәріптеу емес пе еді. Ендеше, міне біздің кемел елдің руани болашығы.

Бұзылмасын ұйыған ұлттың қаймағы,

Елтаңбасы-еңсесі, әнұраны айбары.

Береке, бірлік халқымның асқақ қуаты,

Желбірей бер қазақтың көк байрағы!

Нұрболат Шакимардан Озерный ЖОББ қазақ тілі мұғалімі