Батыс Қазақстан облысы білім басқармасының мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинеті
«Робот техникасы» курсы(1-деңгей, 5, 6 және 7 сыныптарға жалпы білім беретін мектеп оқушыларына арналған )
2018-2019 оқу жылыБатыс Қазақстан білім басқармасының мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің сараптама кеңесінде қаралып, облыс педагогтарына таратуға ұсынылды. Хаттама №4. 12.12.2016ж
Құрастырушылар: А.Т.Бакаев Тасқала аудандық білім бөлімінің физика және информатика пәні әдіскері О.Б.Адиева Достық жалпы орта білім беретін мектебінің информатика және физика пәні мұғалімі
Рецензия жазғандар: К.Б.Тапишев, Зеленов аудандық білім бөлімінің әдіскері Д.К.Абдрахманова, Мичурин ЖОББМ - балабақшасының жоғарғы санатты информатика пәнінің мұғалімі
БЕКІТЕМІН Мектеп директоры: Досмаилова Р.И.______________ « » _____2018ж
Тақырыбы: «Робототехника негіздері»
Пәні: Информатика
Сыныбы: 5 «А», 6 «А», 7 «А»
Пән мұғалімі: Сулейменова Ж.Ж.
2018-2019 Түсінік хатЕгеменді еліміздің бүгінгі таңдағы мақсаты – жан-жақты дамыған алдыңғы қатырлы елдермен теңесу, оған жетудің басты жолдарының бірі әлемдік білім кеңестігінен орына алу болып табылады. Бүгінде бүкіл әлемде ақпараттық қатынастық технологиялардың күн сайын қарқынды таралуы мен пайдаланылуы байқалуда. АКТ қарқынды дамуынан туындаған өзгерістер білім беру саласында да ерекше қарқын алуда.Елбасы Нұрсұлтан Назарбаев «Болашақта еңбек етіп, өмір сүретіндер бүгінгі мектеп оқушылары, мұғалім оларды қалай тәрбиелесе Қазақстан сол деңгейде болады. Сондықтан ұстазға жүктелетін міндеттер ауыр» деген болатын. Қазіргі заман мұғалімінен тек өз пәнінің терең білгірі болу емес, жаңа ақпараттық білім беру талап етілуде. Ол заман талабына сай білім беруде жаңалыққа жаны құмар, шығармашылықпен жұмыс істеп, оқу мен тәрбие ісіне еніп, оқытудың жаңа технологиясын шебер меңгерген жан болғанда ғана білігі мен білімі жоғары жетекші тұлға ретінде ұлағатты саналады.Қазіргі таңда әлемдік ақпараттық білім кеңістігінің тиімді жолы - білім беру саласын толықтай ақпараттандыру. Қазақстан Республикасының «Білім беру» Заңында білім беру жүйесін ақпараттандыру осы саладағы мемлекеттік саясат негізінде анықталып, осы жүйедегі басты міндеттердің біріне айналып отыр. «Қазақстан-2050» стратегиялық бағдарламасы білім берудің ұлттық моделінің қалыптасуымен және Қазақстанның білім беру жүйесін әлемдік білім беру кеңістігіне кіріктірумен сипатталады.Соның негізгісі – робот. Роботтар — қарқынды дамып келе жатқан болашақтың жоғарғы технологияларының бірі. Қазіргі кезде роботтар өміріміздің көптеген саласына, атап айтқанда, ғарышты игеру, денсаулық сақтау, өндіріс, қоғамдық қауіпсіздікті қамтамасыз ету, қорғаныс ісі және басқа да салаларға еніп үлгерді. Қазақстан Республикасында өнеркәсіптің жеделдетіле индустрияландырылуы, жаңа технологиялардың қарқынды дамуы өскелең ұрпақты жоғарғы білікті техникалық сала мамандары ретінде даярлауды талап етеді. Жалпы білім беретін мектеп оқушыларына арналған «Робот техникасы» курсы 1-деңгейінің бағдарламасында бір оқу жылына арналған сабақ жоспарлары (34сағат, аптасына 1 сағат), сабақ жоспарына қосымша презентация, практикалық жұмыстар, тапсырмалар тіркелген.Оқушылар аталған курс аясында жаратылыстану-ғылыми бағыттағы математика, физика, информатика және т.б. пәндер бойынша алған білімі мен дағдыларын кіріктіре отырып, робот техникасы, инженерлік дизайн және технология негіздерін зерттейді. Практикалық жобаларды орындау принципіне негізделіп құрастырылған курста робот техникасы және инженерлік жүйелерді жобалау саласы бойынша білім негіздері мен дағдылары меңгертіледі. Оқушылар курс барысында әртүрлі есептерді шығару үшін роботтардың үлгілерін әзірлейді, оларды жасау техникасын бағдарламалайды және роботтар құрастырады. Курстың теориялық материалдары практикалық бөлігімен сәйкестендірілген. Оқушылар 2 немесе 3 адамнан тұратын топта жұмыс жасап, күрделі роботтарды жинақтайды және тестілеуден өткізеді. Курс жұмысы роботтар жарысымен аяқталады. Курс барысында білім алушылардың инженерлiк, конструкторлық, шығармашылық қабілеті мен әлеуетін арттыруға мүмкіндік беретін алдыңғы деңгейлі LEGO® MINDSTORMS® EV3 оқу конструкторлары пайдаланылады. Осы бағдарлама бойынша білім алған оқушылардың жаңа технологияларды жобалау ісіне қызығушылығы артып, жоғары оқу орны деңгейіндегі іргелі ғылым және инженерия саласында білімін жетілдіруге дайын болады деп болжанып отыр.
ҚР Білім және Ғылым министірлігінің стандартымен жасалған
29 Қараша 2018
1057
1 рет жүктелген
