Рухани жаңғыру – дамудың кілті

Рухани жаңғыру – дамудың кілті

Президентіміз Н.Ә.Назарбаев мемлекетіміз бен халқымыздың қайта түлеп, қайта жаңғыру барысына үлкен жолдау жасап, алға көптеген мақсаттарды міндет етіп отыр. Бұл міндеттерді орындау барысында, ұлағатты ұстаздардың тарапынан қандай қадамдар болмақ?! Осы жайытты, мен Мырзабайқызы Жаннұр, Ақмола облысы, Есіл қаласының №7 Агротехникалық колледжінің қазақ тілі пәнінің оқытушысы ретінде – ұстаздық жолымның алғашқы еңбек жолына бағдар етіп көрсеткім келеді. Рухани жаңғыру.....Бұл тіркесті ұстаздар қалай қабыл алдық?! Бұл ұғым президентіміздің жолдауымен келген жоқ, бұл тарихымызбен бірге келе жатқан ұғым. Онда неге қазір ғана бағдарлама етіп қойылып отыр? Соңғы көрсетілген сұрақ – шәкірттерімнің тарапынан туып отыр. Жауап былай көрсетілді: Рухани жаңғыру қай кезеңде болмасын әр адам санасында қалыптасып отыруы қажет. Кез келген бірлескен дүниелер – жеке деген ұғымнан бастау алады. Яғни, әр адам рухани жаңғыруды өзінен бастаса, рухани жаңғыру – рухани дамуға айналмақ. Ал рухани дамудың жемісі – дамыған ең үздік мемлекеттердің қатарынан көріну. Қазақ тіліндегі морфолгияның тілімен жеткізер болсақ , рухани жаңғыру етістігін рухани жаңғырған сын есіміне айналдырып, болашаққа деген әр бағдарымызды айқындап отыру. Бұл орайда ең үлкен қызмет санаға жүктелмек. Сана – біздің ойлау қабілетіміздің толық сипаты. Ал, сол сипаттың сұлулануы – білім, ғылым және талаптылықтың тереңі ғана..Сондықтан санамыз әрқашан ісімізден озып тұруы қажет. Әрекетімізді сол сұлу санамыз басқарып, басекелестікке деген қабілет артуы шарт. Шәкірттеріме бұл сұрақтың жауабын, Абай атамыздың көрсетіп кеткен бес асыл ісімен қайтарып, сол іске асық болуларын сұрадым десем артық болмас.......... Талап, еңбек, терең ой, қанағат, рақым ойлап қой!

02.11. 2017жыл