Мерзімі:

9-қазан, 2019 жыл

7 «А» сынып жетекшісі:

Э.Т Шенгельбаева

Тақырыбы:

РУХАНИ КЕЛІСІМ КҮНІ

Мақсаты:

Оқушыларды басқа ұлт өкілдерінің мәдениетін,

әдет – ғұрпын, дінін сыйлауға баулу

Күтілетін нәтижелер:

• Оқушылар топта идеяларымен бөлісе отырып бірлесіп жұмыс жасауға үйренеді

• Барлық оқушылардың пікірін тыңдай отырып, бір-біріне қолдау көрсетуді үйренеді

• Оқушылар басқа ұлттардың мәдениетін, әдет-ғұрпын сыйлауға үйренеді

Өткізу формасы:

Түсіндіру, видеокөрсетілім, сұрақ-жауап, топтық жұмыс

Ресурстар:

видеокөрсетілім, интерактивті тақта, слайд, эпиграфтар, тақырыбы, суреттер, слайд.

Әдістер:

«Тілектер» сергіту сәті, «Сөйлемді жалғастыр...» (кері байланыс)

Сабақтың өту барысы

Мұғалімнің іс-әрекеті

Тыңдаушылардың іс-әрекеті

Кіріспе

Сабақтың тақырыбы, мақсатымен таныстырады

Психологиялық жағымды ахуал қалыптастыру

«Тілектер» сергіту сәті (әрбір қатысушы тілегін білдіреді.)

Сыныпта жағымды психологиялық ахуал қалыптасады.

Топқа бөлу

Сыныпты үш топқа бөлу (татулық, бірлік, келісім)

Әр топ өз тобының тақырыбын ашу керек. Пікірталас алаңын құру.

Топқа бөлінеді

Түсіндіру, ой қозғау

1992 жылдың 18 қазан күні Қазақстан Республикасының Президенті Нұрсұлтан Назарбаевтың бастамасымен Алматыда Бірінші Бүкіләлемдік Рухани Келісім Конгресі өтті. Сол күні съездің қатысушылары 18 қазан күнін Рухани келісім күні деп жариялауға шақырған манифест қабылдады. Тәуелсіздіктің алғашқы жылдарынан бері бұл мереке адамгершіліктің, толеранттылықтың және түсінушіліктің символы ретінде және жақыныңа қайырымдылық жасап, көмек көрсету күні болып жыл сайын атап өтіледі.

Елбасының «Болашаққа бағдар: рухани жаңғыру» бағдарламасында да ұлтаралық татулықты нығайта түсуге, ұлттың бірегейлігін, мәртебесін сақтауға ерекше көңіл бөлінген. Ұлттық жаңғыру дегеніміз – ұлттық санамен тығыз байланысты. Оның түпкі мақсаты – ұлттық бірегейлікті сақтап, ел ішінде бейбітшілік пен келісім үйлесе отырып, ұлттық береке, бірлік салтанат құрған бәсекеге қабілетті, табысты ел болу.

Рухани келісім күні - татулықтың бастауы. 1992 жылдан бері мерекеленетін атаулы күннің маңызы зор. Өйткені 17 конфессия мен 140 ұлт өкілі тұратын еліміз үшін рухани келісім, тұрақтылық пен татулықтың орны бөлек. Рухани келісім күні - қақтығыстар мен жанжалдарға тоқтам салу күні, татулық іздеу күні, жақынға қайырымдылық және көмек күні. Осымен 27-шы рет елімізде аталып өтіп отырған бұл күн негізінен тәуелсіз Қазақстанның алғашқы белгілеген мерекесі.

2003 жылы – І Съезд

2006 жылы – ІІ Съезд

2009 жылы – ІІІ Съезд

2012 жылы – ІV Съезд

өтіп оған буддизм, индуизм, ислам, проваслав, католик, протестант, конфуций және басқа да дін өкілдері үн қатты

Тақырыппен танысады, сұрақтарға жауап береді.

Жаңа ақпараттар

Миға шабуыл

«Рухани келісім күні» видеокөрсетілім көрсету.

https://www.youtube.com/watch?v=BTGhTLZP8d8

Интерактивті тақтадан видеокөрсетілім көргеннен кейін өз пікірлерін айтқызу. Ал, балалар, бейнежазбадан не ой түйдіңдер

Тақтадағы суреттер туралы ойларың?

Бейбітшілік пен келісім сарайы туралы кім айтып береді?

Жаңа ақпараттар алады. Өз ойларымен бөліседі

Сұрақтарға жауап береді

«Менің түсінгенім...» (топтық жұмыс)

Әр топ тақырыптарын ашады. Постер құрастырады. Қорытындылайды

Топтар өз жұмыстарын салып, сол туралы қысқаша түсінік береді, жұмыстарын қорғайды

Кері байланыс

«Сөйлемді жалғастыр...» әдісі арқылы оқушылардан кері байланыс алу.

Менің бүгінгі тәрбие сағатынан түсінгенім...

Менің ойымша...

Оқушылар кері байланыс береді

Қорытынды

«Ұлттардың қасиеті ұлт тілінде, дінінде, тарихы мен мәдениетінде, салт – дәстүрінде, олар жоғалса, ұлт – ұлт болудан қалады»

Б. Момышұлы

Рухани келісім күні

баршамызды ұлтқа

және діни наным – сенімге қарамастан, қоғамдағы тұрақтылық пен келісім үшін біріктіреді

Мен қорытындыласам...

Оқушылар сабақта алған әсерлерімен, ойларымен бөліседі