САбақ жоспары 2 сынып Бұлар кімдер

Сабақтың тақырыбы: Бұлар кімдер? Олар қандай?

Сабақтың мақсаты:

Білімділік: Оқушылардың сөйлеу қабілетін оқылым, тыңдалым, жазылым әрекеттері арқылы жетілдіру. Әрі оқушының білім сапасын жеке-жеке бақылау және арттыру.

Тәрбиелік: Үлкенге ізет, құрмет, сүйіспеншілік, қамқорлық сезімдерін қалыптастыру. Мәдениеттілікке, кішіпейілдікке тәрбиелеу.

Дамытушылық: Оқушыларға ІІІ жақта сөйлеу дағдысын қалыптастыру. Байланыстырып сөйлеу дағдысын жетілдіру. Берілген материалдарды өмірдегі жағдаяттармен салыстыра отырып, тілдесім әрекетін жандандыру.

Сабақтың барысы:

І. Ұйымдастыру кезеңі.

ІІ. Үй жұмысын тексеру.

ІІІ. Жаңа сабақ.

1. 1-тапсырма. Тапсырмадағы «Бұлар кімдер?» атты сұраққа қосымша көмекке берілген сөздер арқылы «Мынау – Айдардың атасы» деп үйретіп, ІІІ жақта сөйлеу дағдысын қалыптастыру мақсатында жұмыс жасау.

2. Тақырыпты жалғастырып бекіту мақсатында 2-тапсырмадағы сұрақ-жауап бойынша жұптық жұмыс өткізу.

3. Айтылым әрекетін жандандыру үшін 3-тапсырманы орындату.

4. Ойын ұйымдастыру.

5. Жазылым әрекетін 4-тапсырма бойынша жүргізу. Кім? не? сұрақтарына жауап беретін сөздерді екі қатарға бөліп жазғызу.

6. Сергіту сәтіне берілген өлеңді бірнеше рет оқытып, хормен қайталатып, қимылдармен соңында орындату.

ІV. Сабақты қорытындылау:

- сұрақ-жауап жүргізу;

- зат есімнің сұрақтарын бекіту үшін практикалық жұмыс жүргізу. Сыныптағы оқушылардың және мұғалімнің есімдерін атап және сынып мүліктерін көрсетіп жауап алу.

V. Үйге тапсырма.