Сабақ жоспары 6 сынып

Ұзақ мерзімді жоспардың

тарауы: 7-бөлім

Спорт. Белгілі спорт жұлдыздары.

Мектеп: «Құмаш Нұрғалиев атындағы гимназия» КММ

Күні: 20.04.2018

Мұғалімнің аты-жөні:

Нургалиева Арай Кинаятовна

Сынып: 6 «А»

Қатысқандар:

Қатыспағандар:

Сабақтың тақырыбы:

Бокс саңлақтары. Бокс профессоры.

Осы сабақта қол жеткізілетін оқу мақсаттары (оқу бағдарламасына сілтеме)

6.Т/А.3. Тыңдалған мәтіннің мазмұнын түсіну, детальді ақпаратты анықтау

6.ӘТН.4.2. Етістіктің етіс түрлері мен салт, сабақты етістіктердің тіркесімдік мүмкіндігін ауызша және жазбаша тілдесім барысында қолдану

Сабақтың мақсаты

Барлық оқушылар орындай алады:

«Бокс профессоры» мәтінін тыңдайды, мазмұнын түсінеді, сұрақ қою арқылы нақты ақпараттарды табады. Ауызша және жазбаша тілдесім барысында етістіктің етіс түрлері мен салт, сабақты етістіктердің тіркесімдік мүмкіндігін қолданады.

Оқушылардың көпшілігі орындай алады:

Сұрақтар арқылы мәтіндегі детальді ақпараттарды саралайды.

Мәтіннен етістіктің етіс түрлері мен салт, сабақты етістіктердің тіркесімдік мүмкіндігін ауызша және жазбаша тілдесім барысында қолдана отырып, өз ойларын білдіреді, кестені толтырады.

Кейбір оқушылар орындай алады:

Мәтіндегі ақпаратты және етістіктің етіс түрлері мен салт, сабақты етістіктерді, арнайы терминдер мен тірек сөздерді пайдалана отырып, репортаж жүргізеді, өлең жазады.

Бағалау критерийі

Мәтін мазмұнын түсінеді, сұрақ қою арқылы нақты ақпараттарды анықтайды.

Мәтін ішінен етіс түрлерін табады

Салт, сабақты етістіктерді қолдана отырып, өз ойларын білдіреді.

Мәтіндегі ақпаратты және етістіктің етіс түрлері мен салт, сабақты етістіктерді, арнайы терминдер мен тірек сөздерді пайдалана отырып, спорттық репортаж жүргізеді, өлең жазады.

Тілдік мақсаттар

Оқушылар орындай алады:

Мәтін мазмұнымен танысады, ақпараттарды анықтайды.

Ақпараттарды саралай отырып, ойларын тұжырымдап жеткізеді.

Ақпараттарды пайдалана отырып, спорттық репортаж жүргізеді, өлең жазады.

Пәнге қатысты сөздік қор мен терминдер: ринг, раунд, алдыңғы қол, кук, оперкод, джеп, тренер, чемпион, кәсіпқой бокс, қолғап, нокаут, нокдаун, капа.

Диалогтер мен жазу үшін қолданылатын тіркестер:

Қапталдан тиген соққы, көзінің оты жарқ етті, спорт сарайы, спортшының ерік күші, жай оғындай жамыраған жұдырық, қарсыластың ашық тұстары, Бил Баркер кубогы.

Мәтін құруға арналған пайдалы тіркестер:

Соққыны байқамай қалды, қолын еденге тіреп отыра қалды, Серік Қонақбаев түсінді, есін жиып алды, рингте айшықты із қалдырды, теңселіп кеткенін сезінді.

Талқылауға арналған сұрақтар:

1.Серік Қонақбаев кім?

2.Серік Қонақбаевтың қандай спорттағы жетістіктерін білесіңдер?

3. Мәтінде кіммен бокстасқаны туралы жазылған?

4. Қапыда соққы алғанда қандай күйде болды?

5.Серіктің жеңіске жетуіне не себеп болды?

6. Серікті неге «Бокс профессоры»деп атады?

Құндылықтарға баулу

3. «Зайырлы қоғам және жоғарғы руханият» құндылығы негізінде қазақтың еркін ойлы, рухы мықты, білімді, дені сау, шығармашыл ұрпағын тәрбиелеу.

Пәнаралық байланыс

Қазақ әдебиеті, дене шынықтыру

Тақырып бойынша алдыңғы білім

Танымал боксшыларды біледі.

Етістіктің етіс формаларын, салт, сабақты етістіктерді біледі.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың

Басы(5 мин)

2 минут

2 минут

1 минут

Ұйымдастыру кезеңі.

Психологиялық ахуал

«Былғары қолғап түйістіру» (оқушылар шеңберде тұрып, көзбен, жұдырықпен амандасады, құшақтасып арқаларынан қағады).

Топқа бөлу: «Қазақ боксерлері» әдісі.

Бокс қолғабының суреті бейнеленген фигуралардың екінші бетінде жазылған боксшылардың есімдерімен кездейсоқ 3 топқа бөлінеді.

1-топ Генадий Головкин 2-топ Назым Қызайбай

3-топ Серік Сәпиев

Үй тапсырмасын сұрау.

«Соққы-қорғаныс» әдісі (сұрақ-жауап)

Т.Ж. 1 - тапсырма

Әр топ атақты спорт жұлдыздары мәтіні бойынша сұрақтар дайындаңдар, қарсылас топ сұрақтарға жауап беріңдер.

Дескриптор:

- әр топ қарсылас топ спикеріне 3 сұрақтан дайындайды;

- топ спикері сұрақтарға жауап береді.

Қ.Б. «От шашу» әдісімен бағаланады. Оқушы бағалауы (эмоционалды аспект).

Миға шабуыл: «Кинометафора» әдісі «Қазақ боксы» туралы бейнебаян көрсетіледі.

Сабақтың тақырыбын болжау.

1. Бейнебаян не туралы?

2. Бейнебаянға қандай спорт түрі негіз болған?

3. Қандай боксшыларды атар едіңдер?

https://egemen.kz/article/

https://youtu.be/NrnBHil10C4

Сабақтың ортасы

30 минут

1) 8 минут

8 минут

8 минут

6 мин

Сабақтың

Соңы 5 мин

2 минут

1 минут

2 минут

2-тапсырма: Ж.\Т.Ж.

А) «Тренер кеңесі» әдісі арқылы 3 топқа «Бокс профессоры» мәтіні 3 бөлікке бөлініп беріледі. Белгілі уақыт аралығында топ өз бөлігін меңгереді. Топтан 1 тренер мәтіннің өздеріне берілген бөлігін келесі топтарға барып, түсіндіреді.

-Берілген мәтіннің үзіндісін мұқият оқыңдар.

-Топ ішінде мәтіннің бөлігін талқылаңдар.

.-Топ мүшелері үш сұрақ дайындаңдар.

Дескриптор:

- топ ішінде мәтін бөлігін оқиды;

- топ ішінде талқылайды;

- Екінші топқа түсіндіреді;

- топ 3 сұрақтан дайындайды;

- топ боксері сұраққа жауап береді.

«Бокс профессоры»

Еліміздің төрт, Еуропаның екі дүркін чемпионы, әлем кубогының екі мәрте жеңімпазы, Москвадағы он екінші олипиада ойындарының күміс жүлдегері Серік Қонақбаев рингте өзіні ғана тән айшықты із қалдырды.

Әдетте күшті мен күшті кездескенде ғана көп нәрсе тайға таңба басқандай анық болып шыға келеді. Әншейінде ара қашықтықты жақсы ұстанатын сезімтал Серік қас пен көздің арасында Агиллардың сол қапталдан тиген соққысын байқамай қалды.Жұдырығының дәл тигенін білген кубалық қуаныштан масайрап, айнала бергенде, көзінің оты жарқ еткен Серік екі қолын еденге тіреп отыра кеткен еді. Көзінің алды бұлдырап, спорт сарайының зәулім төбесі айналып бара жатқандай болды. Шу ете түскен жанкүйерлер мұхиттың он балдық дүлей толқынында шайқалған алып кеменің жолаушыларындай теңселіп кеткендей сезінді. Төреші Думитру сегіз санағанда барып, Серік енді кешігуге болмайтынын түсінді де, есін жиып ала қойды. Қалған екі раундта Серік бар күш-қуатты тек жеңіс үшін қалай жұмсауға болатынын, спортшының бойындағы ерік-күші дегеннің қандай құдірет екендігінің тағылымын көрсетті деуге болады. Жай оғындай зымыраған жұдырық қарсыласының ашық тұстарын дәл тауып, төпелеп жатты. Екпіні су сепкендей басылған кубалық боксшы көмбе басына жақындағанда, ағын әлтек-тәлтек басып, жүрісінен жаңыла бастады.

Бокс федерациясының төрағасы Дональц Халл:

• Бұл жолы Бил Баркердің кубогын Қонақбаев алып қалар, өзін «бокстың профессоры» ма деп қалдым,- деген еді.Кеңес боксшысының қимылына сілтідей тынып қалған көмекшісі:

• Өрімдей жас жігіт, шынында да «бокс профессоры»,- екен. Осыншама өнерді қай жерде жүріп үйренген, -деп таңырқады.

Ө.Жолымбетов.

Қ.Б. «Марапат» тәсілі. Мұғалім бағалауы (жақсы жауап берген оқушылар медальмен марапатталады, эмоционалды аспект).

3- тапсырма Ж.Ж.

«Спорт тілшісі» әдісі арқылы әр топ:

- 1-топ С.Қонақбаевтің қарсыласынан соққы алған сәттегі күйін етістіктің өздік және ырықсыз етістерін қатыстыра отырып, сипатта;

- 2-топ С.Қонақбаевтің қарсыласынан соққы алған сәттегі күйін етістіктің өзгелік және ортақ етістерін қатыстыра отырып суретте;

- 3-топ С.Қонақбаевтің қарсыласынан соққы алған сәттегі күйін салт және сабақты етістіктерді қатыстыра отырып баянда;

(«Арқадағы стикер» тәсілі арқылы тілші рөліндегі оқушы анықталады, сол оқушы әр топ тапсырмасын тілші ретінде сұрайды).

Дескриптор:

- мәтіннен негізгі ақпаратты таңдайды

- мәтін үзіндісін талқылайды

-әр топ өздеріне берілген тапсырманы топпен орындайды;

- тілші әр топқа барып, сұқбат жүргізеді.

Қ.Б «Үздік сұқбат». Өзара бағалау (оқушылар саралап, үздік жұмысты анықтайды, танымдық аспект).

4-тапсырма: Т.Ж.

«Жеңіс қадамдары» әдісі бойынша топтарға :

• Бүгінгі таңда С.Қонақбаевтің ізбасарлары кім деп ойлайсыңдар? – деген ортақ сауал туралы ойлан;

• Өздері білетін боксшы туралы ақпарат жинақта;

• «Үш жазба күнделігі» кестесін толтыр.

«Үш жазба күнделігі»

Дескриптор:

• берілген тапсырманы топ ішінде талқылайды;

• «Үш жазба күнделігін» толтырады;

• Топ жұмысын қорғайды.

Қ.Б: «Жеңімпаз кубоктары». Мұғалімнің бағалауы (үш түрлі кубокпен марапатталады, танымдық аспект).

5-тапсырма. Ж.

«Чемпиондар шеруі» әдісімен келесі тапсырмаларды орында:

• «Чемпион болу үшін қандай қасиеттер керек?» деген ортақ сауалға жауап бер.

• «Чемпион» сөзіне «Синквейн» құра;

• Чемпионға арнап өлең құра.

Дескриптор:

• оқушылар өз ойларын жинақтайды;

• сұраққа жауап береді;

• өлең жазады.

770 ₸ - Сатып алу

Материал ұнаса әріптестеріңізбен бөлісіңіз

Ватсапта бөлісу Телеграммда бөлісу Фейсбукта бөлісу Сілтемені көшіру

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Тізімді көру

Материал іздеу

Сіз үшін 400 000 ұстаздардың еңбегі мен тәжірибесін біріктіріп, ең үлкен материалдар базасын жасадық. Төменде пәніңізді белгілеп, керек материалды алып сабағыңызға қолдана аласыз

Барлығы 663 959 материал жиналған

Пән

• Жүктелуде...

Бағыт

• Жүктелуде...

Сынып

• Жүктелуде...

Іздеу

Ұқсас материалдар

Дайын ҚМЖ. Барлық пәндерден 2024-2025 оқу жылына, жаңа бұйрыққа сай жасалған

Сертификатталған тренер жасаған

01.01.2023

17 863

13 694

ҚР Білім және Ғылым министірлігінің стандарты бойынша жасалған.

Барлық пәндер

Барлық материалдар

Барлық сыныптар

Қазақ тілі пәні бойынша барлық материалдарды көру

Аттестацияда (ПББ) 100% келетін
тақырыптармен дайындаймыз

Аттестацияда (ПББ) келетін тақырыптар бойынша жасалған тесттермен дайындалып, бізбен бірге тестілеуден оңай өтесіз

Өткен жылы бізбен дайындалған ұстаздар 50/50 жинап рекорд жасады

Толығырақ