Іс-әрекет кезеңдері

Тәрбиешінің іс-әрекеті

Балалардың іс-әрекеті

Себепті қызығушылығын ояту кезеңі

-Сәлеметсіңдер ме, балалар.

Шаттық шеңбер:
Достармен бірге жүгіреміз,
бірге ойнап – күлеміз.
Қиындықта қиналмай,
барлығымыз бірге жеңеміз

Ғажайып сәт:

Осы кезде аққала кіріп келіп,
балалармен амандасады.
- Сәлеметсіңдер ме, балалар, сіздер бір - бірлерімен дос екенсіңдер. Ал менде ешқандай өзім сияқты дос жоқ.
- Сен ренжіме аққала, біздің балалар саған дос болады. Солай емес пе балалар?
-Балалар, олай болса аққалаға ермексаздан өзіне ұқсас дос мүсіндеп берейік.

-Сәлеметсіз бе!

Балалар шаттық шеңберін шеңбер құрып қимылмен орындайды.

Балалар аққалаға назар аударады.

-Сәлеметсіз бе, аққала.

- Иә, дос боламыз.

-Мүсіндеп көрейік.

Ұйымдас-тырушылық ізденіс кезеңі

-Алдымен балалар, мына суретке назар аударамыз.

-Аққаланың түсі ақ, өйткені ол қардан жасалған.

-Қараңдаршы, балалар, біздің аққаланың басы домалақ.

Мынау- кеудесі, іші.

Ал бұл- сұлбасы, ол жері үлкендеу.

-Ермексаздан аққаланың домалақ денесін жасау үшін балалар, алақанымызбен ермексазды домалақтап шар жасаймыз.

Билингвальды компонент: аққала-снеговик-snowman, қар-снег-snow,

сәбіз-морковь-carrot,

Сергіту сәті:

Аппақ қарды уыстап,

алақанға салайық.

Оңға бір рет,

солға бір рет,

мойын бұрып алайық.

Домалақтап аппақ қармен,

біз аққала жасайық!

-Балалар, алдымыздағы үлгі суретке қарап, жұмысымызды бастаймыз.

-Балалар, аққаланың түсі қандай?

-Дұрыс айтасыңдар, қолымызға ақ ермексаздан бір кішкене кесегін аламыз –бұл біздің сомдайтын аққаланың басы болады. Енді кесекті алақанымызбен домалақтап, шар жасаймыз.

-Міне балалар, аққаланың басы дайын. (көрсету)

-Ал енді денесін дәл осылай, сәл үлкендеу етіп мүсіндеп, басы мен денесін бір-біріне жабыстырамыз.

-Қолдарын сомдау үшін, ақ түсті ермексаздың кішкене бөлшектері керек. Осы бөлшектерді де алақанымызбен домалақтап, екі жағына жабыстырып орналастырамыз. Ал мына түймелерден- көз, сәбіздерден мұрнын жасаймыз.

Аққала: -Ой, рахмет балалар, өте әдемі болып шықты.
- Балалар қане аққалаға тақпақ айтып берейік.

- Жарайсыңдар балалар!

Аққала:-Ал балалар , сендермен уақыт жылдам өтіп қалыпты. Далаға шығатын уақыт болып қалыпты, қайтуым керек.

-Балалар, бізден естелікке Аққалаға жасаған кішкентай аққаларымызды сыйға тартайық.

Аққала:-Балалар, сендерге көп рахмет! Келесі жылы кездескенше сау болыңдар!

Балалар суретке назар аударады.

-Аққала қардан жасалған.

Зейін қойып тыңдайды.

Екі қолдарымен ауада аққаланың бейнесін келтіреді.

Қайталайды: аққала-снеговик-snowman, қар-снег-snow,

сәбіз-морковь-carrot,

Балалар орындарынан тұрып, жерге еңкейіп қар алып, алақанға салып, қолдарыңдағы қарды домалақтай беріп, бойларын тік ұстап, мойындарын барынша соза қарайды.

-Аққаланың түсі ақ.

Балалар тәрбиешіні мұқият тыңдап, жұмысын бақылайды.

Балалар қолдарына ақ ермексаздың бір кішкене кесегін алып, аққаланың басын, денесін, қолдарын домалақ шар тәрізді мүсіндейді.

- Бір топ бала далада
Қардан соқты аққала
Мұрын сәбіз үп - үшкір
Көзі көмір қап - қара

-Иә, кішкентай аққаларымызды естелікке сақтап, біздерді есіңе алып , «Бәйтерек» тобына тағы да келіп тұр.

-Сау бол, аққала.

Іс-әрекеттің бағалау кезеңі

-Балалар біздерге бүгін қандай қонақ келді?

-Оның көңіл-күйі неге болған жоқ?

-Ал біз оған көмектесе алдық па?

Жарайсыңдар балалар. Рахмет сендерге.

-Аққала келді.

-Себебі, аққаланың өзіне ұқсас досы болған жоқ.

-Иә, біз оған өзіндей аққаланы ермексаздан мүсіндеп бердік.