Күні:28.01.2021ж

Білім беру саласы:Таным,қатынас, шығармашылық, әлеумет

Білім беру бөлімі:Сөйлеуді дамыту, математикалық ұғымдарды қалыптастыру, қоршаған ортамен танысу, құрастыру, сурет салу

Тақырыбы: «Жабайы жануарлардың қысқы тіршілігі»

Мақсаты:Жабайы жануралардың қысқы тіршілігі туралы түсініктерін кеңейту,өмір сүру жолдары туралы мағлұмат беру, табиғаттағы маусымдық өзгерістер жайлы білімдерін жетілдіру,тақырып бойынша сөздік қорларын молайту,балаларды аңдарды сипаттауға жаттықтыру. Шығармашылық жұмыстарға қызығушылықтарын арттыру.Жан-жануарларға қамқор болуға тәрбиелеу.

Билингвальды сыңары: жабайы жануарлар-дикие животные, аю-медведь, қасқыр-волк, қоян-заяц, түлкі-лиса.

Технологиялық қамтамасыз ету: АКТ технологиясы

Әдіс-тәсілі: Жануарлармен таныстыру, түсіндіру, миға шабу, ойындар, сұрақ-жауап

Шаттық шеңбері:

Аманбысың альтын күн!

Аманбысың көк аспан.

Аманбысың Жер-Ана

Аманбысың аппақ қыс.

-Сәлеметсіңдер ме , балалар!

-Сәлеметсіз бе, здравствуйте, good morning!

-Бір жылда неше мезгіл бар?

-Қазір жылдың қай мезгілі?

-Қыс мезгілінде неше ай бар?Атап беріңдерші.

-Қыс мезгілінде қандай ерекшеліктер болады?

-Сендерге қыс мезгілі ұнай ма?

-Қыста қандай ойындар ойнаймыз?

-Қыста табиғат демалады.Өсімдіктер көрпе жамылғандай қардың астына тығылады.Ал жан-жануарлардың қысқы тіршілігін білеміз бе?Ендеше бүгін біз жабайы жануарлардың қысқы тіршілігімен танысамыз.

Балалар, ал енді орнымызға отырмас бұрын 2 топқа бөлінінп алайық.Сендерге қасқырлар мен түлкілердің суреттері берілген. Осы суреттерді таңдау арқылы 2 топқа бөлінеміз.Қасқырдың суретін таңдаған балалар қызыл орындыққа, түлкінің суретін таңдаған балалар сары орындыққа жайғасамыз.Балалар енді әр дұрыс жауапқа бір-бір асықтан беріп отырамын.Оқу қызметінің соңында қай топта асық көп болса, сол топ жеңіске жетеді.

-Балалар мен сендермен ойын ойнағым келіп тұр. Ойын «Жасырын суреттер» деп аталады.Суреттерді қар басып, бізге көрінбей тұр.Қардан тазарту үшін жұмбақтарды шешу керек.

Жұмбақ:

Қорбаң-қорбаң етеді,

Орман оның мекені.

Тәтті балға тойып ап

Қысқы ұйқыға кетеді.

Бұл не? (Аю)

-Аю қыста апанында ұйықтайды.Ол жаз бойы жинаған майынан қорек алып, табанын жалап ұйықтайды. Аю-үлкен, маймақ, оның екі кішкентай құлағы және төрт аяғы бар. Балалар аю туралы тақпақ білеміз бе?

Ерқанат:

Томпаң-томпаң жүретін,

Аю үлкен жануар.

Балды жақсы көретін

Аю деген жануар.

-Өзі қу, жүрген жері айғай-шу.(Түлкі) Түлкі қыста апанында жатады.Мұрны иісті жақсы сезеді.Ол қар астындағы тышқандарды аулап жейді.Құстарды жейді.Олардың көздері қырағы, құлақтары сақ, жүні қалың әрі әдемі.

Айзере:

Түлкі деген қу ғой,
Жүрген жері шу ғой.

Жатып алып жағада

Іздегені ду ғой.

Жұмбақ:

Сылдырдан қорқады

Шошынып жортады.

(Қоян)

Қоян түні бойы жүгіріп қорек іздейді, ал күндіз бұта астына жасырынып демалады.Құрғақ шөптер мен ағаш қабығын жеп қоректенеді.

Құралай:

Ақ қоян-ау, ақ қоян

Ұзын құлақ сақ қоян.

Қаша берсең орманға

Қорқағым деп ат қоям.

-Сұр түсті,ақсиған көп тісті.Қасқыр қыста апанында өмір сүреді.Қасқыр әлі жететін аңдармен қоректенеді. Тістері үлкен, қорқынышты, сұр түсті.Балалар осы жануарлардың барлығын не деп атаймыз?

Сергіту сәті:

-Балалар, енді ортаға шығып жабайы жануарлардың жүрісін көрсетейікші.

Жабайы жануарлардың төлдері болатынын білеміз бе, балалар?Аналары баласына азық тасып жүріп адасып қалыпты. Екеуін табысбыру үшін мына тапсырманы орындайық.

«Табыстыру» ойыны

-Табыстырып болсақ, енді қасқырлар тобы жануарлардың төлдерін атап кетейік.Түлкілер тобы неше жануар, неше төл бар екенін санап, төлдерін атап өтейік.

Мнемокесте бойынша жұмыс

Шығармашылық жұмыс:

Түлкілер тобы түрлі-түсті қағаздан түлкінің бейнесін құрастырады.

Қасқырлар тобы батырма мен түрлі-түсті бояуды пайдалана отырып қасқырдың бейнесін бояп шығады.

Қорытынды: «Кубик»ойыны

Шарты:Кубикті жерге тастағанда қай жануардың суреті түссе сол жануар туралы сұрақ қойылады.

-Қоян бұтаның астында, ағаштың қабығымен қоректенеді.

-Елік тауда өмір сүреді.

-Жолбарыс тоғайда, орманда мекендейді.

Балаларды мақтап мадақтау, бағалау.