Сабақ жоспары "Кеңістікте, жазықтықта бағдарлау"

2-сабақ. Кеңістікте бағдарлау

Сабақ мақсаты: Балалардың кеңістік туралы түсініктерін дамыту, заттың кеңістікте орналасқан жерін көрсететін алдында, артында, арасында, қасында, ортасында, маңында, астында, үстінде, оң жақта, сол жақта және сөздермен таныстыру, «Қайда орналасқан?» деген сұраққа жауап бере отырып, заттың орналасқан жерін дөл сипаттауға үйрету.

Күтілетін нәтиже: - заттардың кеңістіктегі орнын анықтайды;

• алдында, артында, арасында, қасында, маңында, астында

үстінде, оң жақта, сол жақта сөздерін орынды қолданады.

Ұсынылатын әдіс тәсілдер:

Сабақты қызықты және көңілді бастау үшін КВЕСТ ойынын ойнауды ұсынамын. «Көңілді математика» елінен балаларға бір сандық келгенін, бірақ сандықты ашу үшін кілтті табу керектігін ескертесіз. Және бірінші хатты оқып беріңіз. Балалардың әр хаттың орналасқан жерін табуына бағыт беріп отырыңыз. Соңында кілтті табады және кілтпен сандықты бірге ашасыздар, сандықтан ойындар жазылған хатқалталар шығады. Кілтке дейін жасырынған хаттарда бөлмендегі заттардың орналастуына қарай алдында, артында, арасында, қасында, маңында, астында, үстінде, оң жақта, сол жақта сөздері болуы міндетті. Балалар кеңстік бағдарлап, хаттарды табуы керек.

1-шкафтың үстінде

Екі гүлдің арасында

Есіктің оң жағында

Тақтаның алдында

Қызыл кітаптың артында

Өздік жұмыс.

а

Күн дөңгелектің үстінде;

Жұлдыз күннің сол жағында;

Бұлт дөңгелектің сол жағында;

Үшбұрыш дөңгелектің астында;

Смайлик үшбұрыштың сол жағында;

Қосу смайликтің үстінде орналасқан.

ә) Балаларға көліктер суретімен парақ үлестіріледі. Оңға кетіп бара жатқан көліктерді қызыл қарындашпен, солға кетіп бара жатқан көліктерді көк қарындашпен қоршау керек.

Сабақты бекіту «Мен қайдамын?» ойыны. Мақсаты: кеңістікте бағдарлау қабілеттерін дамыту. Бала отырған орнын «алдында, артында, оң жағында, сол жағында» сөздерін қолданып айтып шығады: Мен Асылжанның артында, Алмастың алдында, Бауыржанның оң жағында, Айшаның сол жағында отырмын.

3-сабақ. Жазықтықта бағдарлау

Сабақ мақсаты: Балалардың жазықтықта бағдарлау дағдысын дамыту.

Қағаз бетінде оң жаққа, сол жаққа, жоғары, төмен, ортасы, жаны, асты, үсті сөздерін пайдаланып бағдарлауға жаттықтыру. Танымдық қабілеттерін жетілдіру.

Күтілетін нәтиже: -заттарды жазықтықта орналасуы бойынша анықтайды;

• берілген нұсқау бойынша заттарды жазықтықта орналастырады;

• оңға, солға, жоғары, төмен бағыттары бойынша графикалық диктант орындайды.

Ұсынылатын әдіс тәсілдер:

Сабақты «Ол жерде не жатыр?» ойынымен бастаймыз. Бірінші мұғалім сыныптағы бір заттың орналасқан жерін, оның қасиетін сипаттайды. Мысалы: бірінші сөренің үстінде, текшенің оң жағында дөңгелек зат жатыр, бұл не? Балалар оны табады. Дәл тапқан бала ортаға шығып өзі бір заттың орналасқан жерін, қасиетін сипаттайды. Ойын 5-6 айналымға дейін жалғасады.

«

Ортада үлкен шәйнек, оның оң жағында көгілдір кесе, сол жақта күлгін кесе тұр. Бірінші болып сол жақта піл тұр, оның артында маймыл, соңғы болып аю тұр.

Өздік жұмыс. Графикалық диктант беріледі. Балалар Сол жақтан 7 тор көз. Үстінен 5 тор көз қалдырып нүкте қояды. 2 тор көз оңға, 4 тор көз төмен, 1 тор көз оңға, 2 тор көз жоғары, 1 тор көз оңға, 1 тор көз жоғары, 4 тор көз оңға, 1 тор көз төмен, 1 тор көз оңға, 3 тор көз төмен, 1 тор көз солға, 1 тор көз төмен, 1 тор көз солға, 1 тор көз жоғары, 4 тор көз солға, 1 тор көз төмен, 1тор көз солға, 1 тор көз жоғары, 1 тор көз солға, 3 тор көз жоғары, 1 тор көз солға, 2 тор көз жоғары.

Сабақты бекіту. «Суретшілер» ойыны. Көрінісі аяқталмаған табиғаттың суреті тақтаға ілінеді. Балалар суретшіге көріністі аяқтауға көмектеседі. Төменде күн, өзен, шырша бейнеленген картиналар берілген. Балалар оларды орналастыра отырып, астында, үстінде, арасында, қасында, оң жақта, сол жақта және т.б. сөздерді қолданып, олардың суреттегі орнын атайды.