Сабақ:

Оқиғаларды өту кезеңіне қарай орналастыру

Мектеп: №49 жалпы орта мектеп

Күні: 13.01. 2018 ж

Мұғалімнің аты- жөні: Амирова.М

Сынып: 1 «В » сынып

Қатысқандар-26

Қатыспағандар-0

Осы сабақ арқылы жүзеге асатын оқу мақсаттары:

1.1.3.1* уақыт шамаларын ажырату; оларды өлшеу үшін өлшемдер мен құралдарды таңдау, өлшемдер жүргізу

1.1.3.2* өлшем бірліктерді (сағ) қолданып өлшеу

Сабақ мақсаты

Барлық оқушылар орындай алады

Уақыт бірліктері туралы түсініктері бар және оны қолдана алады.

Оқушылардың көпшілігі орындай алады

Уақыт аралықтарын біледі және уақытты бағдарлай алады.

Кейбір оқушылар орындай алады

Уақытты бағдарлап, шамалардың бірліктерін қолданып амалдар орындай алады.

Тілдік мақсат

Оқушылар игереді:

«Шама», «уақыт бірліктері» түсініктері қалыптасады.

Пәндік лексика және терминология:

Уақыт, бұрын, кейінірек, алғашында, сосын, таң, күн, кеш, түн.

Диалог/жазу үшін қажетті сөздер

Талқылау:

-Сендер туылғаннан бері қанша уақыт өтті?

- Біз «бір минут күте тұршы « деп айтамыз. Сендер қалай түсінесіңдер, қанша күту керек? Көп пе, әлде аз ба?

- Сендер қалай ойлайсыңдар , бір күнде 10 см – ге өсу мүмкін бе? Неге?

Алдыңғы оқу:

Бір таңбалы және екі таңбалы сандарды, сандар мен санды өрнектерді салыстыра білу. 100 көлемінде толық ондықтарды қосу және азайту.

Күтілетін нәтиже:

Оқиғалардың ұзақтығын негізге ала отырып, уақыт түсінігін жаңа өлшем ретінде енгізеді. Оқиғаларды ретімен орналастыра білуге жаттығады.

Жоспар

Жоспарланған уақыт есебі

Жоспарланған жаттығу түрлері

Ресурстар

Басы

5 минут

Ортасы

25 минут

Соңы

15 минут

Ширату.

Жұмбақ шешу

-Сырт – сырт етіп соғады,

Кеудесінде жүрегі.

Өзі тілсіз сөйлейді,

Өзі жансыз жүреді.

(сағат)

«Кіріспе тапсырма»

-Балалар, сағат арқылы нені біле аламыз?

- Уақытты білеміз.

Оқушылардың уақыт туралы қандай түсініктері бар екенін білу мақсатында сұрақтар қоямын:

-Таңертең сендер нешеде тұрасыңдар?

- Мұны сендер қайдан білесіңдер?

- Сен неше жастасың?

- Сендерге кейде аналарың «енді кеш» деп айтады. Сендер «кеш» деген сөзді қалай түсінесіңдер?

-Балалар , қалай ойлайсыңдар, біздің бүгінгі сабағымыз не туралы болуы мүмкін.

Оқушылардың жауаптарын тыңдап, қорытынды жасаймыз.

-Біз бүгін сендермен уақыт туралы сөйлесетін боламыз.

Уақыт – бұл шама. Біздің кез – келген іс - әрекетіміз үшін уақыт кетеді.

Мысалы: теледидардан бір мультфильмдерді ұзақ уақыт, ал кейбіреулерін қысқа уақытта көрсетеді.

-Сендер өз уақыттарыңның неге кететінін айта аласыңдар ма?

- Мектепке бару, сабақ оқу, ойнау, тамақтану, ұйықтау, т.б.

- Сендер қалай ойлайсыңдар, уақытты өлшеуге болады ма? Немен өлшейміз?

Оқушылардың мүмкін жауаптарын тыңдаймын.

-Қалай ойлайсыңдар, қайсысына уақыт көп кетеді? Көйлек тігу үшін бе? Әлде ағаш өсіру үшін бе?

«Алма қалай өседі?»

Тапсырманы жалпы сыныппен орындатамын.

Тапсырмаға кіріспе ретінде ойын ойнатамын.

-Машинаны жүргізу үшін алдымен не істейді?

- Тамақ ішер алдында не істеу керек?

- Сабақ біткеннен кейін алдымен қайда барамыз? т.б.

Оқушылардың назарын оқулықтағы иллюстрацияға аударамын.

Оқушыларға алма ағашының қалай өсетіні мен қалай жеміс беретіні туралы оқулықтағы суреттер бойынша әңгімелеп айтып беруді ұсынамын.

Әңгімелеу барысында алдымен, сонан соң, алғашында, бұрын, уақыт сөздерін қолдануларын қадағалаймын.

-Алма өсіру үшін аз уақыт кетеді ме, әлде көп уақыт кетеді ме?

Оқушылар өз ойларын айтып, дәлелдеп береді.

«Күн тәртібі»

Тапсырманы шағын топтарда орындатамын. Топтағы оқушыларға күн тәртібінің суреттерінің қима қағаздарын таратып беремін. Оқушылар топта талқылай отырып, суреттерді рет – ретімен орналастырып, баланың тәуліктің ір мезгілінде не істегені туралы әңгімелеп айтып берулері тиіс. Олар әңгімелеу барысында таңертең, күндіз, кеш, түн сөздерін қолданғандарын байқаймын.

«Сөздерді ретімен орналастыр»

Тапсырманы жұппен орындатамын. Жұптағы оқушыларға адамның өсу кезеңдері жазылған қима қағаздарды таратып беремін.

Мысалы: ересек адам, мектеп жасына дейінгі бала, егде адам, оқушы, нәресте.

Оқушылар адамның өсу кезеңдерінің ретімен орналастырулары тиіс.

Алғашында не болды? Кейінірек не болды?

Тапсырманы оқушылар өз беттерінше орындайды.

Оқушылар суреттердегі оқиғаларды сәйкес уақыттары бойынша ретімен нөмірлеп шығулары тиіс.

Дәптермен жұмыс

Кері байланыс:

-Балалар, бүгінгі сабақта сендерге не ұнады?

-Не үйрендіңдер?

Әр оқушыға өзінің өзіндік жұмысын бағалауды ұсынамын.

Сөздер тізбегін аяқта:

Мен_________түсіндім.

Мен енді_______ жасай аламын.

Менің қолымнан_______ келеді.

Менің .......................... білгім келеді

сағат

парақшалар

оқулықтағы иллюстрация

оқулықтағы иллюстрация

Дәптер

Қосымша мәліметтер

Саралау (Дифференциация) – оқушыларға мейлінше қолдау көрсетуді қалай жоспарлайсыз?

Қабілетті оқушыға тапсырманы қалайша түрлендіресіз?

Бағалау – оқушы білімін тексеруді қалай жоспарлайсыз?

Оқушылар сабақ соңында:

уақытты жаңа шама ретінде танып, ол туралы алғашқы түсінік қалыптастырады;

қандай да бір оқиғаның ұзақтығы туралы айту уақыт туралы сөз ету екенін түсінеді;

олар оқиғаларды өту кезеңіне қарай ретімен дұрыс қойып үйренеді.

Пәнаралық байланыс

математика,

жаратылыс-

тану,

көркем еңбек

Рефлексия:

1.Сабақтың оқу мақсаттары қолжетімді болды ма?

2.Бүгін оқушылар не үйренді?

3.Оқыту ортасы қандай болды?

4.Менің бөліп оқытқаным өз мәнінде жүзеге асты ма?

5. Мен өз уақытымды тиімді пайдалана алдым ба?

6.Мен жоспарыма қандай өзгерістер енгіздім және неліктен?