Ұйымдастырылған оқу қызметінің технологиялық картасы

Тәрбиеші: Танбаева Лаура Ароновна

Тобы: Мектепалды даярлық

Білім беру саласы: «Таным»

Бөлімі: Жаратылыстану

Тақырыбы: Қар қиыршықтары қандай?

Бағдарламалық мазмұны: Қар қиыршықтары мен қардың суға айналуы, тағы басқа қасиеттері туралы түсіндіру. Қыс мезгілінің ерекшеліктерін ажырата білуге үйрету. Ойлау, тыңдау, қабілеттерін дамыту, табиғатқа деген қызығушылықтарын арттыру. Табиғатты сүйе білуге тәрбиелеу.

Алдын-ала жүргізілетін жұмыстар: қар туралы толық түсінік беру.

Әдіс-тәсілдер: ғажайып сәт, жұмбақ шешу, тәжірибе жасау, ойындар, қорытынды.

Қажетті көрнекі құралдар: ақшақар, ұлпа қарлар, қар қиыршықтары, қыс мезгілінің суреттері, қағаздан жасалған әр түрлі ұлпа қарлар.

Билингвалдық компонент: Ақшақар – Снегурочка – Maiden, Аяз ата – Дед Мороз – Santa Claus.

Іс-әрекет кезеңдері	Тәрбиешінің іс-әрекеті	Балалардың іс-әрекеті
Себепті қызығушылығын ояту кезеңі	Шаттық шеңбері: Сен қандай сүйкімдісің! Сен қандай әдемісің! Сен қандай мейірімдісің! Сен менің досымсың! -Сәлеметсіз бе, балалар! Ғажайып сәт: Ақшақар Аяз атаның сәлемдемесін әкеліп, асығыс шығып кетеді. -Балалар, Ақшақардың тез кетіп қалуының себебі қандай екен? -Дұрыс айтасыңдар, Ақшақар жылы жерде ұзақ тұрса, еріп кетеді. -Аяз атаның қандай сәлемдеме беріп жібергенін білулерін үшін мен жасырған жұмбақтың шешімін табыңдар. Жұмбақ шешеміз Қыста ғана болады, Ұстасаң қолың тонады. (Қар)	-Сәлеметсіз бе! Ақшақарды қарсы алып, амандасып, сәлемдемені қабылдап алады. Өз ойларын ашық айтады. Жұмбақты шешеді.
Ұйымдас-тырушылық ізденіс кезеңі	Релаксация Қағаздан жасалған әр түрлі ұлпақарларды таратайын. -Ортаға шығып, қар қиыршықтарын алып, оң жаққа, сол жаққа бұрылып, ұлпақарлар болып ойнайық. -Ал, Аяз атаның сәлемдемесінде тағы да не бар екенін білу үшін жұмбақ жасырайын. Жұмбақ шешеміз Көлді жапқан қақпа. Сіресіп тұр қатты – ақ. (Мұз) -Қарайық, сәлемдеменің ішінен мұз бөлшектері бар екен. «Не болды, не өзгерді?» тәжірибесін жасау -Тәжірибеге назарымызды аударайық. Алдымен қарды қолға алып, оны қысамын да қар кесегіне айналдырамын. Содан ыдыстағы жылы суға салып, ерітемін. -Тәжірибеден нені байқадыңдар? Сергіту сәті: Қар жауады оң жақтан, Қар жауады сол жақтан. Қар лақтырып ойнасақ, Су болады қолғаптар. «Қар қиыршықтары қандай?» сөздік ойыны -Мен әрбіреуіне допты лақтырамын, ал сендер қарға қатысты сөздерді айтасыңдар, жарай ма?! -Ал, мұз бөлшектерін, қарды ауызға салуға бола ма? Неге? Дәптермен жұмыс Жұмыс дәптеріндегі тапсырмаларды орындату. Д/ойын: «Ұқсастығын тап» Шарты: қарды түсі ұқсайтын затпен қосуды ұсыну. Д/ойын: «Қар ұлпаларының жұбын тап» Шарты: суреттегі ұлпақарларды салыстырып, көлемі, түсі бірдейлерді тауып, бір – бірімен қосуды тапсыру. Билингвалды компонент: Ақшақар – Снегурочка – Maiden, Аяз ата – Дед Мороз – Santa Claus. Д/ойын: «Мұзда қалай ойнаймыз?» Мұз айдынында балалар ұқыпты ойнап жатыр; Балалар төбелесіп, бір – бірін итеріп жатыр -Екі суреттің қайсысы дұрыс?	Ұлпақарларды ұстап көреді. Әуен ырғағымен айналып билейді. Жұмбақты шешеді. Мұз бөлшектерін алып, ұстап көреді. Табақшаның ішіне қарайды, су пайда болғанын айтады. Сөздерін қайталлап, қимыл – қозғалыстар жасайды. Қарға қатысты сөздерді айтады. Дәптердегі тапсырмаларды орындайды. Түсі қарға ұқсайтын затты табады. Ұлпақарларды салыстырады. Қайталайды: Ақшақар – Снегурочка – Maiden, Аяз ата – Дед Мороз – Santa Claus. Суреттердегі балалардың дұрыс әрекеттерін табады, түсіндіреді.
Іс-әрекеттің бағалау кезеңі	Қорыту Д/ойын: «Қарама – қарсы» -Қар жұмсақ, мұз.... -Қар жеңіл, мұз.... -Ақшақарды топта қалдырмай, Аяз атаға жібергеніміз дұрыс болды ма? Неге? -Ақшақар сендерге жіпке тізілген әр түрлі қар қиыршықтарын тастап кетіпті. Серуенге шыққанда олармен сырғанақты безендірейік.	Мағынасы қарама – қарсы сөздерді тауып, айтады. Өз ойларын айтады. Ақшақарға рахметтерін айтады.

Күтілетін нәтиже:

Нені біледі: қар қиыршықтарын бақылап (мұз қатты, тайғанақ, жылы жерде жылдам ериді), шешім жасауды біледі.

Қандай түсініктерді игерді: табиғатқа қызығушылықпен қарауды игерді.

Меңгерген дағдылары мен іскерліктері: мұз айдынында, тайғақта қалай ойнау керектігін меңгерді.