Сабақ жоспары:"Жақсыдан үйрен, жаманнан жирен".

Пән: Қазақ тілі

Бөлім: 2. Жақсыдан үйрен, жаманнан жирен

Мектеп:

Мұғалімнің аты-жөні: Каирова К

Сабақ тақырыбы:

1-тоқсан жиынтық бағалауы (ТЖБ)

Күні:

Сынып: 3

Қатысқандар:

Қатыспағандар саны:

Осы сабақта қол жеткізілетін оқу мақсаттары (оқу бағдарламасына сілтеме)

3.1.1.1 Тыңдаған материал бойынша тірек сөздерді белгілеу, ашық және жабық сұрақтарға жауап беру

3.1.3.1 Түрлі жағдаяттағы (қоғамдық ортада) қатысымдық әрекеттерде өз сөзін жүйелі түрде жоспарлап, сөйлеу мәдениетін сақтап, диалогке қатысу

3.2.1.1* Тірек сөздер, көмекші сөздер арқылы мәтін түрлерін (әңгімелеу, сипаттау, пайымдау) және оның құрылымдық бөліктерін анықтау

3.2.3.1 Мәтін мазмұны бойынша пікір білдіруге бағытталған сұрақтар құрастыру және жауап беру

3.2.4.1 Өз бетінше мәтіннің тақырыбын және мұғалімнің көмегімен негізгі ойды анықтау

3.3.7.1 Қаратпа, қыстырма сөздерді ажырату және тыныс белгілерін дұрыс қою

Бағалау критерийлері

- Тыңдаған материал бойынша тірек сөздерді белгілеу, ашық және жабық сұрақтарға жауап беру

- Өз сөзін жүйелі түрде жоспарлап, сөйлеу мәдениетін сақтап, диалогке қатысу

- Тірек сөздер арқылы әңгімелеу мәтінін және оның құрылымдық бөліктерін анықтау

- Мәтін мазмұны бойынша пікір білдіруге бағытталған сұрақтар құрастыру және жауап беру

- Мәтіннің тақырыбын және негізгі ойды анықтау

- Қаратпа сөздерді ажырату және тыныс белгілерін дұрыс қою

Сөздік қор

Пәндік терминология мен тірек сөздер

Мәтін түрлері, негізгі ой, көмекші сөздер, пайымдау.

Сабақта диалог /жазу үшін пайдаланылатын тіл:

Құндылықтарды дарыту

Жауапкершілік, әділдікке баулу

Пәнаралық байланыстар

Әдебиеттік оқу, өзін-өзі тану

Алдыңғы меңгерілген білім

Мәтін, мәтін және оның түрлерінің сипаттамасын, құрылымдық ерекшеліктерін ажырата біледі.

Сабақ барысы

Сабақтың жоспарлан

ған кезеңдері

Сабақта жоспарланған іс-әрекет

Ресурстар

Сабақтың басы

5 мин

І. Ұйымдастыру кезеңі. Өтілген материалды қайталау.

Сабақ мақсатын хабарлау, бағалау критерийлерін таныстыру.

2-слайд

Сабақтың ортасы

20 минут

Тыңдалым және айтылым

1-тапсырма. 3.1.1.1

Нұрлыбек ұялас күшіктердің арасынан төсі аппақ күшікті таңдап асырады. Оған Ақтөс деп ат қойды. Бауырын жаңа көтерген күшік тәлтіректеп жүгіріп, тіпті шәуілдеп үретін. Нұрлыбектің күндегі ермегі осы күшік болды. Ол Нұрлыбекке әбден бауыр басып алып, қасынан бір елі қалмайтын. Есік алдындағы тауықтарды қуып, балаша ойнайтын еді. Нұрлыбек оған мәз болатын.

Сабақта апайы:

– Үйде жануардың суретін салып келіңдер, – деп тапсырма бергенде Нұрлыбектің есіне бірден күшігі түсті.

Үйге келе сала Нұрлыбек қолына қағаз-қарындашын алып, өз бөлмесіне кіріп кетті.

Сәлден соң:

– Әже, Ақтөстің суретін салдым! – деп жүгіріп шықты.

Әжесі иіріп отырған ұршығын қасына қойды да, суретке қызыға қарап:

– Шынында да, аумайды екен, – деді.

1.1 Мәтіндегі тірек сөздердің қатарын анықта

асырау

бауыр басу

мәз болу

есіне түсу

суретін салу

есік

тауық

тапсырма

қағаз-қарындаш

ұршық

1.2 Нұрлыбек күшігінің қандай іс-әрекетіне мәз болады?

________________________________________________________________________________________________________________

Ол неліктен Ақтөстің суретін салды деп ойлайсың?

______________________________________________________________________________________________________________

1.3 Нұрлыбектің қандай дұрыс әрекеттерін байқадың? Оның бұрыс әрекеті бар ма? Жұпта жазбаша сөйлес.

Оқылым. 3.2.1.1; 3.2.4.1

2. Мәтінді оқы. Тапсырмаларды орында.

Шыжыған ыстық. Болжан, анасы мен әжесі үшеуі автобус аялдамасына терлеп-тепшіп әрең жетті. Көп күттірмей, автобус та келе қалды. Оң жақтағы орындарға күн сәулесі түсіп тұр екен. Болжан сол күн жақтағы орындардың біріне отырды. Әжесі мен анасы көлеңке бетке жайғасты.

Анасы:

– Мұнда кел! Көлеңкеге отырмайсың ба? Үйіміз алыс, екі сағаттық жер, – деді.

– Әже-апа, сіздер келіңіздер! Автобус қаладан шыққан соң, солға бұрылады. Сонда осы бетке күн түспейді.

– Жұрттың бәрі күн жаққа отырыпты. Көшіп отырайық, келін, – деді әжесі. Сөйтіп, екеуі Болжанның қасына ауысып отырды. Автобус та орнынан қозғалып жүріп кетті.

Расында, көп ұзамай қаладан шыққан соң автобус солға бұрылды. Енді көлеңке Болжандар отырған жаққа түсті. Автобус жарты жолға жеткенде әжесі:

– Ақылыңнан айналайын, қоңыр қозым! Көлеңкеде отырғанымыз – сенің арқаң ғой! – деп немересіне риза болды.

Болжанның көңілі жадырап сала берді.

2.1 Мәтіннің түрін анықта.

__________________________________________________

2.2 Мәтінге ат қой.

________________________________________________________

2.3 Мәтіннің негізгі ойына сәйкес келетін мақалды белгіле ().

2.4 Мәтін мазмұны бойынша пікір білдіруге бағытталған 1 сұрақ құрастыр және жауап жаз

____________________________________________________________________________________________________________

_____________________________________________________________________________________________________________

Жазылым. 3.3.7.1

3.1 Мәтіннен қаратпа сөзі бар сөйлемдерді тауып, көшіріп жаз. Қаратпа сөздердің астын сыз.

_____________________________________________________________________________________________________________

________________________________________________________________________________________________________________

_______________________________________________________________________________________________________________

3.2 Мәтіндегі тағы қай сөйлемді қаратпа сөзбен толықтыруға болады? Бір сөйлемді қаратпа сөзбен толықтырып жаз.

_______________________________________________________________________________________________________________

_____________________________________________________________________________________________________________

http://moldir-bulak.kz/?p=2946

Сабақтың соңы

2 минут

Үй тапсырмасы: Нұрлыбекке немесе Болжанға қандай сұрақ қояр едің? Кейіпкерге арнап 2 сұрақ құрастырып жаз.

Саралау– оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта дифференциация дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

Сабақты жақсарту үшін қандай өзгеріс енгізуге болады (оқыту туралы да, оқу туралы да ойланыңыз)?

1:

Сабақ барысында сынып туралы немесе жекелеген оқушылар туралы нені білдім, келесі сабақтарда неге көңіл бөлу қажет?