"Сабақтағы заманауи тәсілдер" Pisa форматындағы тапсырмалар

Сабақтың тақырыбы

«Сабақтағы заманауи тәсілдер» Pisa форматындағы тапсырмалар

Мерзімі

30 қаңтар 2025 жыл

Мақсаты:

• Pisa зерттеуінің әдіс-тәсілдерін сабаққа қалай енгізуге болатынын көрсету.

• Практикалық тапсырмалар арқылы мұғалімдердің дағдыларын дамыту.

Күтілетін нәтиже:

Сабақ барысы

Сабақтың басы

Ұйымдастыру.

- Психологиялық ахуал орнату.

"Табиғатпен үндестік" ((Релаксация, 3-5 минут)

Өту барысы:

1. Қатысушылар жайлы отырады, көздерін жұмып, экологиялық таза әлемді елестетеді.

2. Тыныш әуен ойнап тұрады. (Мысалы, теңіз толқынының немесе орман дауыстары).

3. Жетекші мына сөздерді айтады:

"Егер біздің планетамызда пластик қалдықтары аз болса, табиғат қандай болар еді?"

"Қандай иістерді, дыбыстарды сезінер едіңіз?"

"Бұл таза әлемге жету үшін қандай іс-әрекет жасауға болады?"

4. Қатысушылар өз сезімдерімен бөліседі.

- Топқа бөлу. «Flippity» платформасы арқылы топқа бөлу

Сабақтың ортасы.

Кіріспе

1.1. Шебер сыныптың мақсатымен таныстыру

1.2. Оқушылардың функционалдық сауаттылығын дамыту

Практикалық жұмыс

1-тапсырма: Мәтінді түсіну және талдау

Берілген мәтінді оқып, сұрақтарға жауап беріңіз.

Мәтін:

Пластиктің ыдырау уақыты оның түріне байланысты өзгеріп отырады. Мысалы, полиэтилен пакеттері шамамен 20 жыл, ал пластикалық бөтелкелер 450 жылға дейін ыдырауы мүмкін. Пластиктің бөлшектенуі нәтижесінде микропластиктер түзіледі, олар суға, топыраққа және тіпті азық-түлік өнімдеріне еніп кетуі мүмкін. Зерттеулер көрсеткендей, теңіз жануарлары микропластиктерді жұтып, экожүйеге кері әсерін тигізеді.

Сұрақтар:

1. Пластикалық бөтелкенің табиғи жолмен толық ыдырауына қанша уақыт қажет?

A) 20 жыл

B) 50 жыл

C) 450 жыл

D) 1000 жыл

Микропластиктердің қоршаған ортаға тигізетін әсерін сипаттаңыз (кемінде 2 әсерін атаңыз).

2-тапсырма: Деректермен жұмыс жасау

Кестені қарап, сұрақтарға жауап беріңіз.

Сұрақтар:

1. Қай пластик түрінің ыдырау уақыты ең ұзақ?

2. Егер адам жылына 50 пластик бөтелке қолданса, 10 жылда қанша бөтелке қалдыққа айналады?

3. Пластиктің экологиялық мәселесін шешу үшін қандай балама ұсыныстар жасауға болады?

3-тапсырма: Шешім қабылдау және аргументтерді қолдану

Ситуация:

Қала әкімшілігі пластик пакеттерді пайдалануға тыйым салу туралы заң қабылдамақ. Бұл заңды қолдайтындар да, оған қарсы шығатындар да бар.

Сіздің тапсырмаңыз:

1. Бұл шешімнің артықшылықтары мен кемшіліктерін анықтаңыз.

2. Сіз қала тұрғыны ретінде бұл заңды қолдайсыз ба? Өз жауабыңызды дәлелдеңіз.

Бағалау критерийлері:

Дұрыс жауаптарды таңдау және логикалық ойлау (1-тапсырма – 2 балл)

Деректерді талдау және қорытынды жасау (2-тапсырма – 3 балл)

Өз көзқарасын дәлелді түрде қорғау (3-тапсырма – 3 балл)

Жалпы ұпай: 8 балл

Дебат және пікірталас әдісі

Әр топқа бір мәселе беріледі, бірақ олар екі қарама-қарсы көзқарасты ұстанады.

4.Тапсырма: Пластикті қолдануды шектеу керек пе?

1-топ: "Иә, шектеу керек" – экологиялық тұрғыдан дәлелдер келтіреді.

2-топ: "Жоқ, шектеу қажет емес" – экономикалық және әлеуметтік тұрғыдан дәлелдер келтіреді.

3-топ: Ортақ шешім ұсынады (балама шешімдер іздейді).

4-топ: Сарапшылар ретінде басқа топтардың аргументтерін бағалайды.

Соңында, әр топ өз көзқарасын қорғайды және жалпы шешімге келеді.

Қорытынды:

PISA тапсырмаларын құрастыру арқылы мұғалімдер оқушылардың білімін тексеріп қана қоймай, олардың креативті ойлау, ғылыми көзқарас, құзыретті шешім қабылдау сияқты маңызды дағдыларын дамытуға мүмкіндік алады. Бұл тапсырмалар оқушыларды нақты өмірге дайындайды және олардың оқу мен өмір арасындағы байланысты түсінуіне көмектеседі.

Сабақтың соңы.

Кері байланыс: «Сіз қалай ойлайсыз»

Сізге сабақ қаншалықты тиімді болды?

Осы сабақтың қай бөлігі сіздерге ұнады?

Қандай жаңа мағлұмат алдыңыздар?