Кезең

Мұғалімнің іс-әрекеті

Баланың іс-әрекеті

Мотивациялық кезең

• Сәлеметсіздер ме, балалар! Қалдарын қалай? Қазір біз «Жұптар» ойынын ойнаймыз.

Барысы: Балалар жүреді немесе араласып жүгіріп жүреді. Тәрбиеші «Екі!» деп, белгі бергенде – жанында тұрған кез-келген баламен жұп құрайды, қолдарынан ұстап, жұптасып тұрады. Егер тәрбиеші «Үш!» деп айтса, балалар үштік жасап, белгіленген жерге жүгіріп барады.

• Жарайсыңдар, балалар! Ойынға барлықтарын жақсы қатыстыңдар. Бүгін сендер өте мейірімді, жүздеріңнен күн нұры төгіліп тұрғандай әсемсіндер. Ал енді, балалар орындарымызға жайғасып отырайық.

Негізгі кезең.

• Балалар түймедақ гүлі жайлы не білесіңдер? Кім сипаттап береді?

• Түймедақ – далада көп өсетін керемет гүл. Кереметтігі сол – онымен неше түрлі ауруды емдей беруге болады. Қазақстанның барлық облыстарынан жаз кездері ортасында сары түйме дағы бар күн секілді осынау гүлді кездестіруге болады.

• Балалар, бүгін бізге ертегілер елінен қонақтар келіп қалыпты. Олар нелер?

• Қояндар немесе көжектер
  - Бізге қонаққа қанша көжектер келіпті. Санайықшы.

• 1,2,3,4 барлығы 4 көжек

• Ал енді бізге қонаққа келген көжектер нені жақсы көреді немесе қандай көкөністі ұнатады?

• Көжектер сәбізді жақсы көреді

• Дұрыс жарайсыңдар, балалар ендеше мен себеттен көжектерге сәбіздерді үлестірейін, ал сендер мен қойған сайын санап отырыңдар. (тәрбиеші көжектің алдындағы ыдысқа 3 сәбіз қояды.)

• Балалар, көжектерге сәбіз жетті ме, санайықшы

• 1,2,3 сәбіз. 1 көжекке сәбіз жетпей қалды

• Бізде көжек нешеу еді?

• 4 көжек.

• Сәбіз нешеу болды?

• 3 сәбіз.

• Көжек көп пе, сәбіз көп пе?

Салыстырайықшы
- Көжек көп, сәбіз аз.

- Дұрыс көжек төртеу, сәбіз үшеу.

- Ендеше, бүгін 3 және 4 сандарын салыстыруды үйренеміз.

Қане қайталайықшы. (салыстыру)

- Балалар, 3 саны 4 санының алдыңғы көршісі, ал 4 саны 3 санының артқы көршісі екенін білеміз. Қайталап айтайықшы.

Көбелектер де ұшып келіпті. Ендеше кім келіп, мына жоғарғы жолаққа қандай сан тұрса, төменгі жолағына сонша көбелек орналастырады.
(Балалар шығып орналастырады, жеке баламен жұмыс жасау)
- Балалар, осы көбелектер қайда қонады?
- Көбелектер гүлге қонғанды ұнатады.
- Ал, енді мына үшінші жолақта қандай сан тұрса, төменгі 4-ші жолаққа сонша гүлді орналастырайық.
(Балалар, орналастырады)
- Балалар, көбелек нешеу?
-Көбелек үшеу.

-Ал, енді гүл нешеу?

-Гүл төртеу.

-Қайсысы көп, қайсысы аз?

-Гүл көп, көбелек аз.

- Ал, енді екеуі тең болу үшін не істейміз?

- 1 көбелек қоямыз.

- Міне, балалар көбелек пен гүл теңесті.

- Балалар, бәріміздің алдымызда екі жолақты карточка бар, осы карточканың жоғарғы қызыл жолағына көбелектерді, ал төменгі жолағына гүлді орналастырамыз.

(Балалар үлестірмелі материалдармен өз беттерінше жұмыс жасайды)

Енді балалар, бір сәт айналамызға қарайықшы, не байқап тұрсыңдар.

- Әдемі үлкен гүлдерді көріп тұрмыз.

- Гүлдерді санайықшы. 1,2,3,4

- Гүлдердің үстіне нелер қонып тұр?

- Аралар қонып тұр.

- Араларды санайықшы, нешеу екен. 1,2,3

- Гүлдер көп пе, аралар көп пе?

- Гүлдер көп, аралар аз.

- Екеуін теңестіру үшін не істеуге болады?

- 1 ара қосамыз.

- Тамаша, жарайсыңдар балалар!

Тәжірибені қолдану

(Әсем әуен ойналып,екі жерде тұрған түймедақ гүлі ашылады)

Сергіту ойыны: «Ұқсас санға ұшып барайық»
Шарты: Мына сиқырлы гүлдерде 3 және 4 саны бейнеленіпті. Ендеше 4 саны қойылған столдағы балалар көбелек болып, 4 саны бейнеленген гүлге ұшып келеді.Ал, 3 саны қойылған столдағы балалар, 3 саны бейнеленген гүлге көбелек болып ұшып келеді.
Тамаша балалар, керемет көбелектерге ұқсап кеттіңдер.

Рефлексия

- Балалар, көжектердің үйінің алдында көп сәбіз өсіп тұр екен. Ал, әке қоян орманнан саңырауқұлақ теріп әкеліпті. Қане балалар, санап көрейікші.
(Балаларға санату, салыстырту)

- Балалар, біз бүгін 3 және 4 санын салыстыруды үйрендік.

- Балалар, бізге қонаққа нелер келді?

- Көжектер келді, көбелек пен гүлдерді санадық, салыстырдық.

Жарайсыңдар, балалар!

Күтілетін нәтиже:
Білуі: 3 және 4 санын кез-келген үлестірмелі материалдардың көмегімен салыстыра біледі.
Меңгеруі: Қарапайым математикалық ұғымдар туралы білімді меңгере білуі, сұраққа толық жауап бере білуі.
Жасай алуы: Достарының жауабына, ойына, өз көзқарасын еркін білдіре білуі, өзін жеке тұлға ретінде сезіне білуі