Шабуылдаудың тактикалық қимылдары

Тақырыбы: Шабуылдаудың тактикалық қимылдары,

Шабуыл соққысы қарсылас командамен айқаста негізгі қарсы күш болып есептеледі. Шабуылшы, доптың ұшу бағытына, биіктігіне, қарсылас команданың қорғанысына байланысты тиімді шабуыл соққысын жасауды көздейді. Шабуылшының шабуылдау тактикасының әлсіз болуы өз командасына ұтылыс әкеледі.
Волейболда шабуылдай соғу қимылдары үйлестірудегі күрделі іс-әрекетке жатады. Кез келген шабуыл жүгіру, секіру, соғу сияқты қимылдардан тұрады.
Шабуыл соққысының тактикасын 4 –ке жіктедім:
а) Шабуыл бағытына байланысты: жүгіру бағытына қарай, ауыспалы.
ә) Допты көтеріп берудің биіктігіне байланысты: биікке көтеріп беру, орташа биіктікке көтеру, аласа биіктікке көтеру.
б) Серпілу орнына байланысты: алдыңғы сызықтан, екінші сызықтан.
г) алдау арқылы шабуылдау.

Волейбол ойынының тактикасы деп ойын техникасын және ойыншылардың қимылдарын қарсылас командаға шебер ұйымдастыра білуді айтады. Ойыншылардың тактикалық қимыл – қозғалыстары 2 категорияға бөлінеді: Шабуыл тактикасы және қорғаныс тактикасы.
«Крест» шабуыл тактикасы
1-ші нұсқасы: 1- ші нөмірлі ойыншы тордың жанынан допты көтеріп береді, оның әріптесі 3-ші ойыншы жүгіріп қысқа пастан допты соғу жасанды қимылын жасайды, ал екінші ойыншы болса 3-ші ойыншының орнынан шабуыл соққысын аяқтайды. Шабуыл соққысын шебер ұйымдастыру үшін ойынға қосылған допты (подачаны) 5-ші немесе 6-шы ойыншы қабылдауы тиіс.

2-ші нұсқасы: 1- ші нөмірлі ойыншы тордың жанынан допты көтеріп береді, 3ші ойыншы ойынды байланыстырушының (связующии) артынан келіп жасанды допты соғу қимылын жасайды, ал 2-ші ойыншы 3-тің орнынан келіп шабуыл соққысын аяқтайды.

«Толқын» шабуыл тактикасы
«Толқын» шабуыл тактикасын 3 ойыншы іске асырады. Нөмірі 2-ші ойыншы жүгіріп келіп қысқа паспен ойынды байланыстырады, 3-ші ойыншы шабуыл соққысының жасанды қимылын жасайды, 4 -ші ойыншы шабуыл соққысын аяқтайды.

Қауіпсіздік ережелері
— Оқушылар міндетті түрде спорттық формамен, спорттық аяқ киіммен сабаққа қатысуы тиіс.
— Сауатты және қарқынды жалпы дене қыздыру жаттығулары жасалу тиіс.
— Ойын алаңын және көрнекі құралдарды мұқият тексеруден өткізу қажет.
— Доптардың куйін, жағдайын тексеруден өткізу.
— Тактикалық және техникалық амал – әдістерді үйрету барысында оқушыларды үнемі қадағалап тұру.
— Допты ойынға қосу және шабуылдау барысында допты жұдырықпен ұрмау.
— Шабуылдау жаттығуларын орындау барысында доптың аяқ астында кедергі келтірмеуін қадағалау