Бекітемін:

Күні:

Сыныбы: 2 сынып

Тақырыбы: «Ойлы болсаң озып көр» танымдық сайыс

Мақсаты: Оқушыларды қазіргі заман талабына сай терең білім алуға ынталандыру.
Жас ұрпақтың танымдық көз қарасын, ой - өрсін, дүние танымын кеңейту, іскерлік қасиеттерін дамыту.Логикалық ойлау, сөйлеу қабілеттерін шындау, оқушылар бойына ұлттық мәдени құндылықтарды сіңіру.
Сабақтың түрі: Танымдық сайыс

Сабақтың барысы:

Құрметті ұстаздар мен оқушылар!
Бүгінгі біздің 2 - сынып оқушыларының арасында өтетін «Ойлы болсаң озып көр» атты сайысына қош келдіңіздер!
Ақыл-тон аңдағанға тозбайтұғын,
Білім- кен қанша алсаң азбайтұғын,
Қатарың оза шауып бара жатса,
Арқаңның ауруы не қозбайтұғын,- деп Тұрмағанбет Ізтелеуов ағамыз айтқандай, білім сайысына құлшынып тұрған оқушыларымызбен таныс болайық.
Сайысымызды бастамас бұрын оқушылардың білімін сараптауда әділқазылармен таныс болайық.

І – кезең: Таныстыру (топ атауы және ұраны)

ІІ – кезең: Дода

ІІІ –кезең: Сен білесің бе?

1Ү –кезең:

Ү – кезең: «Біліміңді шыңда»

ҮІ –кезең: Полиглот

Ал, келіңдер, келіңдер,
Біріңе – бірің еріңдер.
Біліміңді тексеріп,
Сынға түсіп көріңдер.
Қатысушыларға сәттілік тілей отырып, сайысымызды бастаймыз.

І – кезең: таныстыру

1 топ: «Болашақ» тобы

Ұраны:

Болашақтың ұрпағымыз білімді,

Көрсетпекпіз мектепте алған білімді.

2 топ: «Тапқырлар» тобы

Ұраны:

Тапқырлық таныту мақсатымыз,

Біліммен шықсын тек жақсы атымыз

ІІ – кезең: Дода (логикалық сұрақтар)

Математика елінде,

Есеп шешіп жарысып.

Жұмбақ шешіп аңдысып,

Көңілді кеш жасайық,

Мұнда қызық табылар.

Жұмбақ есеп бәрі бар,

Ал сайыскер балалар

Бліміңді сынайық

Логикалық сұрақтар:

1. Екі адам шахматты 2 сағат ойнады. Бір адам неше сағат ойнады? (2 сағат)

2. Ұзындығы 10 метр жіпті әр бөлігі 2 метр болу үшін неше рет қию керек? (4рет)

3. Он бір түйе, бес жылқы.
   Екі сиыр, бес ешкі
   Екі қоян үш түлкі
   Таба алмайсың бос күлкі (барлығы: 28)

4. Бес бұтақты ағашта
   Бұтақ сайын бес алма
   Біреуін бер алашқа
   Қалады сонда қанша алма (барлығы: 24)

5. Қосындының компоненттерін ата

6. ең үлкен екі таңбалы санды ата

7. 1ц қанша кг бар? (100кг)

8. 2м қанша см бар? (200см)

9. 1 айда неше күн бар? (30-31 күн)

10. 2 сағатта неше минут бар? (120 минут)

ІІІ – кезең: Сен білесің бе?

Бәйгеге түсіп жарыспай,

Жүйріктің бағы жанар ма

Бұл бәйге ойдың бәйгесі,

Кім жүйрік ойға, сол алда – дей келе келесі кезеңіміз

«Сен білесің бе?» (Жаратылыстану , дүниетану пәні бойынша сұрақтар)

1. Жер ғаламшарының пішінін анықта.

А. Сопақша В. Жалпақ С.Шар тәріздес

2. Шөлді өсімдіктердің тамырлары қандай болады?

А. Қысқа В. Ұзын С. Шашақты

3. Өсімдікті топыраққа бекітіп, ұстап тұратын және топырақтан қажетті суды, еріген минералды тұзды өткізетінне?

А. Тамыр В. Сабақ С. Жапырақ

4. Бұл жануарлардың үш жұп аяғы бар, секіреді, жүгіреді, жорғалайды,ұша алады.

А. Өрмекшілер В. Бунақденелілер С. Қосмекенділер

5. Суда тіршілік ететін, денесі қабыршақпен қапталған жануарлар.......

А. Бауырмен жорғалаушылар В. Сүтқоректілер С. Балаықтар

1. Жеті атасын білмеген......

А. Жетесіз В. Қатесіз С. Жабайы

2. Өз елін сүйетін адамды қалай атайды?

А. Еріктілер В. Отаншыл С. Батыр

3. Республика сөзі қай тілден аударылған?

А. Латын В. Грек С. Араб

4. Мектеп сөзі араб тілінен аударғанда қандай мағынаны білдіреді?

А. Киінетін орын В. Кітапхана орын С. Жазу жазатын орын

5. Әр азамат орындауға тиісті абыройлы борыш.....

А. Міндет В. жауапкершілік С. Құқық

ІҮ – кезең: « » (Бейне сұрақ) (әдебиеттік оқу)

Білім деген биік шың 
Бақытқа сені жеткізер.
Білім деген ақылшың,
Қиындықтан өткізер. Келесі кезең- « »

1. Абай Құнанбаев айтқан бес дұшпанды ата. (өсек, өтірік, мақтаншақ, еріншек, бекер мал шашпақ)

2. Тұңғыш Әліппе оқулығын жазған кім? (Ахмет Байтұрсынұлы)

3. Жүсіпбек Аймауытов кім? (жазушы)

4. «Біржан» өлеңінің авторын ата. (Сәкен Сейфуллин)

5. Қой жүнінен тоқылған төсеніш (алаша)

6. «Әже» өлеңінің авторы кім? (Фариза Оңғарсынова)

7. Тышқан мен мысық видеоролик (ертегі )

8. Қына тасқа бітеді, (Білім басқа бітеді)

9. видеоролик (Бесік жыры өлеңі)

10. Саусақ бірікпей, (ине ілікпейді)

Ү - кезең: «Біліміңді шыңда» (Қазақ тілі)

1. Диалог дегеніміз не? (екі немесе бірнеше адамның сөйлесуі)

2. У дыбысының ерекшелігі. (кейде дауысты, кейде дауыссыз)

3. Я әрпінің жазылуын түсіндір. (йа дыбыстары естілгенімен, жазылуда олардың орнына я әрпі жазылады)

4. Дауыссыз дыбыстар нешеге бөлінеді? Үнді дауыссыздарды ата (л,м,н,ң,р,й,(у))

5. Ұяң дауыссыздарды ата. (б,в,г,ғ,д,ж,з)

6. Қатаң дауыссыздарды ата. (к,қ,п,с,т,ф,х,һ,ц,ч,ш,щ)

7. Сұхбат дегеніміз не? (арнайы сұрақтарға біреуден жауап алу)

8. Мәтін дегеніміз не? (Мәтін мазмұны жағынан екі немесе оданда көп сөйлемнен құралады)

9. Тақырып дегеніміз не? (Мәтінде баяндалатын оқиға мен ойдың түйіні)

10. Мәтін қандай құрылымдық бөліктерден тұрады? (Басы, негізгі бөлік, соңғы бөлік)

ҮІ – кезең: Полиглот

1) Мұртын сипап күн бойы,
Бетін сусыз жуады.
Тырсылды аңдып күн бойы,
Тышқанды көп қуады. (мысық – кот - cat)

2) Қабат-қабат қаптама,
Ақылың болса, аттама (Кітап- книга - book)

3.Бір-бірімен жарысқан

2 аю, 1 арыстан,

4 қоян, 3 түлкі

Бәрі нешеу ойлан сен (он - десять - )

4. Бес алманың үшеуін

 Досың сұрап алады

Айтшы сонда нешеуі      

 Өз қолыңда қалады     ( екі – два - )

5. Жапырақтың түсі қандай? (жасыл – зеленный - )

6. Теңіздің түсі қандай ? (көк – синий - )

Тауды биік деме сен,
Талаптансаң, шығарсың.
Қарсылас мықты деме сен,
Білімді болсаң, шығарсың – дей отырып, сайысымыздың жеңімпазын анықтау үшін сөз кезегін әділ-қазыларға береміз.

Жеңімпаз топты анықтау, дипломдар мен сыйлықтар табыс ету.