Сайыс сабақ математика білгіштері

"Математика білгіштері"

Математикалық турнир

7 сыныптар

Қостанай қаласы

«Қызықты математика» математикалық турнир.

Мақсаты:

1. Білімділік: Оқушылардың математикаға қызығушылығын, ынтасын, зейінін арттыру, алған білімдерін тереңдету.

2. Дамытушылық: Ой-өрісін кеңейту, логикалық ойлау қабілеттерін дамыту, ұжымшылдық қабілеттін дамыту.

3. Тәрбиелік: Окушыларды ұжымшылдыққа, жолдастыққа, алғырлыққа, белсенділікке тәрбиелеу, жеке тұлға етіп қалыптастыру.

4. Көрнекілігі: нақыл сөздер, карточкалық тапсырмалар, логикалық есептер.

Түрі: топтық сайыс сағаты
Типі: ойын түрінде

Жоспары:

1.Топқа бөлу. Таныстыру. Топтың өзін таныстыруы, амандасу рәсімі
2. Блиц-турнир (сұрақ-жауап)

3. Логика әлемінде
4. Полиглот

5. Сәйкестендіру

Қолданылған нақыл сөздер:
1. “Білімді, интеллектуалды адамдарсыз, озық ғылымсыз Қазақстанның перспективасы жоқ. Қазір адамдардың бәсекелестігі, білімнің бәсекелестігі, ғылымның бәсекелестігі жүруде. Бұған дайындалу қажет.”

Н.Ә.Назарбаев

2. «Логика өнері - адамның ақыл-парасатын жетілдіруге көмектесетін құрал.»

Әбу Насыр Әл-Фараби

3. «Математика - барлық ғылымдардың тұңғышы және оларға пайдалы да, қажет те»

Р.Бэкон

Барысы:

Армысыздар құрметті ұстаздар мен оқушылар және ойынға қатысушы сайыскерлер! «Математика білгіштері» атты математикалық ойын сайысымызды тамашалауға қош келдіңіздер!

1-жүргізуші: Білім деген биік шың,

Бақытқа сені жеткізер

Білім деген оқырман

Қиындыққа жеткізер.

2- жүргізуші:Бүгінгі кеш қызықты

Көрермендер халайық

Ми – түйсікті қозғап қазір

Биікке қанат қағайық.

– дей келе , Сайысқа түскелі отырған қарсылас екі топтың білімдері мен тапқырлықтарын сынағалы жиналдық. Іске сәт! –деп сайысымызды бастайық.

1. Топқа бөлу. Таныстыру. Топтың өзін таныстыруы

2. Блиц – турнир. Сұрақ- жауап. 1 сұраққа - 1 бал.

І топ.

1) Екі нүктемен шектелген фигура. ( кесінді)

2) Бөлмеде 2 ит, 3 құс, 1 шыбын бар . Осы жануарлардың бәрінің аяқтарын қосып есептегенде қанша болады?4 пен 5-тің арасына қандай таңба қойылғанда 4-тен артық бірақ 5-тен кем сан шығады?

3) 9-дың квадраты (81)

4) 90⁰-тан кіші бұрыш (сүйір)

5) Қанша цифр білесіндер? (10)

6) 5 сантиметр метрдің қандай бөлігі? (1/20)

7) х қойдың неше аяғы бар? (4х)

8) Бестің кубы неге тең? (125)

9) 2 ғасырда неше жыл бар? (200)

10) Кез келген екі нүкте арқылы нені жүргізуге болады.(Түзу)

ІІ топ

1. Дәлелдеуді қажет ететін сөйлем (теорема)

2. Нөл саны натурал сандарына жатама (жоқ )

3. 50⁰ –қа сыбайлас бұрыш (130⁰)

4. Төртбұрыштың бир бұрышын кескенде қанша бұрыш қалады. ( 5)

5. 4 пен 5 тің арасына қандай таңба 4-тен артық бірақ 5-тен кем сан шығады? үтір

6. 1 минутта неше сағат бар?(1/60)

7. Координаталық жазықтықта неше ширек бар? (4)

8. 5 бақа 5 минутта 5 шыбын ұстайды. Неше бақа 50 минутта 50 шыбын ұстайды?50 бақа

9. 5 санына кері сан (1/5)

10. 64 қандай санның кубы? (4)

3. Логика әлемінде . Екі топқа логикалық есептер беріледі . Әрбір дұрыс жауап – 2 ұпай.

1. І топ: Қорада тауықтар мен қояндар бар. Олардың барлығы 15 бас, ал аяқтарының саны 50 болса, қорада неше тауық, неше қоян бар? Жауабы: 5 тауық, 10 қоян.

2. ІІ топ:Бірдей үш цифрмен жазылған үш таңбалы сан 3-ке де, 37-ге де бөлінеді. Сол санды тап. Жауабы: 111.

3. І топ: Егер сағат түнгі12-де жаңбыр жауып тұрса, онда 72 сағаттан соң күн шығуы мүмкін бе? Жауабы: жоқ, ол кезде түн ортасы болады.

4. ІІ топ: Сұрақтын орнында қай сан тұруы керек 2; 3; 5; 8; 12;17? (23)

5. І топ: 1-ден 81-ге дейінгі барлық натурал сандардың көбейтіндісі қандай

цифрға аяқталады?

Шешімі: 0-ге, себебі кез келген санды 0 цифрымен аяқталатын санғакөбейткенде, 0-ге аяқталатын сан шығады.

6. ІІ топ:Бес жыл бұрын ағасы мен қарындасының жастарын бірге алғанда 8 жас болды. 5 жылдаң соң олардың жастарын бірге алғанда неше жас болады? Шешуі: 10 жылдаң соң олардың әрқайсысының жасына 10 жастан, ал бірге алғанда 20 жас қосылады. 5 жылдаң соң олардың жастарын бірге алғанда 28 жас болады.

7. І топ:Әкесі 27 жаста болғанда баласы 3 жаста болды. Ал казір баласының

жасы әкесінің жасынан 3 есе кем. Әрқайсының жасы нешеде?

Жауабы: 36;12

8. ІІ топ:Сыныпта 35 оқушы бар. Қыздар ұлдардан үшке артық. Сыныпта

ұлдар қанша , қыздар қанша?

Жауабы: 16 ұл, 19 қыз.

4. Полиглот. Екі топқа жұмбақтар қойылады, жауабын үш тілде айту керек.

Егер жауабы дұрыс болып, аудармасы жоқ болса, 1 ұпай алынады. Ең көбі – 3 ұпай.

1. Доп емес, дөңгелек емес,

Ұқсас бірақ достарым.

Фигура ол ең негізі

Дәл жауапты қостадым.

(шеңбер – окружность - circle)

2. Бірдей санды бірнеше рет

Көбейтуден тұрады.

Егер оны ықшамдасаң

Қандай атау болады?

(Дәреже-степень-degree)

3.Алды-артымыз шексіз де

Жете алмайсың біздерге.

Сәулеменен кесілді

Шықан тегін білсе де.

(түзу - прямая - line)

4.Көк құтанша ақ айдында,

Бір аяқпен тұрады.

Тұмсығымен ол мұнда,

Шыр айналып шығады.

(циркуль – циркуль - сircle)

5.Нәрселерді санағанда,

Керек ол бізге ауадай.

Айтыңдаршы бұл қандай сан

Жан-жағыңа қарамай?

(натурал сан – натуральное число – naturalnumber)

6.Атадан он баламыз

Бір-бір жастан арамыз.

Қосылып кейде басымыз

Азайып кейде қаламыз.

Бөлініп кейде арамыз

Көбейіп те аламыз.

(цифрлар – цифры - figure)

5.Сәйкестендіру.Екі топқа тапсырма беріледі жауаптырымен сәйкестендіреді.

Әрбір дұрыс жауапқа 2 балл

1-жүргізуші: Санаңды сенің толтырар,

Есептану пәні бар.

Сабағынды егер оқысаң,

Өмірде саған жол болар.

2-жүргізуші: Сайысымыздың соңғы сәті таяп қалды.

Ал, қазыр әділқазылар сөз алады.

Сайысымыздың жеңімпаздарың анықтап,

Мақтау қағаз, сыйлықтарын тапсырады.

Қорытынды: Әділқазылар алқасы ойын жеңімпазын анықтап қорытындылайды.

Топтарды бағалау