Салауатты оқушы -ел болашағы

Салауатты оқушы – ел болашағы.

Бүгінгі таңда өз тәуелсіздігін алған егеменді еліміз Қазақстан мектептеріне жан –жақты дамыған, денсаулығы мықты, салауатты өмір салтын мұрат еткен дара тұлғаларды тәрбиелеуді басты талап етіп қойған.

Салауатты өмір салты дегеніміз – денсаулықты нығайту мен сақтау, ағзаның дұрыс қамтамасыз ететін гигиеналық ережелерді орындау. Ол үшін денсаулыққа жағымсыз әрекеттерден аулақ болу. Салауатты өмір салтын ұстануда спорттың рөлі зор. Дене қозғалысы адам ағзасын дамытып, жұмыс істеу қабілетін арттырады, ауыруды алыстатып, өмірді ұзартады.

Адам денсаулығын қалыптастыру және нығайту – медицинаның ғана емес, сонымен бірге барлық оқыту мен тәрбиелеу жүйелерінің негізгі мақсаты мен міндеті. Себебі, шәкірт денсаулығының жағдайы оның оқу үлгеріміне, мінез –құлқына, қарым –қатынасына тікелей әсер етеді. Дене тәрбиесі –қоғамдағы жалпы мәдениеттің бөлігі, адамның дене қабілеттерін дамыту нығайтуға бағытталған әлеуметтік қызметтің бір саласы.

Дене тәрбиесімен шұғылдану кезінде жас, жыныс, ағзаның жеке ерекшеліктері мен мүмкіндіктері есепке алынуы керектігін есте болған жөн. Басты талаптардың бірі –дене тәрбиесі және спортпен айналысу тәртібін сақтау, яғни олардың жүйелілігін, жүктемелердің біртіндеп арттырылуын, сабақ өткізілетіндей жағымды жағдайларды, әртүрлі құралдар мен формаларды кешенді түрде пайдалану.

Барлық оқушылар үшін міндетті болып табылатын дене тәрбиесінің негізгі формасы – дене тәрбиесі сабақтары. Ол мүмкіндігінше арасында 1-2 күн салып, аптасына 3 рет өткізіледі.

Болашағымыз нұрлы, еліміздің ертеңі жарқын болсын десек, ел болып ұлтымызды, тегімізді жоғалтып алмау үшін еңбек етейік. Салауатты өмір салтын үнемі нсихаттай білейік ағайын.