«Шалқан ертегісі» Түзете-дамыту сабақ жоспары 1 сынып

Мұғалімнің аты-жөні: Қуекесова Г.Т.

Күні: 19.02.2021

Сыныбы: 1^а,г – сынып

Пәні: Ана тілі

Оқушылар саны: 3 Сабаққа қатысқан оқушылар саны: ____

Сабақтың тақырыбы: Ертегілер еліне саяхат. «Шалқан» ертегісі

Сабақтың мақсаты:

Білімділік: Ертегі арқылы балалардың сөйлеу қабілеттерін жетілдіруді жалғастыру. Ертегі мазмұнын түсініп, жүйелі әңгімелей білуге дағдыландыру. Еңбексүйгіштікке баулу, ертегі мазмұнын меңгерту.

Түзету-дамытушылық: Сөйлеу дағдыларын дамытып, сөз қорларын молайту.

Тәрбиелік: Достыққа, бір-біріне қамқорлық жасауға, ұйымшылдыққа тәрбиелеу.

Көрнекі құралдар: түрлі-түсті қарындаштар, қалам, құрастырмалы тапсырмалар, ұсақ қол моторикасына жаттығу, айырмашылық табу тапсырмасы, презентация, ертегінің толық бейнетаспасы, лабиринт, «Шалқан» ертегісінің кейіпкерлері, ойлауды, зейінді дамытуға арналған тапсырмалар.

Әдіс-тәсілі: сұрақ-жауап, түсіндіру, көрсету, әңгімелеу, талдау.

Сабақ барысы

І. Ұйымдастырушылық кезеңі.

Психологиялық дайындық

Қуанамын мен де,

Қуанасын сен де,

Қуанады достарым,

Арайлап атқан күнге.

ІІ. Негізгі бөлім.

Ендеше бүгінгі сабақтың тақырыбы: «Шалқан» ертегісі

Ертегінің негізінен көптеген түрлері бар:

1. Қиял - ғажайып ертегі.

2. Шыншыл ертегі.

3. Жан-жануарлар ертегісі.

4. Тұрмыс салт ертегісі.

Шалқан ертегісі тұрмыс – салт ертегісіне жатады. Шалқан орамжапырақ тұқымдасына жататын екі жылдық көкөніс. Түсі ақ немесе сары болады. Оның құрамында ағзамызға қажетті дәрумендер, емдік қасиеті бар. Сонымен қатар шаш күтіміне де пайдалы.

– Енді, балалар, назарымызды бейнетаспаға аударайық. (Ертегі мазмұнын бейнетаспа арқылы айту).

Балалар ертегі мазмұнын қызығушылықпен тыңдайды.

– Балалар, сендерге ертегі ұнады ма? 

– Иә, ұнады. 

Сұрақ-жауап. 
– Атай не екті?

– Атай көмекке кімді шақырды?

– Әже көмекке кімді шақырды?

– Немересі нені шақырды?

– Күшік нені шақырды?

– Мысық нені шақырды?

– Сонымен, бәрі бірігіп не істеді? 

ІІІ. Тапсырмалар орындау.

1-тапсырма.

Атайға шалқанды шығаруға көмектесетін көмекшілерін жинауға көмектес.

2-тапсырма.

Суреттен 10 айырмашылығын тап.

3-тапсырма.

Ертегі кейіпкерлерінің көлеңкесін тап.

ІV.Сергіту сәті.

Ұсақ қол моторикасын дамытуға арналған жаттығу. «Шалқанды» үзік сызықтар арқылы бастырып, бояу міндеттеледі.

4-тапсырма.

«Бауырсақ» пен «Шалқан» ертегісінің кейіпкерлерін ажырат. Екі ертегінің кейіпкерлерін екі түсті қарындашпен қорша.

5-тапсырма

Бақшада көп шалқандар өскен. Бірдей көлемдегі шалқандарды тап. Ең үлкен және ең кіші шалқанды көрсет.

6-тапсырма

«Шалқан» ертегісінің кейіпкерлерін ретімен орналастыр.

Балаларға қиылған ертегі кейіпкерлері беріледі. Оқушы ақ параққа ретімен кейіпкерлерді орналастыру керек.

(шалқан, ата, әже, немере, күшік, мысық, тышқан)

V. Кері байланыс

Сұрақ-жауап әдісі арқылы.

• Бүгінгі сабақта қандай тақырыпты өттік?

• Ертегінің қандай түрлері бар?

• «Шалқан» ертегісінің кейіпкерлерін ата.

• Бұл ертегінің мағынасы қандай?

VІ. Қорытынды

• Міне, оқушылар, сіздермен бірге ертегілер еліне саяхаттай отырып, «Шалқан» ертегісі туралы білдік. Бір-бірімізге көмектессек, барлық істеріміз жақсы нәтиже береді. Тек бір ертегімен шектелмей, үйден көбірек ертегілер оқып жүріңіздер!

• Осымен сабағымыз аяқталды, белсенді қатысқандарыңызға рахмет, сау болыңыздар!

Жетекшісі: Дефектолог: Ғиниятова Н. Т.