Тақырып бойынша 11 материал табылды

"Салт -дәстүрді сақтайық"

Материал туралы қысқаша түсінік

бастауыш сынып мұғалімдеріне

Материалдың қысқаша нұсқасы

Тәрбие сағатының тақырыбы: “Салт – дәстүрді сақтайық.”Тәрбие сағатының мақсаты: Қазақ халқының салт-дәстүрі, әдет- ғұрпы, жөн- жоралғыларын оқушылардың бойына сіңіре отырып, тәрбиелеу. Ұлттық мақтаныш сезімдерін ояту. Эстетикалық талғаммен ұштау.Эстетикалық сана – сезім мен ұлттық мәдениетке қызығушылық, өз халқының салт-дәстүрін сақтауға дайын тұлғаны қалыптастыру.Көрнекілігі: Салт-дәстүр туралы кітаптар, “Алты жыл аш болсаң да, атаңның салтын ұмытпа” “Ант бұзған оңбайды , салт бұзған сорлайды.” Түрі: Пікір алмасу , өз ойларын айту.Тәрбие сағатының жоспары:І. Кіріспе: Салт-дәстүр туралы түсінік. (Мұғалім сөзі)ІІ. Негізгі бөлім: а) Қазақтың салт дәстүрі. б) Қазақтың ұлттық киімдері. в) Ұлттық ойындар. г) Ұлттық ою-өрнек түрлері.ІІІ. Қорытынды:І. Кіріспе. Мұғалім: Құрметті оқушылар! Бүгінгі тәрбие сағатымыздың тақырыбы: “Салтдәстүрді сақтайық!” Балалар, біз қазақпыз, біз қазақтың ұлдары мен қыздарымыз.Сондықтан біз өз ұлтымыздың ата- бабадан жалғасып келе жатқан салт- дәстүрімізді ұмытпауымыз керек. Салт- әр ұлттың, халықтың діні мен сеніміне, тұрмыс тіршілігіне, ұлттық құрылым ерекшелігіне сәйкес ғасырлар бойы жинақталып, өмірдің өзі туғызған ғұрыптар тұғырының негізі ретінде қалыптасқан. Дәстүр-халықтың атадан балаға көшіп, жалғасып және дамып отыратын тарихи әлеуметтік, мәдени- тұрмыстық, кәсіптік, салт- сана, әдет- ғұрып, мінез-құлық, тәлім- тәрбие және рухани іс-әрекетінің көрінісі.Дәстүр-мәдениеттің белгісі, дәстүр байлығы –мәдениет байлығы. Ол ел өмірімен біте қайнасып кеткен рухани байлық. Мысалы: ата-ананы, үлкенді құрметтеу, сүйінші, құрдастық қалжың, сәлем беру т.б. дәстүрге жатады. Бір таңқаларлық жай, қазақ халқы салт пен дәстүрге өте бай, әдет, ғұрып, ишара, ырым, тыйым, дағды, ым бәрі де осы салт – дәстүр мұхитының салаларымен тармақ –тамшылары болып саналады.Сондықтан да “Алты жыл аш болсаң да, атаңның салтын ұмытпа ”.“Ант бұзған оңбайды, салт бұзған сорлайды” деген сөздер бар.ІІ. Негізгі бөлім: Балалар, мен үй жұмысына мақал- мәтел, шығарма, өлең немесе тақпақ, сурет салып келіңдер дедім. Осы біздің салт – дәстүріміз туралы кәне кім айтадыОқушылар өздері үйден дайындалып келгендері бойынша өз пікірлерін айтады.а) Қазақтың салт дәстүрі.Айдар(ғұрып). “Тұлымдысын тұл қылды, айдарлысын құл қылды” (Қобыланды) Балалардың төбе шашын ұзартып өсіріп, моншақ араластыра өріп қояды. Мұны “Айдар ” дейді. Бұрын ел бұл ғұрыпты көп қолданған.

Мысалы: Кенесарының інісі атақты Наурызбай батырдың айдары болған. Балаға айдар деп те ат қойған, ол осыдан шыққан. Бұл ғұрып ер балаға жасалады. Сәбилерге шаш орнына кекіл, тұлым да қойылады.б) Қазақтың ұлттық киімдері.Қазақтың ұлттық киімдеріне қазақ көйлек, сәукеле, комзол, шапан, тақия т.б. жатады.Сәукеле- Бойжеткеннің назарына жұрт көз тимесін деп, оның бас киімінөте биік ұшты етіп неше түрлі жарқырақтар тағып қоятын болған. Ата-ана алыстан шаң көрінгенде “Жүгіріңдер, қарақтарым, ағаларың жеңешеңді аман сау әкеле ме екен? ” деп балаларды жүгіртеді. Сонда балалар “сау келеді ” деп жүгіреді. Қыз басындағы биік бөрік сәукеле деп аталуы осыдан.в) Ұлттық ойындар.Алтыбақан (дәстүрлі ойын)Алтыбақан- ұлттық ойын болғанымен оның салт- дәстүрлік маңызы одан гөрі жоғары тұр. Кешкілік ауылдың қыз- жігіттері аулақтау жерге алтыбақан құрып, ойын сауық жасайды. Бұл жастардың өнерін, ойын, көзқарастарын, танымын қалыптастыруда зор тәрбиелік қызмет атқарады. Әншейінде “Қызға қырық үйден тыйым” дейтін қазақтың қыздарын алтыбақанға жібермеуге хақы жоқ. Алтыбақанда жастар ән салып, түрлі ойын ұйымдастырып, түн ортасына дейін сауық жасайды.г) Ұлттық ою-өрнек түрлері.Тасқа, сүйекке, ағашқа, қашап ойып, сол арқылы өзі көрген табиғи ортасын не ойын жеткізуге құштарлық атам- заманнан қалыптаса бастаған. Олар тектен- текке тумаған, өмір қажеттілігінен, тарихи қоғамдық болмыстан туып, халықтың тапқырлық ой-парасатын бейнелейтін өрнектер. Ою түрлері өте көп: түйе табан, қошқар мүйіз, омыртқа, т.б.Қошқар мүйіз- молшылық белгісі. Малды бақсаң қойды бақ, Қошқар мүйіз сүйектен. Қос мұртыңды май бұлап, Ет арылмас иектен.ІІІ. Қорытынды:Дәстүр – ұрпақтан- ұрпаққа көшетін тарихи қалыптасқан әлеуметтік нормалар, қоғамдық дүние, ол қоғамдық ұйымдар мен халықтың мінез-құлқы және іс-әрекетінің рухани негізі.Салт- халықтар кәсібіне, сеніміне, тіршілігіне байланысты қалыптасқан, ұрпақтан-ұрпаққа ауысып отыратын әдет- ғұрып, дәстүр.Туғаннан соң адам боп,Білімсізден жаман жоқ.Ел дәстүрін білмесең, Жұрт атайды надан деп. Кең даланың ежелгі , Қазақ дейтін халқымыз. Өзге ұлттай біздің де, Бар дәстүр мен салтымыз.Қазақтың өмір салты мен сыйластығы өте зор . Салт-дәстүрімізді әрқашан да сақтайық.

Жүктеу

Бөлісу

ЖИ арқылы жасау

Файл форматы:

docx

Бастауыш сынып Тәрбие сағаты 3 сынып

17.02.2019

766

Жүктеу

ЖИ арқылы жасау

Бұл материалды қолданушы жариялаған. Ustaz Tilegi ақпаратты жеткізуші ғана болып табылады. Жарияланған материалдың мазмұны мен авторлық құқық толықтай автордың жауапкершілігінде. Егер материал авторлық құқықты бұзады немесе сайттан алынуы тиіс деп есептесеңіз,
шағым қалдыра аласыз

"Салт -дәстүрді сақтайық"

Химия пәні

Тарих пәні

Биология пәні

Ағылшын тілі пәні

География пәні

Информатика пәні

Мектепке дейінгі білім беру

«Қазақ тілі» жəне «Қазақ əдебиеті»

Дене шынықтыру

Білім алушылардың білім сапасын арттыру

Инклюзивті білім беру