Информатика пәні бойынша 4-сынып оқушысының өзіндік жұмысының жоспары

I тоқсан

Сабақтың нөмірі: _________

Сабақтың тақырыбы:Салыстыру операторлары.

Мақсаты (оқушыға бағытталған): салыстыру операторларын пайдалану

Қысқаша тезисті конспект (мәтін, сызба, кесте және т.б. түрінде).

● «Спорт – денсаулық кепілі». Спорттың денсаулыққа пайдасы жайлы әңгімеле.
​● Сен қандай спорт түрімен айналысуды ұнатасың (1-сурет)? Қандай спорт үйірмесіне барасың?
​● Салыстыру операторларын пайдаланып, Scratch-те спортқа байланысты қандай жобалар құрастыруға болады?

1-сурет

Сен күнделікті бір затты немесе бір шаманы екіншісімен салыстырасың. Мысалы, «артық – кем» немесе «қымбат – арзан», «ұзын – қысқа» т.б. Математика сабағында да сандарды, әртүрлі математикалық өлшем бірліктерді жиі салыстырасың. Scratch-те математикаға байланысты түрлі ойын жобаларына «артық», «кем», «тең» сияқты салыстыру операторларын пайдалануға болады.

Салыстыру операторларын қандай жағдайда қолданамыз?

Салыстыру операторларын екі мәннің өзара тең немесе бірі екіншісінен артық не кем екендігінін анықтау үшін қолданылады. Салыстырудың ақиқат немесе жалған деген логикалық мәндері программалау ортасында көрініп тұрады.

Біз шеешімді қалай қабылдаймыз?

Күнделікті өмірде біз үнемі әртүрлі шешімдер қабылдаймыз. Мысалы, дүкендегі кітаптың алдымен мазмұнын, бағасын білеміз. Содан кейін ғана оны сатып алу немесе алмау туралы шешім қабылдаймыз.

Scratch программалау ортасында жобалар жасау барысында да бізге шешімдер қабылдайтын жағдайлар, оқиғалар кездеседі. Сондай кезде біз олардың мәндерін салыстырамыз.

Scratch-тегі Салыстыру операторлары

Scratch-те сценарийге Салыстыру операторларын қоссақ, ол программаны қызықты әрі тартымды жасауға мүмкіндік береді.

Scratch интерфейсі әлемнің 71 тіліне аударылған.

Салыстыру операторлары

Артық – больше – big; тең – равно – equals; 
​кем – меньше – less

1. Оқулық беттеріне, Интернет-ресурстарға сілтеме (видеоүзінді, құжат, мәтін және т.б. нақты сілтеме беру).

Арман-Пв кітабы (26-бет),

https://www.opiq.kz/kit/30/chapter/3047

https://www.youtube.com/watch?v=Yw9a9HpfoL8

2. Оқушыларға арналған тапсырмалар

Кітапта 29-бетте Үйде орындайық тапсырмасы №1